flash news

മങ്കടയുടെ ചരിത്രവും വര്‍ത്തമാനവുമായി ബന്ധപ്പെട്ട വിവരങ്ങള്‍ ചിത്രങ്ങള്‍ mankadablog@gmail.com ലേക്ക് അയക്കുകമങ്കടയെ സംബന്ധിച്ചുള്ള ചരിത്രം,വ്യക്തികള്‍,സംഭവങ്ങള്‍ എന്നിവ പൂര്‍ണ്ണമല്ല...അയച്ചുതരികDAILY UPDATE....DAILY VISIT...COMMENT ..

TODAYS SPECIAL

പുതിയ വാര്‍ത്തകള്‍ വളരെ വേഗത്തില്‍ നിങ്ങളുടെ മുന്നില്‍....

Sunday, 30 August 2015

vasu master


ശ്രീ. വാസുദേവന്‍ മാസ്റ്റര്‍നിര്യാതനായി

                  





മങ്കട: മേലാറ്റൂര്‍ ഉപജില്ലാ വിദ്യാഭ്യാസ ഓഫീസര്‍ മങ്കട വെള്ളിലയിലെ കൂറ്റീരി വാസുദേവന്‍ മാസ്റ്റര്‍ (53) നിര്യാതനായി. ഇലെ രാവിലെ പത്ത് മണിയോടെ ഹൃദയാഘാതത്തെ തുടര്‍ായിരുന്നു മരണം സംഭവിച്ചത്. 20ല്‍ പരം വര്‍ഷക്കാലം മങ്കട ഗവ ഹൈസ്‌കൂള്‍ അധ്യാപകനായി ജോലി ചെയ്ത അദ്ദേഹം കഴിഞ്ഞ ഫെബ്രുവരി മുതല്‍ ഇടുക്കി ചെമ്പകപ്പാറ ഹൈസ്‌കൂളില്‍ പ്രധാനദ്ധ്യാപകനായും, പിന്നീട് മേലാറ്റൂര്‍ ഉപജില്ലാ വിദ്യാഭ്യാസ ഓഫീസറായും സേവനമുഷ്ടിക്കുകയായിരുന്നു. വടക്കാങ്ങര എം.എം.എല്‍.പി.സ്‌കൂളിലും, ചേരിയം ഗവ.യു.പി.സ്‌കൂളിലും അധ്യാപകനായി സേവനമനുഷ്ടിച്ചി'ട്ടുണ്ട്. സംസ്‌കാരം വൈകുരേം അഞ്ച് മണിയോടെ വീട്ടൂവളപ്പില്‍ നടന്നു. വെള്ളിലയിലെ പരേതനായ കൂറ്റീരി വേലായുധന്‍ മാസ്റ്ററുടെയും ജാനകിയുടെയും മകനാണ് വാസുദേവന്‍ മാസ്റ്റര്‍. ഭാര്യ പ്രസന്ന. മക്കളില്ല. സഹോദരങ്ങള്‍ സുകുമാരന്‍, ശിവശങ്കരന്‍ (റിട്ട'. ...മങ്കട), കുമാരകൃഷ്ണന്‍, ശ്രീധരന്‍, ശശികുമാര്‍ (പള്ളിപ്പുറം ഹൈസ്‌കൂള്‍ അധ്യാപകന്‍), ശശികല, ബേബി വത്സല.ഇടതുപക്ഷ അധ്യാപക സംഘടനയുടെ സജീവ പ്രവര്‍ത്തകനായിരുന്നു അന്തരിച്ച വാസുദേവന്‍ മാസ്റ്റര്‍.

onam

മങ്കടയിലെ ഓണാഘോഷം


 

Saturday, 22 August 2015

gold star cheriyam



പ്രകൃതിയുമായി കൈകോര്‍ത്ത് ഒരു യുവജന കൂട്ടായ്മ
നോര്‍ത്ത് ചേരിയം ഗോള്‍ഡ് സ്റ്റാര്‍ ആര്‍ട്സ് ആന്റ് സ്പോര്‍ട്സ് ക്ലബ്ബ്

തയ്യാറാക്കിയത് : ഇഖ്ബാല്‍ മങ്കട 
 


യുവജന കൂട്ടായ്മകള്‍ നാടിനുണ്ടാക്കുന്ന നേട്ടങ്ങള്‍ പുതിയ അനുഭവമൊന്നുമല്ല.പലപ്പോഴും മാതൃകാ കൂട്ടായ്മകളായി നമ്മുടെ വാര്‍ത്താമാധ്യമങ്ങളില്‍ പല ക്ലബ്ബുകളും പ്രത്യക്ഷപ്പെടാറുമുണ്ട്.എന്നാല്‍ മങ്കട നോര്‍ത്ത് ചേരിയം പ്രദേശത്ത് യുവാക്കളുടെ നേതൃത്വത്തില്‍ രൂപം കൊണ്ട നോര്‍ത്ത് ചേരിയം ഗോള്‍ഡ് സ്റ്റാര്‍ ആര്‍ട്സ് ആന്റ് സ്പോര്‍ട്സ് ക്ലബ്ബ് ആസൂത്രണംകൊണ്ടും പ്രവര്‍ത്തനങ്ങള്‍ കൊണ്ടും വ്യത്യസ്തത പുലര്‍ത്തുന്നു.

മനസ്സില്‍ നിന്നും മണ്ണിനേയും കൃഷിയേയും പടിയിറക്കിയ ഒരു കാലഘട്ടത്തിലൂടെയാണ് മലയാളികളായ നമ്മള്‍ കടന്നുപോയികൊണ്ടിരിക്കുന്നത്. കൃഷിമരിക്കുന്നു,തമിഴ് നാട്ടില്‍ നിന്നും വിഷമയമായ പച്ചക്കറികള്‍ വരുന്നു തുടങ്ങി തുടരന്‍ ലേഖനങ്ങളും ചര്‍ച്ചകളുമായി വാര്‍ത്താമാധ്യമങ്ങള്‍ വിലപിക്കുന്ന കാലം.ഉള്ള ഭൂമിതന്നെ ആദ്യവര്‍ഷം തരിശും പിന്നീട് ക്രമേണ തോട്ടം,അതുകഴിഞ്ഞ് കോണ്‍ക്രീറ്റ് വനങ്ങളായി പരിണാമം സംഭവിക്കുന്ന സമൂഹത്തില്‍ നിന്നും മങ്കടയും മോചിതമല്ലെന്ന സത്യം ഉള്‍കൊള്ളുമ്പോള്‍തന്നെയാണ് അഞ്ചേക്കര്‍ തരിശുഭൂമി ഉപയോഗ യോഗ്യമാക്കി കൃഷിയിറക്കി സമൂഹത്തിനു മാതൃകയായ ഒരു കൂട്ടം യുവാക്കള്‍, ഗോള്‍ഡ് സ്റ്റാര്‍ ക്ലബ്ബിന്റെ നേതൃത്വത്തില്‍ കൃഷിയിറക്കാന്‍ എടുക്കുന്ന തീരുമാനത്തിന്റെ മൂല്യം ഓരോ മങ്കടക്കാരനും മാതൃകയായി സമൂഹത്തിന്റെ മുമ്പില്‍ വെയ്ക്കുന്നത്.
മികച്ച യുവ കര്‍ഷകര്‍ക്കുള്ള അവാര്‍ഡ്
 കാര്‍ഷിക ജോലിക്ക് ആളെകിട്ടാതെ വരികയും കൃഷിലാഭകരമല്ലാതാവുകയും ചെയ്തതോടെ കാര്‍ഷിക പ്രവര്‍ത്തനം നിര്‍ത്തിയ, തരിശായ ചേരിയത്തെ പീഴ് ത്തിനിപ്പാടം ഉടമസ്ഥന്‍മാരായ സര്‍വ്വശ്രീ കെ.ടി സൈനുദ്ധീന്‍ഹാജി,അബുണ്ണി ഹാജി,സൈതാലി ഹാജി,പൂന്തോടന്‍ അബു എന്നിവരില്‍ നിന്നും ഗോള്‍ഡ് സ്റ്റാര്‍ പാട്ടത്തിനായി ഭൂമി ഏറ്റെടുക്കുകയും യുവാക്കളുടെ കായികാദ്ധ്വനത്തിലൂടെ കൃഷിക്കനുയോജ്യമാക്കി മാറ്റിയെടുക്കുകയും ചെയ്തു.ട്രാക്ടര്‍ ഉപയോഗിച്ചു നിലമുഴുത് വിത്തുവിതക്കാനുള്ള ശ്രമമായതോടെ യുവാക്കളുടെ ഉത്സാഹതിമര്‍പ്പില്‍ കാഴ്ചക്കാരായി നോക്കി നില്ക്കാന്‍ തങ്ങളെകിട്ടിലെന്ന മുന്നറീപ്പുമായി പഴയതലമുറയും കൂടി ഉപദേശ നിര്‍ദ്ദേശങ്ങളോടെ കൂടെ വന്നപ്പോള്‍ ആത്മവിശ്വാസത്തോടെ മുന്നേറാനായി.വിത്തും വളവും വാങ്ങുന്നതിനായി സഹായവുമായി മങ്കട സര്‍വ്വീസ് സഹകരണ ബേങ്കും,കൃഷിഭവനും കൂടി കടന്നു വന്നത്തോടെ ഉത്സവാന്തരീക്ഷത്തില്‍ നടീലിന് മങ്കട ഗ്രാമപഞ്ചായത്ത് പ്രസിഡന്റ് ശ്രീ.ടി.അബ്ദുല്‍കരീം തുടക്കം കുറിച്ചു.പൂര്‍ണ്ണമായും ജൈവവളം ഉപയോഗിച്ച് നടത്തിയ ഈ കാര്‍ഷിക പരീക്ഷണം മികച്ചവിജയമായതിന്റെ സന്തോഷം പങ്കിടാന്‍ ബഹു.മങ്കട എം.എല്‍.എ ശ്രീ അഹമ്മദ് കബീറും പി.ഉബൈദുള്ളയും എത്തിയത് ക്ലബ്ബംഗങ്ങള്‍ക്കും നാട്ടുക്കാര്‍ക്കും ലഭിച്ച അംഗീകാരവും പരിസ്ഥിതി പ്രവര്‍ത്തനങ്ങള്‍ കടലാസിലല്ല പ്രകൃതിയില്‍ തന്നെ ചെയ്തുകാണിക്കാനുള്ളതാണെന്ന സന്ദേശവുമാണ് സമൂഹത്തിനു നല്കിയത്.



കൃഷിയില്‍ മാത്രം ഒതുങ്ങാതെ സമൂഹത്തിലെ വിവിധമേഖലകളെ പ്രവര്‍ത്തനകേന്ദ്രമാക്കാനാണ് ക്ലബ്ബ് അംഗങ്ങള്‍ ശ്രമിച്ചത്.നെഹൃയുവകേന്ദ്രയുമായി സഹകരിച്ച് പ്രദേശത്തുള്ള വനിതകള്‍ക്ക് തയ്യല്‍പരിശീലനം നല്കാനും അമ്പതിലധികം വരുന്ന തൊഴില്‍രഹിതര്‍ക്ക് അലൂമിനിയം ഫാബ്രിക്കേഷന്‍ പരിശീലനം നല്കി ജീവിതമാര്‍ഗ്ഗം കണ്ടെത്താനുള്ള വഴിയൊരുക്കാനും ക്ലബ്ബിനായി.
പാവപ്പെട്ട വിദ്യാര്‍ത്ഥികള്‍ക്കായി സൗജന്യ നോട്ടുപുസ്തക വിതരണം,വിവിധ പരീക്ഷകളില്‍ വിജയിച്ച വിദ്യാര്‍ത്ഥികള്‍ക്കുള്ള അവാര്‍ഡ് വിതരണം തുടങ്ങി കൃഷിഭവന്റെ സഹായത്തോടെ വിത്ത്,വളം,തൈകള്‍ എന്നിവ പ്രദേശത്ത് വിതരണം ചെയ്യാന്‍ മുന്‍ക്കൈഎടുത്തതും ഗോള്‍ഡ് സ്റ്റാര്‍ ക്ലബ്ബാണ്.സമീപത്തെ ചേരിയം ഗവ:ഹൈസ്ക്കൂളിലെ വിദ്യാര്‍ത്ഥികള്‍ക്കായി സൗജന്യഫുട്ബോള്‍ കോച്ചിംഗ് ക്ലബ്ബിന്റെ നേതൃത്വത്തിലാണ് നടക്കുന്നത്.ഇതിനെല്ലാമപ്പുറം മികച്ച ഒരു വായന കേന്ദ്രം ഒരുക്കാനും ക്ലബ്ബിനായി എന്നത് വളര്‍ന്നു വരുന്നതലമുറക്കായിയുള്ള അക്ഷരവെളിച്ചത്തിന്റെ കൈയൊപ്പായി കാണാവുന്നതാണ്.


 ക്ലബ്ബിന്റെ പ്രവര്‍ത്തനങ്ങള്‍ക്ക് ചുക്കാന്‍ പിടിക്കുന്നത് വിവിധമേഖലയില്‍ തൊഴിലെടുക്കുന്നവരാണ്.തങ്ങളുടെ ഒഴിവുസമയം പൂര്‍ണ്ണമായും ക്ലബ്ബിനു നീക്കിവെയ്ക്കാന്‍ തയ്യാറായ നോര്‍ത്ത് ചേരിയം ഗോള്‍ഡ് സ്റ്റാര്‍ ആര്‍ട്സ് ആന്റ് സ്പോര്‍ട്സ് ക്ലബ് അംഗങ്ങള്‍ക്ക് മങ്കട ഓണ്‍ലൈനിന്റെ അഭിനന്ദനങ്ങള്‍.
ഭാരവാഹികള്‍:
പ്രസിഡന്റ് സൈതാലിക്കുട്ടി ചേലശ്ശേരി
വൈസ് പ്രസിഡന്റ്: 1.ജവാദ് ആലുങ്ങള്‍.2. സുനീര്‍പാറക്കല്‍
സെക്രട്ടറി നൗഷാദ് .പി.കെ(മദീന)
ജോ.സെക്രട്ടറി. 1.അര്‍ഷദ് ചോലശ്ശീരി.2.സാജിര്‍ആലുങ്ങല്‍
ട്രഷര്‍ മുഹമ്മദ്ക്കുട്ടി(ബാവ മദീന)
സ്പോര്‍ട്സ് വിഭാഗം : ബാസിം
വിദ്യാഭ്യാസ വിഭാഗം: 1.ഫവാസ്.കെ2.സല്‍സബീല്‍.പി
ആര്‍ട്സ്: ഷബീബ് മേലേതില്‍

Monday, 17 August 2015

birth

ജനന രജിസ്‌ട്രേഷന്‍ : പേര് ചേര്‍ക്കാനുള്ള കാലാവധി നീട്ടി

2015 ജൂണ്‍ 23 ന് മുമ്പ് പേരില്ലാതെ ജനനം രജിസ്റ്റര്‍ ചെയ്തിട്ടുള്ളവര്‍ ജനന രജിസ്റ്ററില്‍ അഞ്ച് വര്‍ഷത്തിനകം കുട്ടിയുടെ പേര് ഉള്‍പ്പെടുത്തണം. ഈ കാലയളവിന് ശേഷമുള്ളവ പതിനഞ്ച് കൊല്ലത്തിനകവും ലേറ്റ് ഫീസോടെ പേര് ഉള്‍പ്പെടുത്താമെന്ന് കേരള ജനന രജിസ്‌ട്രേഷന്‍ ചട്ടത്തില്‍ ഭേദഗതി വരുത്തി വിജ്ഞാപനം പുറപ്പെടുവിച്ചു. (ജി.ഒ (പി) നമ്പര്‍. 119/2015/എല്‍.എസ്.ജി.ഡി, എസ്.ആര്‍.ഒ നമ്പര്‍ 484/2015)

Friday, 14 August 2015

സ്വാതന്ത്രദിനാശംസകള്‍


മങ്കടഓണ്‍ലൈനിന്റെ
സ്വാതന്ത്രദിനാശംസകള്‍



Sunday, 2 August 2015

apj


ഡോ. .പി.ജെ. അബ്ദുള്‍ കലാമിന്റെ ജീവിതദര്‍ശനം






സ്റ്റുഡന്റ് പോലീസ് കേഡറ്റ് പദ്ധതിയുടെ വാര്‍ഷിക ദിനമായ ഓഗസ്റ്റ് രണ്ട് അന്തരിച്ച മുന്‍ രാഷ്ട്രപതി എ.പി.ജെ. അബ്ദുള്‍ കലാമിനോടുളള ആദരസൂചകമായി അദ്ദേഹത്തിന്റെ അനുസ്മരണ ദിനമായി സംസ്ഥാനത്തെ എല്ലാ സ്റ്റുഡന്റ് പോലീസ് കേഡറ്റ് പദ്ധതി സ്‌കൂളുകളും ആചരിക്കാന്‍തീരുമാനിച്ചതിന്റെ അടിസ്ഥാനത്തില്‍ മങ്കട ഗവണ്‍മെന്റ് ഹൈസ്ക്കൂളിലും പ്രവര്‍ത്തനങ്ങള്‍ ഇന്നു(ആഗസ്റ്റ് 2) നടന്നു.
രാവിലെ എട്ടു മുതല്‍ ഡോ. .പി.ജെ. അബ്ദുള്‍ കലാമിന്റെ ജീവിതത്തില്‍ നിന്നു ഞാന്‍ എന്തു പഠിച്ചു എന്ന വിഷയത്തില്‍ ഉപന്യാസ മത്സരം, അദ്ദേഹത്തിന്റെ ജീവിതത്തെയും സംഭാവനകളെയും അടിസ്ഥാനപ്പെടുത്തിയുളള ക്വിസ് മത്സരം, ഡോ. .പി.ജെ. അബ്ദുള്‍ കലാമിന്റെ ജീവിതദര്‍ശനം എന്ന വിഷയത്തില്‍ പ്രഭാഷണം, മുതലായവയും സംഘടിപ്പിച്ചിരുന്നു.
ഞാന്‍ ഇത് എഴുതാന്‍കാരണം ഡോ. .പി.ജെ. അബ്ദുള്‍ കലാമിന്റെ ജീവിതദര്‍ശനം എന്ന വിഷയത്തില്‍ പ്രഭാഷണം നടത്താന്‍ എന്നെയാണ് ഭാരവാഹികള്‍ ചുമതലപ്പെടുത്തിയത്.രാവിലെ ഒന്‍പത് മണിക്കായിരുന്നു എനിക്കുള്ള ചുമതല. .പി.ജെ. അബ്ദുള്‍ കലാം എന്ന പച്ചയായ മനുഷ്യനെ എനിക്കെന്നും ഇഷ്ടമായിരുന്നു.അദ്ദേത്തിന്റെ ജീവിതദര്‍ശനങ്ങളെക്കുറിച്ച് സംസാരിക്കാനൊന്നും കഴിവുള്ള ആളുമല്ല ഞാന്‍.എന്നാലും ഒരു അധ്യാപകന്‍ എന്ന നിലയില്‍ കലാം എന്ന പ്രതിഭയുടെ മേന്മകള്‍ വായിച്ചും കേട്ടും എന്നിലുണ്ടാക്കിയ അനുഭവങ്ങള്‍ കുട്ടികളുമായി പങ്കുവെയ്ക്കാനായിട്ടാണ് എന്റെ മാതൃ വിദ്യാലയത്തില്‍ എത്തിയത്.വര്‍ഷങ്ങള്‍ക്കു മുമ്പ് ഞാന്‍ പഠിച്ച ക്ലാസ് മുറിയില്‍ ഒരധ്യാപകനായി ഏറെ ഇഷ്ടപ്പെടുന്ന മറ്റൊരധ്യാപകന്റെ ജീവിത ദര്‍ശനത്തെക്കുറിച്ചു സംസാരിക്കാനായതിന്റെ സംതൃപ്തിയിലാണു ഞാനിന്ന്.കുട്ടികളോട് സംവദിക്കുന്നതിനായി അഗ്നിച്ചിറകുകള്‍ എന്ന കലാമിന്റെ ആത്മകഥയുടെ ഒരു കോപ്പി കയ്യില്‍ വെച്ചുകൊണ്ടുതന്നെ അദ്ദേഹത്തിന്റെ ബാല്യവും വിദ്യാഭ്യാസകാലും ശാസ്ത്രലോകവും രാഷ്ട്രപതി യായ കലാമും കുട്ടികളോടൊത്തുള്ള അദ്ദേഹത്തിന്റെ പ്രവര്‍ത്തനങ്ങളും സഹപ്രവര്‍ത്തകരുടെ വാക്കുകളില്‍ അബ്ദുല്‍ കലാം ആരായിരുന്നുവെന്നും അദ്ദേഹത്തിന്റെ സന്തതസഹചാരിയാരുന്ന ശ്രീജന്‍പാല്‍ സിങ്ങിന്റെ അവസാന യാത്രാനുഭവവും കുട്ടികളുമായി പങ്കുവെച്ചശേഷം സ്വപ്നം കാണുക, ഊര്‍ജ്ജത്തോടെ പ്രവര്‍ത്തിക്കുക എന്നതായിരുന്നു കലാം എന്ന വ്യക്തിയുടെ ജീവിതദര്‍ശനം എന്ന ഓര്‍മ്മപ്പെടുത്തലോടെ ,എണ്‍പത്തിനാലാം വയസ്സില്‍ അവുല്‍ പക്കീര്‍ ജൈനലാബ്ദീന്‍ അബ്ദുല്‍ കലാം എന്ന എ.പി.ജെ. അബ്ദുല്‍ കലാം ലോകത്തോട് വിട പറയുമ്പോള്‍ അദ്ദഹം ചൊരിഞ്ഞ പ്രകാശം മാത്രമല്ല, മനസ്സില്‍ തെളിയുന്നത്. മറിച്ച് 'അഗ്നിച്ചിറകുകളു'ടെ അവസാനഭാഗത്ത് അദ്ദേഹം എഴുതിയ ഒരു വാചകമാണെന്നു പറഞ്ഞു ഞാന്‍ ആത്മകഥയിലെ അവസാനഭാഗം ശബ്ദക്രമീകരണത്തോടെ വായിച്ചു തീര്‍ന്നതും ഒരു നെടുവീര്‍പ്പോടെ കുട്ടികള്‍ കുറച്ചുസമയം നിശബ്ദമായിരുന്നതും എന്നിലുണ്ടാക്കിയത് വികാരം വാക്കുക്കള്‍ക്കപ്പുറമായിരുന്നു.
ആത്മകഥയിലെ അവസാനഭാഗം ഇപ്രകാരമായിരുന്നു:

'
രാമേശ്വരം ദ്വീപിലെ മോസ്‌ക് സ്ട്രീറ്റില്‍ നൂറ് വര്‍ഷത്തിലേറെക്കാലം ജീവിച്ച് അവിടെത്തന്നെ മൃതിയടഞ്ഞ ജൈനുലാബ്ദീന്റെ പുത്രന്റെ കഥ, തന്റെ സഹോദരനെ സഹായിക്കാനായി വര്‍ത്തമാന പത്രങ്ങള്‍ വിറ്റുനടന്ന ഒരു ബാലന്റെ കഥ, ശിവസുബ്രഹ്മണ്യ അയ്യരാലും അയ്യാദുരെ സോളമനാലും വളര്‍ത്തിയെടുക്കപ്പെട്ട ശിഷ്യന്റെ കഥ, പണ്ടാലയെപ്പോലുള്ള അധ്യാപകര്‍ പഠിപ്പിച്ച വിദ്യാര്‍ഥിയുടെ കഥ, എം.ജി.കെ. മേനോനാല്‍ കണ്ടെത്തപ്പെട്ട് ഐതിഹാസികനായ പ്രൊഫസര്‍ വിക്രം സാരാഭായിയാല്‍ വളര്‍ത്തപ്പെട്ട എന്‍ജിനീയറുടെ കഥ, പരാജയങ്ങളാലും തിരിച്ചടികളാലും പരീക്ഷിക്കപ്പെട്ട ഒരു ശാസ്ത്രജ്ഞന്റെ കഥ, അതിവിദഗ്ധരുടെ വലിയൊരു ടീമിനാല്‍ പിന്തുണയ്ക്കപ്പെട്ട ഒരു ലീഡറുടെ കഥ. ഈ കഥ എന്നോടൊപ്പം അവസാനിക്കും. ലൗകികമായി എനിക്കാരും പിന്തുടര്‍ച്ചാവകാശി ഇല്ല. ഞാനൊന്നും നേടിയിട്ടില്ല, ഒന്നും നിര്‍മിച്ചിട്ടില്ല, ഒന്നും കൈവശം വെക്കുന്നുമില്ല. കുടുംബമോ പുത്രന്മാരോ പുത്രിമാരോ ഒന്നും.......

Wednesday, 29 July 2015

MINORITY PRE-METRIC SCHOLARSHIP 2015-16

വിദ്യാഭ്യാസം

MINORITY PRE-METRIC SCHOLARSHIP 2015-16(Updated)

     2015-16 വര്‍ഷത്തെ Minority Pre-Metric Scholarship-ന് ഇപ്പോള്‍ അപേക്ഷിക്കാവുന്നതാണ്. ഓണ്‍ലൈനായി വേണം അപേക്ഷകള്‍ സമര്‍പ്പിക്കേണ്ടത്. മുന്‍ വര്‍ഷങ്ങളിലേതില്‍ നിന്നും വ്യത്യസ്ഥമായി ഈ വര്‍ഷം മുതല്‍ 9,10 ക്ലാസുകളിലെ വിദ്യാര്‍ഥികളുടെ അപേക്ഷകള്‍ കേന്ദ്രസര്‍ക്കാരിന്റെ സ്കോള്ര‍ഷിപ്പ് പോര്‍ട്ടലായ scholarships.gov.in-ലും ഒന്ന് മുതല്‍ എട്ട് വരെയുള്ള ക്ലാസുകളുടേത് scholarship.itschool.gov.in-ലുമാണ് നല്‍കേണ്ടത്. 9,10 ക്ലാസുകളുടേത് ഓരോ വിദ്യാര്‍ഥിയെയും പോര്‍ട്ടലില്‍ പ്രത്യേകം പ്രത്യേകംരജിസ്റ്റര്‍ ചെയ്തതിന് ശേഷമാണ് അപേക്ഷിക്കേണ്ടത്. (സ്കൂളിന്റെ USERNAME PASSWORD ഉപയോഗിച്ചല്ല ചെയ്യേണ്ടത്).  ഇത് ചെയ്യുന്നതിനുള്ള പ്രവര്‍ത്തനം OPERATIONAL GUIDELINE എന്ന പേരില്‍ ചുവടെ ചേര്‍ത്തിരിക്കുന്നു.
2015-16ലെ ന്യൂനപക്ഷ പ്രീ-മെട്രിക് സ്‌കോളര്‍ഷിപ്പിന് അപേക്ഷ സമര്‍പ്പിക്കുന്നതിനുള്ള അവസാന തീയതി ഓഗസ്റ്റ് 31ലേക്ക് മാറ്റി. 2014-15 വര്‍ഷത്തില്‍ ബാങ്ക് അക്കൗണ്ട് വിവരങ്ങളില്‍ തെറ്റുതിരുത്തി അപ്‌ഡേറ്റ് ചെയ്യുവാനുള്ള തീയതി ജൂലൈ 31 വരെയും നീട്ടി.

  ഇതുമായി ബന്ധപ്പെട്ട് വിശദമായ സര്‍ക്കുലറുകള്‍ പുറത്തിറങ്ങിയത് അനുബന്ധമായി ചുവടെ ചേര്‍ക്കുന്നു.
CLICK Here for On line Link For Classes 1-8 
CLICK HERE for Online Link for Classes IX & X 

  • (9,10 ക്ലാസുകളിലെ സ്റ്റുഡന്റ് രജിസ്ട്രേഷനായി ഇപ്പോള്‍ നല്‍കുന്ന ഫോണ്‍ നമ്പര്‍ ഈ അധ്യയനവര്‍ഷം മാറ്റാന്‍ സാധിക്കില്ല.)
9,10 ക്ലാസുകളുടെ ഡേറ്റാ എന്‍ട്രി നടത്തുമ്പോള്‍ ശ്രദ്ധിക്കേണ്ട കാര്യങ്ങള്‍
  • ആദ്യമായി ഇവിടെ നിന്നും ലഭിക്കുന്ന   ലിങ്ക് വഴി കുട്ടിയെ ഈ പോര്‍ട്ടലില്‍ രജിസ്റ്റര്‍ ചെയ്യുക
  • ഇപ്പോള്‍ നല്‍കുന്ന ഫോണ്‍ നമ്പര്‍ ഈ അധ്യയനവര്‍ഷം മാറ്റാന്‍ സാധിക്കില്ല എന്നതിനാല്‍ മാറാത്ത കുട്ടിയുടെ മൊബൈല്‍ നമ്പര്‍ നല്‍കണം
  • തുറന്ന് വരുന്ന ബോക്സില്‍ * അടയാളമുള്ള എല്ലാField-കളും നിര്‍ബന്ധമായും Fill ചെയ്യുക
  • Date of Birth, Combo Box-ല്‍ നിന്നും തന്നെ Select ചെയ്യണം
  • എല്ലാ ഫീല്‍ഡുകളും ഫില്‍ ചെയ്ത്  കഴിയുമ്പോള്‍  Temporary Id ലഭിക്കും. ഈ Id നോട്ട് ചെയ്യണം. (പിന്നീട് എപ്പോഴെങ്കിലും ലോഗിന്‍ ചെയ്യുമ്പോള്‍ ഈ ID-യും DATE OF BIRTH-ഉം ഉപയോഗിച്ചാണ് LOGIN ചെയ്യേണ്ടത്)
  • തുടര്‍ന്ന് വരുന്ന പേജില്‍ രക്ഷകര്‍ത്താവിന്റെ occupation എന്നില്‍ തന്നിരിക്കുന്നത് ഉണ്ടെങ്കില്‍ മാത്രം സെലക്ട് ചെയ്യുക
  • തുടര്‍ന്ന് Save and Continue ക്ലിക്ക് ചെയ്യുക.അപ്പോള്‍ Accadeic Details നല്‍കുന്നതിനുള്ള പേജ് ലഭിക്കും
  • ഇവിടെ Select Your Institution എന്നതിന് നേരെ State, Kerala എന്നിവ തിരഞ്ഞെടുക്കുക
  • ുടര്‍ന്ന് Get Institution list search ല്‍ Search(Key word ഉപയോഗിച്ച് ) തിരഞ്ഞ് കണ്ടെത്തി സിലക്ട് ചെയ്യുക.ഏതെങ്കിലും വിദ്യാലയങ്ങള്‍ ഈ ലിസ്റ്റില്‍ ഉള്‍പ്പെട്ടിട്ടില്ലെങ്കില്‍ ഐ ടി സ്കൂള്‍ DRCയുമായി ബന്ധപ്പെടണം.
  • ആ ക്ലാസിലേക്ക് പ്രവേശനം നല്‍കിയ തീയതി May 2, 2015 എന്നത് Combo Box ഉപയോഗിച്ച് തിരഞ്ഞെടുക്കുക തുടര്‍ന്ന് Admission Type എന്നത് Regular എന്ന് നല്‍കുക. Previous Accademic Details നല്‍കേണ്ടതില്ല.
  • തുടര്‍ന്ന് Scheme Details എന്ന പേജാണ് ഫില്‍ ചെയ്യേണ്ടത്. ഇവിടെ List of Eligible Schemes എന്നതിന് നേരെ Tick Mark നല്‍കുക.
  • Show Required Documents-ല്‍ ഒരെണ്ണമെങ്കിലും തിരഞ്ഞെടുത്തിരിക്കണം എങ്കില്‍ മാത്രമേ ബാക്കി വിവരങ്ങള്‍ നല്‍കാന്‍ കഴിയൂ. 100KBയില്‍ താഴെയുള്ള ഫോട്ടോ വേണം അപ്‌ലോഡ് ചെയ്യേണ്ടത്, Income, Caste Certificateകള്‍ സ്കാന്‍ ചെയ്ത് അപ്‌ലോഡ് ചെയ്യണം. HM Declaration, Bank Passbook-ന്റെ അക്കൗണ്ട് നമ്പര്‍, IFSC Code, പേര് ഇവയുള്ള പേജിന്റെ കോപ്പി (അക്കൗണ്ട് കുട്ടിയുടെ പേരില്‍ തന്നെയുള്ളതാവണം) എന്നിവ നിര്‍ബന്ധമായും സ്കാന്‍ ചെയ്ത് Upload ചെയ്തിരിക്കണം.ഫീസുമായി ബന്ധപ്പെട്ട വിവരങ്ങള്‍ Un-aided/CBSE സ്കൂളുകള്‍ക്ക് മാത്രമായിരിക്കും ബാധകം.അതിനാല്‍ അവയുടെ കോപ്പികള്‍ നല്‍കേണ്ടതില്ല.(ജാതി/വരുമാന സര്‍ട്ടിഫിക്കറ്റുകള്‍ ബന്ധപ്പെട്ട അധികാരികളുടെ വേണമെന്ന് സോഫ്റ്റ്‌വെയറില്‍ നിന്നും മനസിലാകുന്നു. അവയുടെ സ്കാന്‍ ചെയ്ത കോപ്പികളാണ് നല്‍കേണ്ടതെന്ന്.) തുടര്‍ന്ന് Save and Continue നല്‍കുക. 
  • തുടര്‍ന്ന് ബാങ്ക് വിവരങ്ങള്‍ നല്‍കണ്ട പേജിലെ വിവരങ്ങള്‍ നല്‍കി സേവ് ചെയ്യുക.
  • തുടര്‍ന്ന് Contact Details-ലെ വിശദാംശങ്ങളും നല്‍കി Save and Continue ചെയ്യുക   . തുടര്‍ന്ന് വരുന്ന Declaration Page-ല്‍ ടിക്ക് മാര്‍ക്ക് ചെയ്യുന്നതിന് മുമ്പ് എല്ലാ വിവരങ്ങളും ശരിയാണെന്നുറപ്പ് വരുത്തുക. ടിക്ക് മാര്‍ക്ക് നല്‍കിയാല്‍ പിന്നെ Edit ചെയ്യാന്‍ കഴിയില്ല.
  • Confirm ചെയ്ത് കഴിയുമ്പോള്‍ ഇടത് ഭാഗത്ത് രണ്ടാമത്തെ Icon, Click ചെയ്ത് പ്രിന്റ് എടുക്കുക. ഇത് രക്ഷകര്‍ത്താവിന്റെ ഒപ്പിടുവിച്ച് സൂക്ഷിക്കണം.
(സോഫ്റ്റ്‌വെയറില്‍ Updation നടക്കുന്നതിനാല്‍ ഇവിടെ നല്‍കിയ നിര്‍ദ്ദേശങ്ങളില്‍ ചെറിയ മാറ്റങ്ങള്‍ക്ക് സാധ്യതയുണ്ട്.)
OPERATIONAL GUIDELINE for Students Registration in National Scholarships Portal
  • തുടര്‍ന്ന് നല്‍കിയ അപേക്ഷകള്‍ സ്കൂള്‍ തലത്തില്‍ Verify  ചെയ്യണം. ഇതിനായി സ്കൂളിന് User Name & Password ഐടി സ്കൂള്‍ ലഭ്യമാക്കും. Window-യുടെ വലത് വശത്തുള്ള Who Am I Institution-ല്‍ ക്ലിക്ക് ചെയ്ത് ലഭിക്കുന്ന ബോക്സില്‍ Username,Password (ചുരുങ്ങിയത് 8 Character including Special Character) ഇവ നല്‍കി ലോഗിന്‍ ചെയ്ത് വേണം ഇത് പൂര്‍ത്തീകരിക്കാന്‍
 
അപേക്ഷിക്കുന്നതിന് യോഗ്യരായവര്‍
  1. ഗവ. / എയ്ഡഡ്/അംഗീകൃത അണ്‍ എയ്ഡഡ് /CBSE&ICSE സ്കൂളുകളിലെ ഒന്ന് മുതല്‍ പത്ത് വരെ ക്ലാസുകളിലെ ന്യൂനപക്ഷ വിഭാഗങ്ങളില്‍ ഉള്‍പ്പെട്ട (മുസ്ലീം, കൃസ്ത്യന്‍, സിഖ്, പാഴ്സി, ബുദ്ധിസ്റ്റ്, ജൈന്‍) വിദ്യാര്‍ഥികള്‍ക്ക് അപേക്ഷ സമര്‍പ്പിക്കാവുന്നതാണ്.
  2. വാര്‍ഷിക വരുമാനം ഒരു ലക്ഷം രൂപയില്‍ കവിയരുത്
  3. മുന്‍വര്‍ഷത്തെ പൊതു പരീക്ഷയില്‍ 50%-മോ അതിലധികമോ മാര്‍ക്കുകള്‍ ഉള്ളവരായിരിക്കണം. ഒന്നാം ക്ലാസ് വിദ്യാര്‍ഥികള്‍ക്ക് ഈ നിബന്ധന ബാധകമല്ല.
  4. ഒരു കുടുംബത്തിലെ പരമാവധി  രണ്ട് കുട്ടികള്‍ക്ക് മാത്രമേഅപേക്ഷ സമര്‍പ്പിക്കാനാവൂ.
  5. അപേക്ഷയോടൊപ്പം (മാതൃക ചുവടെ) മതം, വരുമാനം ഇവ തെളിയിക്കുന്നതിനുള്ള സത്യവാങ്ങ്മൂലങ്ങള്‍ രക്ഷകര്‍ത്താവ് സാക്ഷ്യപ്പെടുത്തിയത് സമര്‍പ്പിക്കണം .(സ്വയം തൊഴിലില്‍ ഏര്‍പ്പെട്ടിരിക്കുന്നവര്‍ സ്വന്തയായി എഴുതി നല്‍കിയ സത്യവാങ്ങമൂലവും ഉദ്യോഗസ്ഥര്‍ ബന്ധപ്പെട്ട അധികാരി നല്‍കുന്ന സാക്ഷ്യപത്രവുമാണ് നല്‍കേണ്ടത്.) 
  6. സത്യവാങ്ങ്മൂലങ്ങള്‍ വെള്ള പേപ്പറില്‍ നല്‍കിയാല്‍ മതി. മുദ്രപത്രം ആവശ്യമില്ല.
  7. സ്കൂള്‍ മാറി വന്ന വിദ്യാര്‍ഥികളുടെ മുമ്പ് പഠിച്ച വിദ്യാലയത്തിലെ മാര്‍ക്ക് ലിസ്റ്റുമായി ഒത്ത് നോക്കി പ്രധാനാധ്യാപകര്‍ ബോധ്യപ്പെടേണ്ടതാണ്.
  8. മുമ്പ് പ്രീമെട്രിക്ക് സ്കോളര്‍ഷിപ്പ് ലഭിച്ചവരെ RENEWAL എന്ന് നിര്‍ബന്ധമായും സൂചിപ്പിച്ചിരിക്കണം.
  9. രക്ഷകര്‍ത്താവിന്റെ മൊബൈല്‍ നമ്പര്‍, അപേക്ഷകന്റെ പേരിലുള്ള ബാങ്ക് വിശദാംശങ്ങള്‍ ( അക്കൗണ്ട് നമ്പര്‍, IFSC കോഡ്, ബാങ്കിന്റെ പേര് ഇവ പാസ്ബുക്കിന്റെ പകര്‍പ്പുമായി ഒത്ത് നോക്കി ഉറപ്പ് വരുത്തിയത്), ആധാര്‍ ലഭിച്ച വിദ്യാര്‍ഥികളുടെ ആധാര്‍ വിവരങ്ങള്‍ എന്നിവ അപേക്ഷയില്‍ നിര്‍ബന്ധമായും ഉള്‍പ്പെടുത്തണം.
  10. കമ്പ്യൂട്ടറില്‍ ഉള്‍പ്പെടുത്തുമ്പോള്‍ ലഭിക്കുന്ന Application Number അപേക്ഷാ ഫോമില്‍ എഴുതിച്ചേര്‍ക്കുന്നതിനും അപേക്ഷകള്‍ Verified ബട്ടണ്‍ ക്ലിക്ക് ചെയ്ത് കണ്‍ഫേം ചെയ്യുന്നതിനും സ്കൂള്‍ അധികാരികള്‍ ശ്രദ്ധിക്കണം.
  11. Consolidated List AEO-ക്കോ(LP/UP സ്കൂളുകള്‍) DEO-ക്കോ(High School) സമര്‍പ്പിക്കണം. (അണ്‍ എയ്ഡഡ് വിദ്യാലയങ്ങള്‍ ക്രോഡീകരിച്ച ലിസ്റ്റിനൊപ്പം അപേക്ഷകളും AEO/DEO-ക്ക് നല്‍കേണ്ടതാണ്)
  12. ഒന്ന് മുതല്‍ എട്ട് വരെയുള്ള ക്ലാസുകളുടെ അപേക്ഷകള്‍ സമര്‍പ്പിക്കുന്നതിനുള്ള ഐ ടി സ്കൂളിന്റെ സൈറ്റില്‍ Username, Password ഇവ നിലവില്‍ സ്കൂള്‍കോഡായി  നല്‍കിയിരിക്കുന്നു ആദ്യതവണ പാസ്‌വേഡ് മാറ്റാന്‍ മറക്കരുത്
  13. അപേക്ഷകള്‍ സമര്‍പ്പിക്കേണ്ട അവസാനദിവസം ജൂലൈ 31,2015
  14. അപേക്ഷയില്‍ കുട്ടികളുടെ ഒപ്പ് നിര്‍ബന്ധം( 1 മുതല്‍ 5 വരെയുള്ള ക്ലാസുകളിലെ വിദ്യാര്‍ഥികളുടെ അപേക്ഷാ ഫോമില്‍ രക്ഷകര്‍ത്താവിന്റെ ഒപ്പ് ആയാലും മതി)
  15. അപേക്ഷാഫോമില്‍ കുട്ടിയുടെ പാസ്‌പോര്‍ട്ട് സൈസിലുള്ള ഫോട്ടോ ഉള്‍പ്പെടുട്ടണമെന്ന് സര്‍ക്കുലറില്‍ പറയുന്നുണ്ട്.
  16. 9,10 ക്ലാസുകളിലെ കുട്ടികള്‍ക്ക് അപേക്ഷ നേരിട്ട് ഓണ്‍ലൈനായി രജിസ്റ്റര്‍ ചെയ്യാവുന്നതാണ്. ഇതിനായി ഇവിടെ നിന്നും ലഭിക്കുന്ന ലിങ്കില്‍ കുട്ടിയെ ആദ്യം രജിസ്റ്റര്‍ ചെയ്യുമ്പോള്‍ ലഭിക്കുന്ന Username , Password ഇവ ഉപയോഗിച്ച് ലോഗിന്‍ ചെയ്യുക.(Applying procedures for Scholarship Schemes for both Fresh and Renewal are given below:
    Fresh: 1st step - Student have to go with the option “Student Login”, on the home page of National Scholarships Portal. Fill up the application as per the instructions given by the system then click on save button. After saving, student will get a “Temporary ID”. The system will instruct the applicant to submit his/her Temporary ID and date of birth to fill subsequent details. Once registration is complete on click of submit button, a Permanent Registration ID is generated which can be used for Renewal and tracking the status of application
    Renewal: 1st step - Renewal Students have to apply with their Permanent id which they got previous year. Student can also use Forgot Registration ID to retrieve their ID.)
നിര്‍ദ്ദേശങ്ങള്‍ പ്രധാനാധ്യാപകര്‍  AEO/DEO & അപേക്ഷകര്‍
Application Form ഇവിടെ

Friday, 17 July 2015

eid

മങ്കടയെ സ്നേഹിക്കുന്ന എല്ലാവര്‍ക്കും 
മങ്കട ഓണ്‍ലൈനിന്റെ 
ഈദുല്‍ ഫിത്വര്‍ 
ആശംസകള്‍

Monday, 6 July 2015

വിനോദ് മങ്കടയുടെ കഥാസമാഹാരം

 വിനോദ് മങ്കടയുടെ കഥാസമാഹാരം
 "മച്ചിലെ പല്ലികള്‍"  
പുറത്തിറങ്ങി


ബെസ്റ്റ് ബുക്ക്സ് പെരിന്തല്‍മണ്ണ പ്രസിദ്ധീകരിച്ച മച്ചിലെ പല്ലികള്‍ -ശ്രീ വിനോദ് മങ്കടയുടെ ചെറുകഥാസമാഹാരം-- പ്രശസ്ത സംവിധായകന്‍ സത്യന്‍ അന്തിക്കാട് പ്രകാശനം ചെയ്യുന്നു.ഏറ്റു വാങ്ങുന്നത് കഥാകാരി പ്രഭാ ഉണ്ണി.സമീപം യുവകവി രമേഷ് വട്ടിങ്ങാവില്‍.


Monday, 22 June 2015

voter list

തദ്ദേശസ്വയംഭരണ തെരഞ്ഞെടുപ്പ് : ജൂലൈ 15 വരെ വോട്ടര്‍ പട്ടികയില്‍ പേര് ചേര്‍ക്കാം

തദ്ദേശസ്വയംഭരണ പൊതുതെരഞ്ഞെടുപ്പിനായുള്ള വോട്ടര്‍ പട്ടികയില്‍ പേര് ചേര്‍ക്കുന്നതിനും വോട്ടര്‍മാര്‍ക്ക് സ്ഥലംമാറ്റം, തെറ്റുതിരുത്തല്‍ എന്നിവയ്ക്ക് അപേക്ഷിക്കുന്നതിനുമായുള്ള ഓണ്‍ലൈന്‍ സൗകര്യം ജൂലൈ 22 വൈകിട്ട് ആറ് മണിമുതല്‍ നിലവില്‍ വരും. 2015 ജനുവരി ഒന്നിന് 18 വയസ് തികഞ്ഞ, ഇപ്പോള്‍ പ്രസിദ്ധീകരിച്ച കരട് വോട്ടര്‍ പട്ടികയില്‍ പേരില്ലാത്തവര്‍ക്ക് ജൂലൈ 15 വരെ ഈ സൗകര്യം പ്രയോജനപ്പെടുത്താമെന്ന് സംസ്ഥാന മുഖ്യതെരഞ്ഞെടുപ്പ് കമ്മിഷണര്‍ കെ.ശശിധരന്‍ നായര്‍ അറിയിച്ചു. സംസ്ഥാന തെരഞ്ഞെടുപ്പ് കമ്മിഷന്റെ www.lsgelection.kerala.gov.in എന്ന വെബ്‌സൈറ്റില്‍ പ്രവേശിച്ച് കരട് വോട്ടര്‍ പട്ടികയിന്‍മേലുള്ള അവകാശവാദങ്ങളും ആക്ഷേപങ്ങളും അതത് തദ്ദേശസ്വയംഭരണ സ്ഥാപനത്തിലെ ഇലക്ടറല്‍ രജിസ്‌ട്രേഷന്‍ ഓഫീസര്‍ക്ക് (ഗ്രാമപഞ്ചായത്ത് /മുനിസിപ്പാലിറ്റി സെക്രട്ടറി) സമര്‍പ്പിക്കണം. ഓണ്‍ലൈന്‍ അപേക്ഷ അയയ്ക്കുമ്പോള്‍ ഫോട്ടോ കൂടി അപ്‌ലോഡ് ചെയ്യുന്നതിന് സൗകര്യമുണ്ടായിരിക്കും. ഓണ്‍ലൈനില്‍ അപേക്ഷ സമര്‍പ്പിച്ചാലുടന്‍ നേര്‍വിചാരണയ്ക്കുള്ള നോട്ടീസ് അപേക്ഷകന് ലഭിക്കും. ഇത് പ്രകാരം നിശ്ചിത സ്ഥലത്തും തീയതിയിലും രേഖകള്‍ സഹിതം ഹാജരാകണം. ഓണ്‍ലൈനില്‍ ഫോട്ടോ അപ്‌ലോഡ് ചെയ്യാത്തവര്‍ക്ക് അപ്പോള്‍ ഫോട്ടോ ഹാജരാക്കാം. ഓണ്‍ലൈന്‍ അപേക്ഷ അക്ഷയ സെന്റര്‍ വഴിയും സമര്‍പ്പിക്കാം. ഇതിനായി അപേക്ഷയൊന്നിന് 20 രൂപ ഫീസ് നിശ്ചയിച്ചിട്ടുണ്ട്. എന്നാല്‍ കരട് വോട്ടര്‍ പട്ടികയില്‍ നിലവിലുള്ള വോട്ടര്‍മാരെ ഉള്‍പ്പെടുത്തിയതും ഉള്‍പ്പെടുത്തുന്നതും സംബന്ധിച്ചുള്ള മറ്റ് വോട്ടര്‍മാരുടെ ആക്ഷേപങ്ങള്‍ ഫോറം അഞ്ചില്‍ ബന്ധപ്പെട്ട ഇലക്ടറല്‍ രജിസ്‌ട്രേഷന്‍ ഓഫീസര്‍ക്ക് നേരിട്ടോ തപാല്‍ മുഖേനയോ വേണം സമര്‍പ്പിക്കേണ്ടത്. വാര്‍ഡ് പുനര്‍വിഭജനം നടക്കുന്ന തദ്ദേശസ്വയംഭരണ സ്ഥാപനങ്ങളുടെ പട്ടിക പുനര്‍വിഭജനം കഴിഞ്ഞാല്‍ പുനര്‍വിന്യസിക്കും. പുനഃപ്രസിദ്ധീകരിക്കുന്ന പട്ടികയിലുള്ള പരാതികള്‍ പരിഹരിക്കാന്‍ സമയം അനുവദിക്കുമെന്നും അദ്ദേഹം അറിയിച്ചു. സംസ്ഥാന തെരഞ്ഞെടുപ്പ് കമ്മീഷന്‍ ആദ്യമായാണ് വോട്ടര്‍പട്ടികയുമായി ബന്ധപ്പെട്ട ഇ-സേവനങ്ങള്‍ ലഭ്യമാക്കിയിട്ടുള്ളത്. നാഷണല്‍ ഇന്‍ഫര്‍മാറ്റിക്‌സ് സെന്ററിന്റെ (എന്‍.ഐ.സി) കേരള ഘടകമാണ് ഇതിനാവശ്യമായ സോഫ്റ്റ്‌വേര്‍ നിര്‍മ്മിച്ചത്.

doctarate


ഡോക്ടറേറ്റിന്റെ നിറവില്‍ മങ്കട
ഡോ.മുഹമ്മദ്നൂറുല്‍ അമീന്‍,ഡോ. വി.പി അബ്ദുല്‍ കരീം,ഡോ.റീഷകാരളി
(തയ്യാറാക്കിയത് :ഇഖ്ബാല്‍ മങ്കട)
 
ഡോ.റീഷ കാരളി
 
ഡോ.മുഹമ്മദ് നൂറുല്‍ അമീന്‍,ഡോ.അബ്ദുല്‍ കരീം വി,പി

മങ്കടക്കാരെ സംബന്ധിച്ചിടത്തോളം അക്കാദമിക നേട്ടംവളരെയധികം കൊയ്തെടുത്ത ഒരു വര്‍ഷമാണിത്.ഈ വര്‍ഷത്തിന്റെ തുടക്കത്തിലാണ് മങ്കട ഗ്രാമപഞ്ചായത്തിലെ കൂട്ടില്‍ പ്രദേശത്തുള്ള മുഹമ്മദ് നൂറുല്‍ അമീന്‍ കണ്ണൂര്‍ സര്‍വ്വകലാശാലയില്‍ നിന്നും അറബിക്കില്‍ ഡോക്ടറേറ്റ് കരസ്ഥമാക്കിയത്. കണ്ണൂര്‍ സര്‍വ്വകലാശാലയില്‍ നിന്ന് അറബിക്കില്‍ആദ്യ ഡോക്ടറേറ്റ് കരസ്ഥമാക്കിയ വ്യക്തി എന്ന ഒരു നേട്ടവുംകൂടി തുന്നി ചേര്‍ത്താണ് അമീന്‍ തന്റെ വിജയം കരസ്ഥമാക്കിയത്.ഇതേ സമയത്തുതന്നെ വെള്ളിലയിലെ അബ്ദുല്‍ കരീം വി.പി പൊളിറ്റിക്കല്‍ സയന്‍സിലും ഡോക്ടറേറ്റ് കരസ്ഥമാക്കി.ഇങ്ങിനെ ഇരട്ടിമധുരത്തില്‍ മങ്കട ആസ്വദിച്ചു നില്‍ക്കുമ്പോഴാണ് മറ്റൊരു റിക്കാര്‍ഡ് നേട്ടവുമായി റീഷാ കാരളി വരുന്നത്.മങ്കടയില്‍ നിന്നും ഡോക്ടറേറ്റ് കരസ്ഥമാക്കുന്ന ആദ്യവനിതയായി മങ്കടയുടെ ചരിത്രത്തില്‍ ഇടംപിടിക്കുകയാണ് ഡോ.റീഷാ കാരളി. യു.ജി.സി. ഫെല്ലോഷിപ്പോടുകൂടി എജുക്കേഷനില്‍ കോഴിക്കോട് സര്‍വ്വകലാശാലയില്‍ നിന്നും ഡോക്റ്ററേറ്റ്‌ നേടിയ റീഷ, ബുദ്ധി വൈകല്യമുള്ള കുട്ടികളുടെ അധ്യാപകര്‍ നേരിടുന്ന പ്രശ്നങ്ങള്‍, വെല്ലുവിളികള്‍, അവ തരണം ചെയ്യുന്നതിനുള്ള മാര്‍ഗ്ഗങ്ങള്‍, കുട്ടികളോടുള്ള അവരുടെ സമീപനം, പഠന രീതി ഇവയില്‍ ഊന്നിയുള്ളതായിരുന്നു ഗവേഷണം.

മങ്കട കര്‍ക്കിടകത്ത്‌ കാരള്ളി ഹൈദ്രുവിന്റെയും കുഞ്ഞായിഷയുടെയും മകള്‍. വിദ്യഭ്യാസ യോഗ്യത: M.Sc Botany, M.A. Sociology, M.Ed, Ph.D ഉന്നത വിദ്യാഭ്യാസം മുഴുവനും നേടിയതു കാലികറ്റ്‌ സര്‍വ്വകലാശാല ക്യാമ്പസിലെ വിവിധ പഠന വകുപ്പുകളില്‍ നിന്നായിരുന്നു. ഇപ്പോള്‍ മലപ്പുറം ഗവ: ടി.ടി..യില്‍ അധ്യാപികയായി ജോലി ചെയ്യുന്നു.വിദ്യാഭ്യാസ മേഖലയില്‍ മങ്കടയുടെ യശസ് ഉയര്‍ത്തിയ ഈ സുഹൃത്തുക്കള്‍ക്ക് മങ്കട ഓണ്‍ലൈനിന്റെ അഭിനന്ദനങ്ങള്‍.

Thursday, 18 June 2015

saLAM ELIKKOTTIL


സലാം എലിക്കോട്ടില്‍
വായനയും എഴുത്തും ഉപാസനയാക്കിയ മങ്കടക്കാരന്‍
തയ്യാറാക്കിയത് :ഇഖ്ബാല്‍ മങ്കട


ശ്രീ സലാം എലിക്കോട്ടിലിനോടൊപ്പം
            ഗ്രന്ഥശാല പ്രസ്ഥാനത്തിന്റെ അമരക്കാരനായിരുന്ന ശ്രീ .പി.എന്‍ പണിക്കരുടെ സ്മരണ പുതുക്കുന്ന ജൂണ്‍ 19 ന് കേരളത്തിലെ വിദ്യാലയങ്ങളില്‍ വായനാദിനമായി ആചരിക്കുന്ന ഘട്ടത്തില്‍ തന്നെ വായനയുടെയും എഴുത്തിന്റെയും ലോകത്ത് തന്റേതായ ഒരിടം കണ്ടെത്തിയ മങ്കടയിലെ ശ്രീ.സലാം എലിക്കോട്ടിലിനെ കുറിച്ച് രേഖപ്പെടുത്താനായതില്‍ വളരെയധികം സന്തോഷിക്കുന്ന ഒരാളാണു ഞാന്‍.കൃത്രിമമായി ഉണ്ടാക്കിയെടുക്കുന്ന പ്രശസ്തിയുടെയും പൊങ്ങച്ചത്തിന്റെയും വര്‍ത്തമാന രീതികളെ പാടെ അകറ്റി നിര്‍ത്തി, പുറംലോകത്തോടു ശ്രദ്ധയോടെ മാത്രം സംവദിക്കുന്ന വേറിട്ടൊരു വ്യക്തിത്വത്തെയാണ് ശ്രീ സലാം എലിക്കോട്ടിലില്‍ നമ്മുക്ക് കാണാനാവുക.

മലയാളത്തില്‍ വിവിധ പ്രസിദ്ധീകരണങ്ങളിലായി ആയിരത്തിലധികം സൃഷ്ടികളും ഇംഗ്ലീഷ്ഭാഷയില്‍ എട്ടു പുസ്തകങ്ങളും മുപ്പതിലധികം പ്രസിദ്ധീകരണങ്ങളിലായി അറനൂറോളം രചനകളും പ്രസിദ്ധീകരിച്ച ഒരു മങ്കടക്കാരന്‍ ഇവിടെ ജീവിക്കുന്നുണ്ടെന്ന് അറിയുമ്പോള്‍ അദ്ദേഹത്തെ അറിയാതെ പോകുന്ന ഒരു തലമുറ മങ്കടയില്‍ ഉണ്ടാവരുത് എന്ന ലക്ഷ്യത്തോടെയാണ് ഈ കുറിപ്പ് തയ്യാറാക്കാനുള്ള ശ്രമത്തിലേര്‍പ്പെട്ടത്.

സലാം എലിക്കോട്ടില്‍ എന്ന എഴുത്തുക്കാരനെ കുറിച്ച് പരമാവധി വിവരങ്ങള്‍ മങ്കട ഓണ്‍ലൈനിനു വേണ്ടി ശേഖരിക്കുക എന്ന ലക്ഷ്യത്തോടെയാണ് ഞാനും മുനീര്‍ മങ്കടയും അദ്ദേഹത്തിന്റെ വീട്ടിലെത്തിയത്.ദീപസ്തംഭം എന്ന അദ്ദേഹത്തിന്റെ വെബ്സൈറ്റില്‍ കയറി വിവരങ്ങള്‍ ശേഖരിക്കാന്‍ ശ്രമിച്ചിരുന്നുവെങ്കിലും വ്യക്തിവിവരങ്ങളൊന്നും തന്നെ ലഭ്യമായിരുന്നില്ല.ഇഷ്ട വിനോദം വായനയും എഴുത്തും തന്നെയായതിനാല്‍ ചര്‍ച്ചകള്‍ കേന്ദ്രീകരിച്ചത് സാഹിത്യത്തില്‍ തന്നെയായിരുന്നു .

‍‍‍ഡല്‍ഹിയില്‍ സേവനമനുഷ്ടിക്കുന്ന കാലത്ത് ഖസാക്കിന്റെ ഇതിഹാസക്കാരന്‍ ഒ.വി വിജയനുമായി വളരെ അടുപ്പം പുലര്‍ത്തിയിരുന്നു.പ്രഭാതസവാരികളിലും സായാഹ്നങ്ങളിലെ കൂട്ടായ്മകളിലും ഒ.വി വിജയനോടൊപ്പം സാഹിത്യചര്‍ച്ചകളില്‍ ഏര്‍പ്പെട്ടിരുന്നതും മലയാളത്തിലെ പ്രമുഖ എഴുത്തുക്കാരുമായി സംവദിക്കാനുള്ള അവസരങ്ങള്‍ ലഭിച്ചിരുന്നതും തന്റെ പരന്നവായനക്കും എഴുത്തിനും പ്രചോദനമായതായി ശ്രീ സലാം എലിക്കോട്ടില്‍ പറഞ്ഞു.



കേരള,കോഴിക്കോട്,അലിഗഢ്,ഉസ്മാനിയ,മദിരാശി സര്‍വ്വകലാശാലകളില്‍ നിന്നും MA,BL,Mphil,DPM,DJ തുടങ്ങിയ അക്കാദമിക നേട്ടങ്ങള്‍ കൈവരിച്ചശേഷം കേന്ദ്ര തൊഴില്‍ മന്ത്രാലയത്തില്‍ ഒന്നാംക്ലാസ് ഗസറ്റഡ് പദവിയില്‍ പ്രവേശിച്ച് ഡയരക്ടറായാണ് സേവനത്തില്‍ നിന്നും വിരമിച്ചത്.ഡല്‍ഹിക്കുപുറമേ പത്തോളം സംസ്ഥാനങ്ങളിലും യുറോപ്പിലും സേവനമനുഷ്ടിച്ചു.കേന്ദ്ര ആഭ്യന്തരം, വാര്‍ത്താവിനിമയം ,വിദ്യാഭ്യാസം(മാനവവിഭവം) തുടങ്ങിയ മന്ത്രാലയങ്ങളിലുംഇന്ത്യന്‍ നാവികസേന,ബി.എസ്.എന്‍.എല്‍,നഷണല്‍ ട്രെയിനിംഗ് അക്കാദമി തുടങ്ങിയ സ്ഥാപനങ്ങളിലും പ്രവര്‍ത്തിച്ചിട്ടുണ്ട്.മലയാളം,ഇംഗ്ലീഷ്,ഹിന്ദി ഭാഷകളില്‍ നന്നായി പ്രസംഗിക്കാന്‍ കഴിയുന്ന ഇദ്ദേഹം നിരവധി പ്രശസ്ത സ്ഥാപനങ്ങളില്‍ ക്ലാസുകള്‍ എടുത്തിട്ടുണ്ട്. ഗാന്ധി ഫിലിം സംവിധാനം ചെയ്ത റിച്ചാര്‍ഡ് ആറ്റംബറോയെക്കുറിച്ച് ഒരു കവര്‍സ്റ്റോറി തയ്യാറാക്കിയിട്ടുണ്ട്.ഈസ്റ്റ് യുറോപ്യന്‍ സിനിമകളെകുറിച്ച് നന്നായി എഴുതാന്‍ കഴിയുന്ന ഒരാളാണ് ശ്രീ സലാം എലിക്കോട്ടില്‍.കേരളത്തിലെ ഇതര പത്രങ്ങളിലൊക്കെ കരിയര്‍ ഗൈഡന്‍സിനെകുറിച്ചുള്ള പംക്തികള്‍ വരുന്നതിനുമുമ്പുതന്നെ മാധ്യമം പത്രത്തില്‍ ഈ പംക്തി ആരംഭിച്ചത് ശ്രീ. സലാം എലിക്കോട്ടിലിലുടെയായിരുന്നു. എക്സ്റ്റേണല്‍ സ്കോളര്‍ഷിപ്പ് വിംഗില്‍ സേവനമനുഷ്ടിക്കുന്ന കാലത്ത് വിദേശ സ്കോളര്‍ഷിപ്പുകളെ പത്രമാധ്യമങ്ങിലൂടെ വായനക്കാര്‍ക്ക് പരിചയപ്പെടുത്തി.യൂറോപ്യന്‍ സേവനക്കാലത്ത് ഇറ്റലി,ജര്‍മ്മനി,നെതര്‍ലാന്‍ഡ് എന്നീ രാജ്യങ്ങള്‍ സന്ദര്‍ശിച്ചു.

SAM ELCOT എന്ന തൂലികനാമത്തിലാണ് ഇംഗ്ലീഷ് ഭാഷയില്‍ വളരെയധികം കൃതികള്‍ രചിച്ചത്.Timeless tales of nasrudheen,Classic tales from eternal east,Sufi to Zen stories,immortal tales of mulla nasredheen,Ancient tales from eternal east,if you thought തുടങ്ങിയവ അതില്‍ ചിലതാണ്.

മരണം,മനസ്സറിയും മൃഗം,കവണ,ലെനാര്‍ഡ്-1,ആന്റിപോഡ് അങ്കില്‍പോ‍ഡ്,ലിവ് ഇന്‍ റിലേഷന്‍ഷിപ്പ് ,സര്‍പ്പ കന്യക, ജനറേഷന്‍ഗ്യാപ്, അഹങ്കാരം തുടങ്ങിയ കൃതികളും ഇലക്ട്രോണിക്ക് മാധ്യമത്തിലൂടെ വായനക്കാരിലെത്തിയവയാണ്.സമീപകാലത്തായി പുറത്തിറങ്ങിയ ജപ്പാനീസ് സെന്‍കഥകള്‍ എന്ന പുസ്തകം ഒലീവ് പബ്ലിക്കേഷനാണ് പുറത്തിറക്കിയത്.അഫ്ഗാന്‍ ലോകകഥകള്‍ എന്ന പുസ്തകവും ഒലീവ് പബ്ലിക്കേഷന്‍ പുറത്തിറക്കീട്ടുണ്ട്.

1950ല്‍ എലിക്കോട്ടില്‍ കുഞ്ഞിമമ്മു ഹാജിയുടെയും പാത്തുമ്മടീച്ചറുടെയും മകനായി മങ്കടയില്‍ ജനിച്ച ശ്രീ സലാം എലിക്കോട്ടില്‍ നീണ്ടകാലത്തെ പ്രവാസത്തിനു ശേഷം വിശ്രമജീവിതം മങ്കട വേരുംപിലാക്കലിലുള്ള എലിക്കോട്ടില്‍ വീട്ടില്‍ വായനയ്ക്കും എഴുത്തിനുമായി നീക്കി വെച്ചിരിക്കുകയാണ്.ഭാര്യ മലപ്പുറം ജില്ലാ പഞ്ചായത്ത് മെമ്പര്‍ ശ്രീമതി പാത്തുമ്മക്കുട്ടി ടീച്ചറാണ്.

സൂഫി സൂക്തങ്ങളോടുള്ള അടങ്ങാത്ത ആരാധന ഇദ്ദേഹത്തിന്റെ വരികളിലും രേഖപ്പെടുത്തലുകളിലും കാണാവുന്നതാണ്.സൂഫി സൂക്തങ്ങള്‍ ജീവിത വിജയത്തിന് എന്ന ലേബലില്‍ സോഷ്യല്‍ മീഡിയയില്‍ സജീവമാണ്.




എല്ലാ നന്മയും ആരംഭിക്കുന്നത് ദൈവസ്മരണയില്‍ നിന്നാണ്.എല്ലാ തിന്മകളും ഒടുങ്ങുന്നതും ദൈവസ്മരണയില്‍ തന്നെ ” സൂഫി സൂക്തം
-ഇഖ്ബാല്‍ മങ്കട

Friday, 15 May 2015

നന്തനാര്‍


നന്തനാര്‍ അനുസ്മരണം



ഇന്നത്തെ സായാഹ്നം എന്നെ സംബന്ധിച്ചിടത്തോളം ഏറെ പ്രിയപ്പെട്ടതായിരുന്നു.മഞ്ചേരിയില്‍ നടക്കുന്ന അധ്യാപക പരിശീലനം കഴിഞ്ഞ് നേരെപോയത് അങ്ങാടിപ്പുറത്തെ നന്തനാര്‍ എന്ന പ്രശസ്ത സാഹിത്യക്കാരന്റെ വീട്ടിലേക്കായിരുന്നു.വള്ളുവനാടന്‍ സാംസ്കാരികവേദി എന്ന ഫെയ്സ് ബുക്ക് കൂട്ടായ്മ ഒരുക്കിയ നന്തനാര്‍ അനുസ്മരണ വേദിയിലേക്കായിരുന്നു ക്ഷണം.ഒരു സഹൃദയനായി നന്തനാരെക്കുറിച്ചുള്ള വാക്കുകള്‍ കേള്‍ക്കാനായി പോയ എനിക്ക് ആ വേദി വൈകാരികമായ ഒരു അന്തരീക്ഷമായാണ് അനുഭവപ്പെട്ടത്.ഒരിക്കല്‍ വൈലാലില്‍ ബേപ്പൂര്‍ സുല്‍ത്താന്റെ അനുസ്മരണത്തില്‍ തികച്ചും ഒരു കേള്‍വിക്കാരാനായി നിന്നപ്പോള്‍ ആ വീടിനേയും ബഷീര്‍ ശേഷിപ്പുകളേയും സാക്ഷിനിര്‍ത്തി അദ്ദേഹത്തിന്റെ ഓരോ സ്പന്ദനങ്ങളും വീണ്ടും ഓര്‍മ്മപ്പെടുത്തുന്ന അവസരത്തിലുണ്ടായ അനുഭൂതിയായിരുന്നു എനിക്കിവിടെയും അനുഭവപ്പെട്ടത്.നന്ദനാരുടെ അടയാളപ്പെടുത്തലുകളുംവായനാനുഭവങ്ങളും പങ്കുവെയ്ക്കാനായി വാസുദേവന്‍ സര്‍,ഡോ.വിജയകൃഷ്ണന്‍,റഹ് മാന്‍ കിടങ്ങയം തുടങ്ങി യുവകവികളും കഥകാരന്‍മാരും സഹൃദയരുമായി കുറേപേരുണ്ടായിരുന്നു.അതിനുമപ്പുറം നന്തനാരുടെ രണ്ടുമക്കളുടെ സാന്നിധ്യമായിരുന്നു ചടങ്ങിന് മാറ്റുകൂട്ടിയത്.നന്ദനാര്‍ കാലയവനികയിലേക്ക് മടങ്ങീട്ട് നാല്പത്തൊന്നു വര്‍ഷം കഴിഞ്ഞു.അര്‍ഹിക്കുന്ന അംഗീകരങ്ങളൊന്നും പൂര്‍ണ്ണമായും നാടോ ഭരണകൂടമോ നല്കീട്ടില്ല.അദ്ദേഹത്തെ ശരിയായ വിധത്തില്‍ വായിക്കാന്‍പോലും യുവസമൂഹത്തിനോ സ്വന്തം നാട്ടുക്കാര്‍ക്കോ അവസരവില്ലാതായികൊണ്ടിരിക്കുന്ന കാലത്താണ് വള്ളുവനാടന്‍ സാംസ്കാരികവേദി ഇത്തരമൊരു ഉദ്ദ്യമവുമായി ഇറങ്ങിതിരിച്ചിരിക്കുന്നത്.ഈ വേദിയില്‍ ചുരുങ്ങിയ വാക്കുകളിലായി എന്റെ മനസ്സില്‍ തോന്നിയത് പറഞ്ഞുവെച്ചു.അതിലൊന്ന് പക്ഷങ്ങള്‍ പിടിക്കാനോ പക്ഷങ്ങളില്‍ ഉള്‍പ്പെടാനോ കഴിയാതെ പോയതുകൊണ്ടാകാം നന്തനാര്‍ എന്ന സാഹിത്യക്കാരന്‍ മുഖ്യധാരാ സാഹിത്യക്കാരന്‍മാരുടെ പട്ടികയില്‍ ഇടംപിടിക്കാതെ കേവലം ഒരു പട്ടാളകഥാകാരനായി മാറ്റപ്പെട്ടതെന്നായിരുന്നു എന്റെ നിരീക്ഷണം.രണ്ടാമതായി പറഞ്ഞത് മൊയിതീന്‍ എന്ന സഹായിയെ കഥാപാത്രമാക്കുന്നതിലൂടെയും മാബാര്‍കലാപകാലഘട്ടത്തെപോലെയുള്ള ചരിത്ര സന്ദര്‍ഭങ്ങള്‍ സൃഷ്ടികളില്‍ വരികയും ഒരു കാലഘട്ടത്തിന്റെ പച്ചയായ ചിത്രം ആവിഷ്കരിക്കുകയും ചെയ്യുമ്പോള്‍ അത് ഒരു പ്രദേശത്തെ അടയാളപ്പെടുത്തലാണെന്നും അതുകൊണ്ടുതന്നെ ഒരു സാമൂഹ്യശാസ്ത്ര അധ്യാപകന്റെ കണ്ണിലൂടെ ഇതൊരു പ്രാദേശികചരിത്രകൈമാറ്റമാണെന്നുമായിരുന്നു എനിക്കു പറയാനുണ്ടായിരുന്നത്.ഈ പ്രാദേശികചരിത്രം അടുത്തതലമുറക്കായി കരുതിവെയ്ക്കുന്നതില്‍ നന്തനാര്‍കൃതികള്‍ക്കായി .എന്തായാലും രണ്ടുമണിക്കൂര്‍ സമയം ഒരു പ്രദേശത്തിന്റെ കഥാകാരന്റെ ഓര്‍മ്മയില്‍ ചിലവഴിക്കാനായത് ജീവിതത്തിലെ മറക്കാനാവാത്ത അനുഭവമായി രേഖപ്പെടുത്തട്ടെ.നന്തനാരുടെ സൃഷ്ടികള്‍ വായനക്കാരിലെത്തുന്നതിനും അദ്ദേഹത്തിന്റെ സ്മരണ നിലനിര്‍ത്തുന്നതിനും അങ്ങാടിപ്പുറം ഗ്രാമപഞ്ചായത്തും സഹൃദയസമൂഹവും ഉണര്‍ന്നു പ്രവര്‍ത്തിക്കേണ്ടക്കാലം അതിക്രമച്ചിരിക്കുന്നു.വള്ളുവനാടന്‍ സാംസ്കാരികവേദി എന്ന ഫെയ്സ് ബുക്ക് കൂട്ടായ്മക്കും അതിനും നേതൃത്വംകൊടുക്കുന്ന നിഷാദിനെപ്പോലെയുള്ള സുഹൃത്തകള്‍ക്കും അഭിനന്ദനങ്ങള്‍.



നാം മറക്കരുതാത്ത നന്തനാര്‍
(കടപ്പാട്:വള്ളുവനാടന്‍ സാംസ്കാരിക വേദി)
കാലം ഒരു പാട് കടന്നു പോയി. സാഹിത്യരംഗത്ത്‌ പലരും പിറന്നാളാഘോഷിച്ചു. സിനിമാരംഗത്ത്‌ മരിച്ചു പോയ പ്രതിഭകളെ നാം ഓര്‍ത്തു. പക്ഷെ, പൊളളുന്ന ജീവിതം മലയാള സാഹിത്യത്തില്‍ കോരിയൊഴിച്ച ഒരാളെ കുറിച്ചു മാത്രം ആരും ഒന്നും പറഞ്ഞു കണ്ടില്ല. `അനുഭവങ്ങള്‍' അക്ഷരങ്ങളില്‍ അഗ്നിജ്വാലകളാക്കിയ ഈ എഴുത്തുകാരന്‍ മരിച്ചത്‌- അല്ലെങ്കില്‍ സ്വയം അവസാനിപ്പിച്ചത്‌ ഏപ്രില്‍ 24 നായിരുന്നു. നാല്‍പ്പതു വര്‍ഷം മുമ്പ്‌ 1974ല്‍.നന്തനാര്‍ എന്ന തൂലികാ നാമത്തില്‍ അറിയപ്പെട്ട പി.സി. ഗോപാലന്‍, മലപ്പുറം ജില്ലയിലെ അങ്ങാടിപ്പുറത്തു പൂരപ്പറമ്പില്‍ ചെങ്ങരയില്‍ 1926 ജനുവരി 5നാണ്‌ ജനിച്ചത്‌.
ഏഴു നോവലുകളും ഒരു നാടകവും പതിനൊന്ന്‌ കഥാസമാഹാരങ്ങളുമാണ്‌ അദ്ദേഹത്തിന്റെതായി നമുക്ക്‌ ലഭിച്ചത്‌.
വിശപ്പിന്റെ വിളി എന്തെന്നറിയണമെങ്കില്‍ ഇന്നും നന്തനാര്‍ കൃതികള്‍ വായിക്കണം. മനുഷ്യന്റെ ഒറ്റപ്പെടല്‍, വിശപ്പ്‌, ഇതൊല്ലാം വായനക്കാരനു അനുഭവിച്ചറിയാനാകുന്നു ഈ കാഥികന്‍റെ വാക്കുകളില്‍.
പട്ടാളകാഥികനെന്ന്‌ വിളിച്ച്‌ ഒതുക്കി നിര്‍ത്താന്‍ ശ്രമമുണ്ടായപ്പോളും നന്തനാര്‍ എഴുതി വിശക്കുന്നവന്റെ, ആലംബമില്ലാത്തവന്റെ, ഒറ്റപ്പെട്ടുപോകുന്ന ആത്മാക്കളുടെ കഥകള്‍.....
പലതും സ്വന്തം അനുഭങ്ങള്‍ തന്നെയായിരുന്നു.പഠിക്കാന്‍ സമര്‍ഥനായിരുന്നെങ്കിലും സാമ്പത്തിക പരാധീനതമൂലം ഇടയ്‌ക്കുവച്ച്‌ പഠനത്തിനു വിരാമമിടേണ്ടിവന്നു.
1942ല്‍ സൈന്യത്തില്‍. `അനുഭവങ്ങള്‍' എന്ന ആത്മകഥാ സ്‌പര്‍ശമുള്ള നോവലില്‍ ഇതെല്ലാം പച്ചയായി വരുന്നുണ്ട്‌.
സിഗ്‌നല്‍ വിഭാഗത്തിലായിരുന്നു ആദ്യനിയമനം. മ്യാന്‍മാര്‍, ഇന്തോനേഷ്യ എന്നിവിടങ്ങളില്‍ സേവനമനുഷ്‌ഠിച്ചു. 1964ല്‍ പട്ടാളത്തില്‍ നിന്നും വിരമിച്ച്‌ മൈസൂറില്‍ എന്‍.സി.സി. ഇന്‍സ്‌ട്രക്‌റ്ററായി. 1967മുതല്‍ 1974ല്‍ മരിക്കും വരെ എഫ്‌..സി.ടി.യില്‍ പബ്‌ളിസിറ്റി വിഭാഗത്തിലായിരുന്നു ജോലി.
കണ്ണു നനയ്‌ക്കുന്ന ബാല സഹിത്യവും നന്തനാരുടേതായിട്ടുണ്ട്‌.
മലയാളിക്കു മറക്കാനാവാത്ത ഉണ്ണിക്കുട്ടന്‍ പരമ്പര ബാലസാഹിത്യ കൃതികളാണ്‌.ബാല്യം മുതല്‍ താന്‍ അനുഭവിച്ചറിഞ്ഞ കഷ്‌ടപ്പാടുകള്‍ കഥയില്‍ അവതരിപ്പിച്ചിട്ടുള്ള നന്തനാരുടെ കഥാപാത്രങ്ങള്‍ പാവപ്പെട്ടവരും സാധാരണക്കാരും മണ്ണിന്റെ മണവും പ്രകൃതിയുടെ കനിവും അറിഞ്ഞ ഹൃദയ നൈര്‍മല്യവുമുള്ളവരുമാണ്‌.
ടോള്‍സ്റ്റോയിയുടെ സുപ്രസിദ്ധങ്ങളായ കൊസ്സാക്ക്‌ കഥകളാണ്‌ നന്തനാര്‍കൃതികള്‍ ഓര്‍മിപ്പിക്കുന്നതെന്ന്‌ എന്‍. വി. കൃഷ്‌ണവാര്യര്‍ നിരീക്ഷിച്ചിട്ടുണ്ട്‌. മൊയ്‌തീന്‍ ആണ്‌ ആദ്യത്തെ കഥ.
ജീവിതദുഃഖങ്ങളിലെല്ലാം നിഴല്‍പോലെ കൂടെയുണ്ടായിരുന്ന മൊയ്‌തീന്‍ എന്ന കഥാപാത്രം ഇതിലെ കേന്ദ്രബിന്ദുവാണ്‌.
1963
ല്‍ പ്രസിദ്ധീകരിച്ച 'ആത്‌മാവിന്‍റെ നോവുകള്‍' എന്ന നോവല്‍ പട്ടാളക്യാമ്പുകളിലെ പച്ചയായ ജീവിതം തുറന്നിടുന്നു. ആ കാലഘട്ടത്തിലെ പട്ടാളജീവിതത്തിന്‍റെ ദുരിതങ്ങളും കടുത്തചിട്ടവട്ടങ്ങളും വായനക്കാരന്‌ വല്ലാത്തൊരു അനുഭവമാണ്‌ സമ്മാനിക്കുക. പട്ടാള ബാരക്കുകള്‍ക്കുള്ളിലെ വേവും ചൂടും വിയര്‍പ്പന്റെ ഗന്ധവും ഓരോ താളുകളിലും നിറയുന്നു. ആത്‌മാവിന്റെ നോവുകള്‍ ഇംഗ്‌ളീഷിലും ഹിന്ദിയിലും പ്രസിദ്ധീകരിച്ചിട്ടുണ്ട്‌. ചെറുകഥകളും വിവിധ ഭാഷകളില്‍ ഭാഷാന്തരം ചെയ്‌തിട്ടുണ്ട്‌. ആത്‌മാവിന്റെ നോവുകള്‍ക്ക്‌ 1963ലെ കേരള സാഹിത്യ അക്കാദമി അവാര്‍ഡ്‌ ലഭിച്ചു. നന്തനാരുടെ യഥാര്‍ഥ ജീവിതകഥയേയും കഥാസന്ദര്‍ഭങ്ങളെയും കോര്‍ത്തിണക്കി എം.ജി. ശശി സംവിധാനം ചെയ്‌ത ചലച്ചിത്രമാണ്‌ സംസ്‌ഥാന പുരസ്‌കാരം നേടിയ 'അടയാളങ്ങള്‍'.ദാരിദ്ര്യമായിരുന്നു എന്നും. കൊടിയ ദാരിദ്ര്യത്തിന്‍റേയും കഷ്‌ടപ്പാടുകളുടേതുമായിരുന്നു ബാല്യവും മുഴുജീവിതവും. ഗതിയില്ലാതെ പതിനാറാം വയസ്സില്‍ പട്ടാളത്തില്‍ ചേരുകയായിരുന്നു. ഇരുപത്‌ വര്‍ഷങ്ങള്‍ക്ക്‌ ശേഷം സേവനം അവസാനിപ്പിച്ച്‌ ഫാക്‌റ്റിലെ ജീവനക്കാരനായി. 1974ല്‍ സ്വയം ജീവിതമവസാനിപ്പിച്ചു. നന്തനാരെന്ന എഴുത്തുകാരനെ ഇപ്പോഴും അറിയാന്‍ മലയാളിക്കു കഴിയാതെ പോയതെന്തേ?....
നന്തനാര്‍ കൃതികള്‍: അറിയപ്പെടാത്ത മനുഷ്യജീവികള്‍ (1956) ആദ്യനോവല്‍. ആത്‌മാവിന്റെ നോവുകള്‍, അനുഭൂതികളുടെ ലോകം (1965), ഉണ്ണിക്കുട്ടന്റെ ഒരു ദിവസം (1966), ഉണ്ണിക്കുട്ടന്‍ സ്‌കൂളില്‍ (1967), മഞ്ഞക്കെട്ടിടം (1968), ഉണ്ണിക്കുട്ടന്‍ വളരുന്നു (1969), ആയിരം വല്ലിക്കുന്നിന്റെ താഴ്‌വരയില്‍ (1971), അനുഭവങ്ങള്‍ (1975) എന്നിവ നോവലുകള്‍. ആകാശം തെളിഞ്ഞു, സ്‌നേഹം നിറഞ്ഞ കൂപ്പുകൈ, നെല്ലും പതിരും, തോക്കുകള്‍ക്കിടയിലെ ജീവിതം, ജീവിതത്തിന്റെ പൊന്‍നാളങ്ങള്‍, നിഷ്‌കളങ്കതയുടെ ആത്‌മാവ്‌, മിസ്റ്റര്‍ കുല്‍ക്കര്‍ണി, ഒരു വര്‍ഷകാല രാത്രി, കൊന്നപ്പൂക്കള്‍, ഇര, ഒരു സൗഹൃദസന്ദര്‍ശനം എന്നിവ ചെറുകഥാസമാഹാരങ്ങള്‍.