flash news

മങ്കടയുടെ ചരിത്രവും വര്‍ത്തമാനവുമായി ബന്ധപ്പെട്ട വിവരങ്ങള്‍ ചിത്രങ്ങള്‍ mankadablog@gmail.com ലേക്ക് അയക്കുകമങ്കടയെ സംബന്ധിച്ചുള്ള ചരിത്രം,വ്യക്തികള്‍,സംഭവങ്ങള്‍ എന്നിവ പൂര്‍ണ്ണമല്ല...അയച്ചുതരികDAILY UPDATE....DAILY VISIT...COMMENT ..

TODAYS SPECIAL

പുതിയ വാര്‍ത്തകള്‍ വളരെ വേഗത്തില്‍ നിങ്ങളുടെ മുന്നില്‍....

Monday, 22 June 2015

voter list

തദ്ദേശസ്വയംഭരണ തെരഞ്ഞെടുപ്പ് : ജൂലൈ 15 വരെ വോട്ടര്‍ പട്ടികയില്‍ പേര് ചേര്‍ക്കാം

തദ്ദേശസ്വയംഭരണ പൊതുതെരഞ്ഞെടുപ്പിനായുള്ള വോട്ടര്‍ പട്ടികയില്‍ പേര് ചേര്‍ക്കുന്നതിനും വോട്ടര്‍മാര്‍ക്ക് സ്ഥലംമാറ്റം, തെറ്റുതിരുത്തല്‍ എന്നിവയ്ക്ക് അപേക്ഷിക്കുന്നതിനുമായുള്ള ഓണ്‍ലൈന്‍ സൗകര്യം ജൂലൈ 22 വൈകിട്ട് ആറ് മണിമുതല്‍ നിലവില്‍ വരും. 2015 ജനുവരി ഒന്നിന് 18 വയസ് തികഞ്ഞ, ഇപ്പോള്‍ പ്രസിദ്ധീകരിച്ച കരട് വോട്ടര്‍ പട്ടികയില്‍ പേരില്ലാത്തവര്‍ക്ക് ജൂലൈ 15 വരെ ഈ സൗകര്യം പ്രയോജനപ്പെടുത്താമെന്ന് സംസ്ഥാന മുഖ്യതെരഞ്ഞെടുപ്പ് കമ്മിഷണര്‍ കെ.ശശിധരന്‍ നായര്‍ അറിയിച്ചു. സംസ്ഥാന തെരഞ്ഞെടുപ്പ് കമ്മിഷന്റെ www.lsgelection.kerala.gov.in എന്ന വെബ്‌സൈറ്റില്‍ പ്രവേശിച്ച് കരട് വോട്ടര്‍ പട്ടികയിന്‍മേലുള്ള അവകാശവാദങ്ങളും ആക്ഷേപങ്ങളും അതത് തദ്ദേശസ്വയംഭരണ സ്ഥാപനത്തിലെ ഇലക്ടറല്‍ രജിസ്‌ട്രേഷന്‍ ഓഫീസര്‍ക്ക് (ഗ്രാമപഞ്ചായത്ത് /മുനിസിപ്പാലിറ്റി സെക്രട്ടറി) സമര്‍പ്പിക്കണം. ഓണ്‍ലൈന്‍ അപേക്ഷ അയയ്ക്കുമ്പോള്‍ ഫോട്ടോ കൂടി അപ്‌ലോഡ് ചെയ്യുന്നതിന് സൗകര്യമുണ്ടായിരിക്കും. ഓണ്‍ലൈനില്‍ അപേക്ഷ സമര്‍പ്പിച്ചാലുടന്‍ നേര്‍വിചാരണയ്ക്കുള്ള നോട്ടീസ് അപേക്ഷകന് ലഭിക്കും. ഇത് പ്രകാരം നിശ്ചിത സ്ഥലത്തും തീയതിയിലും രേഖകള്‍ സഹിതം ഹാജരാകണം. ഓണ്‍ലൈനില്‍ ഫോട്ടോ അപ്‌ലോഡ് ചെയ്യാത്തവര്‍ക്ക് അപ്പോള്‍ ഫോട്ടോ ഹാജരാക്കാം. ഓണ്‍ലൈന്‍ അപേക്ഷ അക്ഷയ സെന്റര്‍ വഴിയും സമര്‍പ്പിക്കാം. ഇതിനായി അപേക്ഷയൊന്നിന് 20 രൂപ ഫീസ് നിശ്ചയിച്ചിട്ടുണ്ട്. എന്നാല്‍ കരട് വോട്ടര്‍ പട്ടികയില്‍ നിലവിലുള്ള വോട്ടര്‍മാരെ ഉള്‍പ്പെടുത്തിയതും ഉള്‍പ്പെടുത്തുന്നതും സംബന്ധിച്ചുള്ള മറ്റ് വോട്ടര്‍മാരുടെ ആക്ഷേപങ്ങള്‍ ഫോറം അഞ്ചില്‍ ബന്ധപ്പെട്ട ഇലക്ടറല്‍ രജിസ്‌ട്രേഷന്‍ ഓഫീസര്‍ക്ക് നേരിട്ടോ തപാല്‍ മുഖേനയോ വേണം സമര്‍പ്പിക്കേണ്ടത്. വാര്‍ഡ് പുനര്‍വിഭജനം നടക്കുന്ന തദ്ദേശസ്വയംഭരണ സ്ഥാപനങ്ങളുടെ പട്ടിക പുനര്‍വിഭജനം കഴിഞ്ഞാല്‍ പുനര്‍വിന്യസിക്കും. പുനഃപ്രസിദ്ധീകരിക്കുന്ന പട്ടികയിലുള്ള പരാതികള്‍ പരിഹരിക്കാന്‍ സമയം അനുവദിക്കുമെന്നും അദ്ദേഹം അറിയിച്ചു. സംസ്ഥാന തെരഞ്ഞെടുപ്പ് കമ്മീഷന്‍ ആദ്യമായാണ് വോട്ടര്‍പട്ടികയുമായി ബന്ധപ്പെട്ട ഇ-സേവനങ്ങള്‍ ലഭ്യമാക്കിയിട്ടുള്ളത്. നാഷണല്‍ ഇന്‍ഫര്‍മാറ്റിക്‌സ് സെന്ററിന്റെ (എന്‍.ഐ.സി) കേരള ഘടകമാണ് ഇതിനാവശ്യമായ സോഫ്റ്റ്‌വേര്‍ നിര്‍മ്മിച്ചത്.

doctarate


ഡോക്ടറേറ്റിന്റെ നിറവില്‍ മങ്കട
ഡോ.മുഹമ്മദ്നൂറുല്‍ അമീന്‍,ഡോ. വി.പി അബ്ദുല്‍ കരീം,ഡോ.റീഷകാരളി
(തയ്യാറാക്കിയത് :ഇഖ്ബാല്‍ മങ്കട)
 
ഡോ.റീഷ കാരളി
 
ഡോ.മുഹമ്മദ് നൂറുല്‍ അമീന്‍,ഡോ.അബ്ദുല്‍ കരീം വി,പി

മങ്കടക്കാരെ സംബന്ധിച്ചിടത്തോളം അക്കാദമിക നേട്ടംവളരെയധികം കൊയ്തെടുത്ത ഒരു വര്‍ഷമാണിത്.ഈ വര്‍ഷത്തിന്റെ തുടക്കത്തിലാണ് മങ്കട ഗ്രാമപഞ്ചായത്തിലെ കൂട്ടില്‍ പ്രദേശത്തുള്ള മുഹമ്മദ് നൂറുല്‍ അമീന്‍ കണ്ണൂര്‍ സര്‍വ്വകലാശാലയില്‍ നിന്നും അറബിക്കില്‍ ഡോക്ടറേറ്റ് കരസ്ഥമാക്കിയത്. കണ്ണൂര്‍ സര്‍വ്വകലാശാലയില്‍ നിന്ന് അറബിക്കില്‍ആദ്യ ഡോക്ടറേറ്റ് കരസ്ഥമാക്കിയ വ്യക്തി എന്ന ഒരു നേട്ടവുംകൂടി തുന്നി ചേര്‍ത്താണ് അമീന്‍ തന്റെ വിജയം കരസ്ഥമാക്കിയത്.ഇതേ സമയത്തുതന്നെ വെള്ളിലയിലെ അബ്ദുല്‍ കരീം വി.പി പൊളിറ്റിക്കല്‍ സയന്‍സിലും ഡോക്ടറേറ്റ് കരസ്ഥമാക്കി.ഇങ്ങിനെ ഇരട്ടിമധുരത്തില്‍ മങ്കട ആസ്വദിച്ചു നില്‍ക്കുമ്പോഴാണ് മറ്റൊരു റിക്കാര്‍ഡ് നേട്ടവുമായി റീഷാ കാരളി വരുന്നത്.മങ്കടയില്‍ നിന്നും ഡോക്ടറേറ്റ് കരസ്ഥമാക്കുന്ന ആദ്യവനിതയായി മങ്കടയുടെ ചരിത്രത്തില്‍ ഇടംപിടിക്കുകയാണ് ഡോ.റീഷാ കാരളി. യു.ജി.സി. ഫെല്ലോഷിപ്പോടുകൂടി എജുക്കേഷനില്‍ കോഴിക്കോട് സര്‍വ്വകലാശാലയില്‍ നിന്നും ഡോക്റ്ററേറ്റ്‌ നേടിയ റീഷ, ബുദ്ധി വൈകല്യമുള്ള കുട്ടികളുടെ അധ്യാപകര്‍ നേരിടുന്ന പ്രശ്നങ്ങള്‍, വെല്ലുവിളികള്‍, അവ തരണം ചെയ്യുന്നതിനുള്ള മാര്‍ഗ്ഗങ്ങള്‍, കുട്ടികളോടുള്ള അവരുടെ സമീപനം, പഠന രീതി ഇവയില്‍ ഊന്നിയുള്ളതായിരുന്നു ഗവേഷണം.

മങ്കട കര്‍ക്കിടകത്ത്‌ കാരള്ളി ഹൈദ്രുവിന്റെയും കുഞ്ഞായിഷയുടെയും മകള്‍. വിദ്യഭ്യാസ യോഗ്യത: M.Sc Botany, M.A. Sociology, M.Ed, Ph.D ഉന്നത വിദ്യാഭ്യാസം മുഴുവനും നേടിയതു കാലികറ്റ്‌ സര്‍വ്വകലാശാല ക്യാമ്പസിലെ വിവിധ പഠന വകുപ്പുകളില്‍ നിന്നായിരുന്നു. ഇപ്പോള്‍ മലപ്പുറം ഗവ: ടി.ടി..യില്‍ അധ്യാപികയായി ജോലി ചെയ്യുന്നു.വിദ്യാഭ്യാസ മേഖലയില്‍ മങ്കടയുടെ യശസ് ഉയര്‍ത്തിയ ഈ സുഹൃത്തുക്കള്‍ക്ക് മങ്കട ഓണ്‍ലൈനിന്റെ അഭിനന്ദനങ്ങള്‍.

Thursday, 18 June 2015

saLAM ELIKKOTTIL


സലാം എലിക്കോട്ടില്‍
വായനയും എഴുത്തും ഉപാസനയാക്കിയ മങ്കടക്കാരന്‍
തയ്യാറാക്കിയത് :ഇഖ്ബാല്‍ മങ്കട


ശ്രീ സലാം എലിക്കോട്ടിലിനോടൊപ്പം
            ഗ്രന്ഥശാല പ്രസ്ഥാനത്തിന്റെ അമരക്കാരനായിരുന്ന ശ്രീ .പി.എന്‍ പണിക്കരുടെ സ്മരണ പുതുക്കുന്ന ജൂണ്‍ 19 ന് കേരളത്തിലെ വിദ്യാലയങ്ങളില്‍ വായനാദിനമായി ആചരിക്കുന്ന ഘട്ടത്തില്‍ തന്നെ വായനയുടെയും എഴുത്തിന്റെയും ലോകത്ത് തന്റേതായ ഒരിടം കണ്ടെത്തിയ മങ്കടയിലെ ശ്രീ.സലാം എലിക്കോട്ടിലിനെ കുറിച്ച് രേഖപ്പെടുത്താനായതില്‍ വളരെയധികം സന്തോഷിക്കുന്ന ഒരാളാണു ഞാന്‍.കൃത്രിമമായി ഉണ്ടാക്കിയെടുക്കുന്ന പ്രശസ്തിയുടെയും പൊങ്ങച്ചത്തിന്റെയും വര്‍ത്തമാന രീതികളെ പാടെ അകറ്റി നിര്‍ത്തി, പുറംലോകത്തോടു ശ്രദ്ധയോടെ മാത്രം സംവദിക്കുന്ന വേറിട്ടൊരു വ്യക്തിത്വത്തെയാണ് ശ്രീ സലാം എലിക്കോട്ടിലില്‍ നമ്മുക്ക് കാണാനാവുക.

മലയാളത്തില്‍ വിവിധ പ്രസിദ്ധീകരണങ്ങളിലായി ആയിരത്തിലധികം സൃഷ്ടികളും ഇംഗ്ലീഷ്ഭാഷയില്‍ എട്ടു പുസ്തകങ്ങളും മുപ്പതിലധികം പ്രസിദ്ധീകരണങ്ങളിലായി അറനൂറോളം രചനകളും പ്രസിദ്ധീകരിച്ച ഒരു മങ്കടക്കാരന്‍ ഇവിടെ ജീവിക്കുന്നുണ്ടെന്ന് അറിയുമ്പോള്‍ അദ്ദേഹത്തെ അറിയാതെ പോകുന്ന ഒരു തലമുറ മങ്കടയില്‍ ഉണ്ടാവരുത് എന്ന ലക്ഷ്യത്തോടെയാണ് ഈ കുറിപ്പ് തയ്യാറാക്കാനുള്ള ശ്രമത്തിലേര്‍പ്പെട്ടത്.

സലാം എലിക്കോട്ടില്‍ എന്ന എഴുത്തുക്കാരനെ കുറിച്ച് പരമാവധി വിവരങ്ങള്‍ മങ്കട ഓണ്‍ലൈനിനു വേണ്ടി ശേഖരിക്കുക എന്ന ലക്ഷ്യത്തോടെയാണ് ഞാനും മുനീര്‍ മങ്കടയും അദ്ദേഹത്തിന്റെ വീട്ടിലെത്തിയത്.ദീപസ്തംഭം എന്ന അദ്ദേഹത്തിന്റെ വെബ്സൈറ്റില്‍ കയറി വിവരങ്ങള്‍ ശേഖരിക്കാന്‍ ശ്രമിച്ചിരുന്നുവെങ്കിലും വ്യക്തിവിവരങ്ങളൊന്നും തന്നെ ലഭ്യമായിരുന്നില്ല.ഇഷ്ട വിനോദം വായനയും എഴുത്തും തന്നെയായതിനാല്‍ ചര്‍ച്ചകള്‍ കേന്ദ്രീകരിച്ചത് സാഹിത്യത്തില്‍ തന്നെയായിരുന്നു .

‍‍‍ഡല്‍ഹിയില്‍ സേവനമനുഷ്ടിക്കുന്ന കാലത്ത് ഖസാക്കിന്റെ ഇതിഹാസക്കാരന്‍ ഒ.വി വിജയനുമായി വളരെ അടുപ്പം പുലര്‍ത്തിയിരുന്നു.പ്രഭാതസവാരികളിലും സായാഹ്നങ്ങളിലെ കൂട്ടായ്മകളിലും ഒ.വി വിജയനോടൊപ്പം സാഹിത്യചര്‍ച്ചകളില്‍ ഏര്‍പ്പെട്ടിരുന്നതും മലയാളത്തിലെ പ്രമുഖ എഴുത്തുക്കാരുമായി സംവദിക്കാനുള്ള അവസരങ്ങള്‍ ലഭിച്ചിരുന്നതും തന്റെ പരന്നവായനക്കും എഴുത്തിനും പ്രചോദനമായതായി ശ്രീ സലാം എലിക്കോട്ടില്‍ പറഞ്ഞു.



കേരള,കോഴിക്കോട്,അലിഗഢ്,ഉസ്മാനിയ,മദിരാശി സര്‍വ്വകലാശാലകളില്‍ നിന്നും MA,BL,Mphil,DPM,DJ തുടങ്ങിയ അക്കാദമിക നേട്ടങ്ങള്‍ കൈവരിച്ചശേഷം കേന്ദ്ര തൊഴില്‍ മന്ത്രാലയത്തില്‍ ഒന്നാംക്ലാസ് ഗസറ്റഡ് പദവിയില്‍ പ്രവേശിച്ച് ഡയരക്ടറായാണ് സേവനത്തില്‍ നിന്നും വിരമിച്ചത്.ഡല്‍ഹിക്കുപുറമേ പത്തോളം സംസ്ഥാനങ്ങളിലും യുറോപ്പിലും സേവനമനുഷ്ടിച്ചു.കേന്ദ്ര ആഭ്യന്തരം, വാര്‍ത്താവിനിമയം ,വിദ്യാഭ്യാസം(മാനവവിഭവം) തുടങ്ങിയ മന്ത്രാലയങ്ങളിലുംഇന്ത്യന്‍ നാവികസേന,ബി.എസ്.എന്‍.എല്‍,നഷണല്‍ ട്രെയിനിംഗ് അക്കാദമി തുടങ്ങിയ സ്ഥാപനങ്ങളിലും പ്രവര്‍ത്തിച്ചിട്ടുണ്ട്.മലയാളം,ഇംഗ്ലീഷ്,ഹിന്ദി ഭാഷകളില്‍ നന്നായി പ്രസംഗിക്കാന്‍ കഴിയുന്ന ഇദ്ദേഹം നിരവധി പ്രശസ്ത സ്ഥാപനങ്ങളില്‍ ക്ലാസുകള്‍ എടുത്തിട്ടുണ്ട്. ഗാന്ധി ഫിലിം സംവിധാനം ചെയ്ത റിച്ചാര്‍ഡ് ആറ്റംബറോയെക്കുറിച്ച് ഒരു കവര്‍സ്റ്റോറി തയ്യാറാക്കിയിട്ടുണ്ട്.ഈസ്റ്റ് യുറോപ്യന്‍ സിനിമകളെകുറിച്ച് നന്നായി എഴുതാന്‍ കഴിയുന്ന ഒരാളാണ് ശ്രീ സലാം എലിക്കോട്ടില്‍.കേരളത്തിലെ ഇതര പത്രങ്ങളിലൊക്കെ കരിയര്‍ ഗൈഡന്‍സിനെകുറിച്ചുള്ള പംക്തികള്‍ വരുന്നതിനുമുമ്പുതന്നെ മാധ്യമം പത്രത്തില്‍ ഈ പംക്തി ആരംഭിച്ചത് ശ്രീ. സലാം എലിക്കോട്ടിലിലുടെയായിരുന്നു. എക്സ്റ്റേണല്‍ സ്കോളര്‍ഷിപ്പ് വിംഗില്‍ സേവനമനുഷ്ടിക്കുന്ന കാലത്ത് വിദേശ സ്കോളര്‍ഷിപ്പുകളെ പത്രമാധ്യമങ്ങിലൂടെ വായനക്കാര്‍ക്ക് പരിചയപ്പെടുത്തി.യൂറോപ്യന്‍ സേവനക്കാലത്ത് ഇറ്റലി,ജര്‍മ്മനി,നെതര്‍ലാന്‍ഡ് എന്നീ രാജ്യങ്ങള്‍ സന്ദര്‍ശിച്ചു.

SAM ELCOT എന്ന തൂലികനാമത്തിലാണ് ഇംഗ്ലീഷ് ഭാഷയില്‍ വളരെയധികം കൃതികള്‍ രചിച്ചത്.Timeless tales of nasrudheen,Classic tales from eternal east,Sufi to Zen stories,immortal tales of mulla nasredheen,Ancient tales from eternal east,if you thought തുടങ്ങിയവ അതില്‍ ചിലതാണ്.

മരണം,മനസ്സറിയും മൃഗം,കവണ,ലെനാര്‍ഡ്-1,ആന്റിപോഡ് അങ്കില്‍പോ‍ഡ്,ലിവ് ഇന്‍ റിലേഷന്‍ഷിപ്പ് ,സര്‍പ്പ കന്യക, ജനറേഷന്‍ഗ്യാപ്, അഹങ്കാരം തുടങ്ങിയ കൃതികളും ഇലക്ട്രോണിക്ക് മാധ്യമത്തിലൂടെ വായനക്കാരിലെത്തിയവയാണ്.സമീപകാലത്തായി പുറത്തിറങ്ങിയ ജപ്പാനീസ് സെന്‍കഥകള്‍ എന്ന പുസ്തകം ഒലീവ് പബ്ലിക്കേഷനാണ് പുറത്തിറക്കിയത്.അഫ്ഗാന്‍ ലോകകഥകള്‍ എന്ന പുസ്തകവും ഒലീവ് പബ്ലിക്കേഷന്‍ പുറത്തിറക്കീട്ടുണ്ട്.

1950ല്‍ എലിക്കോട്ടില്‍ കുഞ്ഞിമമ്മു ഹാജിയുടെയും പാത്തുമ്മടീച്ചറുടെയും മകനായി മങ്കടയില്‍ ജനിച്ച ശ്രീ സലാം എലിക്കോട്ടില്‍ നീണ്ടകാലത്തെ പ്രവാസത്തിനു ശേഷം വിശ്രമജീവിതം മങ്കട വേരുംപിലാക്കലിലുള്ള എലിക്കോട്ടില്‍ വീട്ടില്‍ വായനയ്ക്കും എഴുത്തിനുമായി നീക്കി വെച്ചിരിക്കുകയാണ്.ഭാര്യ മലപ്പുറം ജില്ലാ പഞ്ചായത്ത് മെമ്പര്‍ ശ്രീമതി പാത്തുമ്മക്കുട്ടി ടീച്ചറാണ്.

സൂഫി സൂക്തങ്ങളോടുള്ള അടങ്ങാത്ത ആരാധന ഇദ്ദേഹത്തിന്റെ വരികളിലും രേഖപ്പെടുത്തലുകളിലും കാണാവുന്നതാണ്.സൂഫി സൂക്തങ്ങള്‍ ജീവിത വിജയത്തിന് എന്ന ലേബലില്‍ സോഷ്യല്‍ മീഡിയയില്‍ സജീവമാണ്.




എല്ലാ നന്മയും ആരംഭിക്കുന്നത് ദൈവസ്മരണയില്‍ നിന്നാണ്.എല്ലാ തിന്മകളും ഒടുങ്ങുന്നതും ദൈവസ്മരണയില്‍ തന്നെ ” സൂഫി സൂക്തം
-ഇഖ്ബാല്‍ മങ്കട

Friday, 15 May 2015

നന്തനാര്‍


നന്തനാര്‍ അനുസ്മരണം



ഇന്നത്തെ സായാഹ്നം എന്നെ സംബന്ധിച്ചിടത്തോളം ഏറെ പ്രിയപ്പെട്ടതായിരുന്നു.മഞ്ചേരിയില്‍ നടക്കുന്ന അധ്യാപക പരിശീലനം കഴിഞ്ഞ് നേരെപോയത് അങ്ങാടിപ്പുറത്തെ നന്തനാര്‍ എന്ന പ്രശസ്ത സാഹിത്യക്കാരന്റെ വീട്ടിലേക്കായിരുന്നു.വള്ളുവനാടന്‍ സാംസ്കാരികവേദി എന്ന ഫെയ്സ് ബുക്ക് കൂട്ടായ്മ ഒരുക്കിയ നന്തനാര്‍ അനുസ്മരണ വേദിയിലേക്കായിരുന്നു ക്ഷണം.ഒരു സഹൃദയനായി നന്തനാരെക്കുറിച്ചുള്ള വാക്കുകള്‍ കേള്‍ക്കാനായി പോയ എനിക്ക് ആ വേദി വൈകാരികമായ ഒരു അന്തരീക്ഷമായാണ് അനുഭവപ്പെട്ടത്.ഒരിക്കല്‍ വൈലാലില്‍ ബേപ്പൂര്‍ സുല്‍ത്താന്റെ അനുസ്മരണത്തില്‍ തികച്ചും ഒരു കേള്‍വിക്കാരാനായി നിന്നപ്പോള്‍ ആ വീടിനേയും ബഷീര്‍ ശേഷിപ്പുകളേയും സാക്ഷിനിര്‍ത്തി അദ്ദേഹത്തിന്റെ ഓരോ സ്പന്ദനങ്ങളും വീണ്ടും ഓര്‍മ്മപ്പെടുത്തുന്ന അവസരത്തിലുണ്ടായ അനുഭൂതിയായിരുന്നു എനിക്കിവിടെയും അനുഭവപ്പെട്ടത്.നന്ദനാരുടെ അടയാളപ്പെടുത്തലുകളുംവായനാനുഭവങ്ങളും പങ്കുവെയ്ക്കാനായി വാസുദേവന്‍ സര്‍,ഡോ.വിജയകൃഷ്ണന്‍,റഹ് മാന്‍ കിടങ്ങയം തുടങ്ങി യുവകവികളും കഥകാരന്‍മാരും സഹൃദയരുമായി കുറേപേരുണ്ടായിരുന്നു.അതിനുമപ്പുറം നന്തനാരുടെ രണ്ടുമക്കളുടെ സാന്നിധ്യമായിരുന്നു ചടങ്ങിന് മാറ്റുകൂട്ടിയത്.നന്ദനാര്‍ കാലയവനികയിലേക്ക് മടങ്ങീട്ട് നാല്പത്തൊന്നു വര്‍ഷം കഴിഞ്ഞു.അര്‍ഹിക്കുന്ന അംഗീകരങ്ങളൊന്നും പൂര്‍ണ്ണമായും നാടോ ഭരണകൂടമോ നല്കീട്ടില്ല.അദ്ദേഹത്തെ ശരിയായ വിധത്തില്‍ വായിക്കാന്‍പോലും യുവസമൂഹത്തിനോ സ്വന്തം നാട്ടുക്കാര്‍ക്കോ അവസരവില്ലാതായികൊണ്ടിരിക്കുന്ന കാലത്താണ് വള്ളുവനാടന്‍ സാംസ്കാരികവേദി ഇത്തരമൊരു ഉദ്ദ്യമവുമായി ഇറങ്ങിതിരിച്ചിരിക്കുന്നത്.ഈ വേദിയില്‍ ചുരുങ്ങിയ വാക്കുകളിലായി എന്റെ മനസ്സില്‍ തോന്നിയത് പറഞ്ഞുവെച്ചു.അതിലൊന്ന് പക്ഷങ്ങള്‍ പിടിക്കാനോ പക്ഷങ്ങളില്‍ ഉള്‍പ്പെടാനോ കഴിയാതെ പോയതുകൊണ്ടാകാം നന്തനാര്‍ എന്ന സാഹിത്യക്കാരന്‍ മുഖ്യധാരാ സാഹിത്യക്കാരന്‍മാരുടെ പട്ടികയില്‍ ഇടംപിടിക്കാതെ കേവലം ഒരു പട്ടാളകഥാകാരനായി മാറ്റപ്പെട്ടതെന്നായിരുന്നു എന്റെ നിരീക്ഷണം.രണ്ടാമതായി പറഞ്ഞത് മൊയിതീന്‍ എന്ന സഹായിയെ കഥാപാത്രമാക്കുന്നതിലൂടെയും മാബാര്‍കലാപകാലഘട്ടത്തെപോലെയുള്ള ചരിത്ര സന്ദര്‍ഭങ്ങള്‍ സൃഷ്ടികളില്‍ വരികയും ഒരു കാലഘട്ടത്തിന്റെ പച്ചയായ ചിത്രം ആവിഷ്കരിക്കുകയും ചെയ്യുമ്പോള്‍ അത് ഒരു പ്രദേശത്തെ അടയാളപ്പെടുത്തലാണെന്നും അതുകൊണ്ടുതന്നെ ഒരു സാമൂഹ്യശാസ്ത്ര അധ്യാപകന്റെ കണ്ണിലൂടെ ഇതൊരു പ്രാദേശികചരിത്രകൈമാറ്റമാണെന്നുമായിരുന്നു എനിക്കു പറയാനുണ്ടായിരുന്നത്.ഈ പ്രാദേശികചരിത്രം അടുത്തതലമുറക്കായി കരുതിവെയ്ക്കുന്നതില്‍ നന്തനാര്‍കൃതികള്‍ക്കായി .എന്തായാലും രണ്ടുമണിക്കൂര്‍ സമയം ഒരു പ്രദേശത്തിന്റെ കഥാകാരന്റെ ഓര്‍മ്മയില്‍ ചിലവഴിക്കാനായത് ജീവിതത്തിലെ മറക്കാനാവാത്ത അനുഭവമായി രേഖപ്പെടുത്തട്ടെ.നന്തനാരുടെ സൃഷ്ടികള്‍ വായനക്കാരിലെത്തുന്നതിനും അദ്ദേഹത്തിന്റെ സ്മരണ നിലനിര്‍ത്തുന്നതിനും അങ്ങാടിപ്പുറം ഗ്രാമപഞ്ചായത്തും സഹൃദയസമൂഹവും ഉണര്‍ന്നു പ്രവര്‍ത്തിക്കേണ്ടക്കാലം അതിക്രമച്ചിരിക്കുന്നു.വള്ളുവനാടന്‍ സാംസ്കാരികവേദി എന്ന ഫെയ്സ് ബുക്ക് കൂട്ടായ്മക്കും അതിനും നേതൃത്വംകൊടുക്കുന്ന നിഷാദിനെപ്പോലെയുള്ള സുഹൃത്തകള്‍ക്കും അഭിനന്ദനങ്ങള്‍.



നാം മറക്കരുതാത്ത നന്തനാര്‍
(കടപ്പാട്:വള്ളുവനാടന്‍ സാംസ്കാരിക വേദി)
കാലം ഒരു പാട് കടന്നു പോയി. സാഹിത്യരംഗത്ത്‌ പലരും പിറന്നാളാഘോഷിച്ചു. സിനിമാരംഗത്ത്‌ മരിച്ചു പോയ പ്രതിഭകളെ നാം ഓര്‍ത്തു. പക്ഷെ, പൊളളുന്ന ജീവിതം മലയാള സാഹിത്യത്തില്‍ കോരിയൊഴിച്ച ഒരാളെ കുറിച്ചു മാത്രം ആരും ഒന്നും പറഞ്ഞു കണ്ടില്ല. `അനുഭവങ്ങള്‍' അക്ഷരങ്ങളില്‍ അഗ്നിജ്വാലകളാക്കിയ ഈ എഴുത്തുകാരന്‍ മരിച്ചത്‌- അല്ലെങ്കില്‍ സ്വയം അവസാനിപ്പിച്ചത്‌ ഏപ്രില്‍ 24 നായിരുന്നു. നാല്‍പ്പതു വര്‍ഷം മുമ്പ്‌ 1974ല്‍.നന്തനാര്‍ എന്ന തൂലികാ നാമത്തില്‍ അറിയപ്പെട്ട പി.സി. ഗോപാലന്‍, മലപ്പുറം ജില്ലയിലെ അങ്ങാടിപ്പുറത്തു പൂരപ്പറമ്പില്‍ ചെങ്ങരയില്‍ 1926 ജനുവരി 5നാണ്‌ ജനിച്ചത്‌.
ഏഴു നോവലുകളും ഒരു നാടകവും പതിനൊന്ന്‌ കഥാസമാഹാരങ്ങളുമാണ്‌ അദ്ദേഹത്തിന്റെതായി നമുക്ക്‌ ലഭിച്ചത്‌.
വിശപ്പിന്റെ വിളി എന്തെന്നറിയണമെങ്കില്‍ ഇന്നും നന്തനാര്‍ കൃതികള്‍ വായിക്കണം. മനുഷ്യന്റെ ഒറ്റപ്പെടല്‍, വിശപ്പ്‌, ഇതൊല്ലാം വായനക്കാരനു അനുഭവിച്ചറിയാനാകുന്നു ഈ കാഥികന്‍റെ വാക്കുകളില്‍.
പട്ടാളകാഥികനെന്ന്‌ വിളിച്ച്‌ ഒതുക്കി നിര്‍ത്താന്‍ ശ്രമമുണ്ടായപ്പോളും നന്തനാര്‍ എഴുതി വിശക്കുന്നവന്റെ, ആലംബമില്ലാത്തവന്റെ, ഒറ്റപ്പെട്ടുപോകുന്ന ആത്മാക്കളുടെ കഥകള്‍.....
പലതും സ്വന്തം അനുഭങ്ങള്‍ തന്നെയായിരുന്നു.പഠിക്കാന്‍ സമര്‍ഥനായിരുന്നെങ്കിലും സാമ്പത്തിക പരാധീനതമൂലം ഇടയ്‌ക്കുവച്ച്‌ പഠനത്തിനു വിരാമമിടേണ്ടിവന്നു.
1942ല്‍ സൈന്യത്തില്‍. `അനുഭവങ്ങള്‍' എന്ന ആത്മകഥാ സ്‌പര്‍ശമുള്ള നോവലില്‍ ഇതെല്ലാം പച്ചയായി വരുന്നുണ്ട്‌.
സിഗ്‌നല്‍ വിഭാഗത്തിലായിരുന്നു ആദ്യനിയമനം. മ്യാന്‍മാര്‍, ഇന്തോനേഷ്യ എന്നിവിടങ്ങളില്‍ സേവനമനുഷ്‌ഠിച്ചു. 1964ല്‍ പട്ടാളത്തില്‍ നിന്നും വിരമിച്ച്‌ മൈസൂറില്‍ എന്‍.സി.സി. ഇന്‍സ്‌ട്രക്‌റ്ററായി. 1967മുതല്‍ 1974ല്‍ മരിക്കും വരെ എഫ്‌..സി.ടി.യില്‍ പബ്‌ളിസിറ്റി വിഭാഗത്തിലായിരുന്നു ജോലി.
കണ്ണു നനയ്‌ക്കുന്ന ബാല സഹിത്യവും നന്തനാരുടേതായിട്ടുണ്ട്‌.
മലയാളിക്കു മറക്കാനാവാത്ത ഉണ്ണിക്കുട്ടന്‍ പരമ്പര ബാലസാഹിത്യ കൃതികളാണ്‌.ബാല്യം മുതല്‍ താന്‍ അനുഭവിച്ചറിഞ്ഞ കഷ്‌ടപ്പാടുകള്‍ കഥയില്‍ അവതരിപ്പിച്ചിട്ടുള്ള നന്തനാരുടെ കഥാപാത്രങ്ങള്‍ പാവപ്പെട്ടവരും സാധാരണക്കാരും മണ്ണിന്റെ മണവും പ്രകൃതിയുടെ കനിവും അറിഞ്ഞ ഹൃദയ നൈര്‍മല്യവുമുള്ളവരുമാണ്‌.
ടോള്‍സ്റ്റോയിയുടെ സുപ്രസിദ്ധങ്ങളായ കൊസ്സാക്ക്‌ കഥകളാണ്‌ നന്തനാര്‍കൃതികള്‍ ഓര്‍മിപ്പിക്കുന്നതെന്ന്‌ എന്‍. വി. കൃഷ്‌ണവാര്യര്‍ നിരീക്ഷിച്ചിട്ടുണ്ട്‌. മൊയ്‌തീന്‍ ആണ്‌ ആദ്യത്തെ കഥ.
ജീവിതദുഃഖങ്ങളിലെല്ലാം നിഴല്‍പോലെ കൂടെയുണ്ടായിരുന്ന മൊയ്‌തീന്‍ എന്ന കഥാപാത്രം ഇതിലെ കേന്ദ്രബിന്ദുവാണ്‌.
1963
ല്‍ പ്രസിദ്ധീകരിച്ച 'ആത്‌മാവിന്‍റെ നോവുകള്‍' എന്ന നോവല്‍ പട്ടാളക്യാമ്പുകളിലെ പച്ചയായ ജീവിതം തുറന്നിടുന്നു. ആ കാലഘട്ടത്തിലെ പട്ടാളജീവിതത്തിന്‍റെ ദുരിതങ്ങളും കടുത്തചിട്ടവട്ടങ്ങളും വായനക്കാരന്‌ വല്ലാത്തൊരു അനുഭവമാണ്‌ സമ്മാനിക്കുക. പട്ടാള ബാരക്കുകള്‍ക്കുള്ളിലെ വേവും ചൂടും വിയര്‍പ്പന്റെ ഗന്ധവും ഓരോ താളുകളിലും നിറയുന്നു. ആത്‌മാവിന്റെ നോവുകള്‍ ഇംഗ്‌ളീഷിലും ഹിന്ദിയിലും പ്രസിദ്ധീകരിച്ചിട്ടുണ്ട്‌. ചെറുകഥകളും വിവിധ ഭാഷകളില്‍ ഭാഷാന്തരം ചെയ്‌തിട്ടുണ്ട്‌. ആത്‌മാവിന്റെ നോവുകള്‍ക്ക്‌ 1963ലെ കേരള സാഹിത്യ അക്കാദമി അവാര്‍ഡ്‌ ലഭിച്ചു. നന്തനാരുടെ യഥാര്‍ഥ ജീവിതകഥയേയും കഥാസന്ദര്‍ഭങ്ങളെയും കോര്‍ത്തിണക്കി എം.ജി. ശശി സംവിധാനം ചെയ്‌ത ചലച്ചിത്രമാണ്‌ സംസ്‌ഥാന പുരസ്‌കാരം നേടിയ 'അടയാളങ്ങള്‍'.ദാരിദ്ര്യമായിരുന്നു എന്നും. കൊടിയ ദാരിദ്ര്യത്തിന്‍റേയും കഷ്‌ടപ്പാടുകളുടേതുമായിരുന്നു ബാല്യവും മുഴുജീവിതവും. ഗതിയില്ലാതെ പതിനാറാം വയസ്സില്‍ പട്ടാളത്തില്‍ ചേരുകയായിരുന്നു. ഇരുപത്‌ വര്‍ഷങ്ങള്‍ക്ക്‌ ശേഷം സേവനം അവസാനിപ്പിച്ച്‌ ഫാക്‌റ്റിലെ ജീവനക്കാരനായി. 1974ല്‍ സ്വയം ജീവിതമവസാനിപ്പിച്ചു. നന്തനാരെന്ന എഴുത്തുകാരനെ ഇപ്പോഴും അറിയാന്‍ മലയാളിക്കു കഴിയാതെ പോയതെന്തേ?....
നന്തനാര്‍ കൃതികള്‍: അറിയപ്പെടാത്ത മനുഷ്യജീവികള്‍ (1956) ആദ്യനോവല്‍. ആത്‌മാവിന്റെ നോവുകള്‍, അനുഭൂതികളുടെ ലോകം (1965), ഉണ്ണിക്കുട്ടന്റെ ഒരു ദിവസം (1966), ഉണ്ണിക്കുട്ടന്‍ സ്‌കൂളില്‍ (1967), മഞ്ഞക്കെട്ടിടം (1968), ഉണ്ണിക്കുട്ടന്‍ വളരുന്നു (1969), ആയിരം വല്ലിക്കുന്നിന്റെ താഴ്‌വരയില്‍ (1971), അനുഭവങ്ങള്‍ (1975) എന്നിവ നോവലുകള്‍. ആകാശം തെളിഞ്ഞു, സ്‌നേഹം നിറഞ്ഞ കൂപ്പുകൈ, നെല്ലും പതിരും, തോക്കുകള്‍ക്കിടയിലെ ജീവിതം, ജീവിതത്തിന്റെ പൊന്‍നാളങ്ങള്‍, നിഷ്‌കളങ്കതയുടെ ആത്‌മാവ്‌, മിസ്റ്റര്‍ കുല്‍ക്കര്‍ണി, ഒരു വര്‍ഷകാല രാത്രി, കൊന്നപ്പൂക്കള്‍, ഇര, ഒരു സൗഹൃദസന്ദര്‍ശനം എന്നിവ ചെറുകഥാസമാഹാരങ്ങള്‍.

Thursday, 14 May 2015

മുഹമ്മദലി മാസ്റ്റര്‍

പരിയന്തടത്തില്‍ മുഹമ്മദലി മാസ്റ്റര്‍ അന്തരിച്ചു.

ദീര്‍ഘകാലം മങ്കട പുളിക്കല്‍പറമ്പ എ.എം.എല്‍.പി സ്കൂള്‍ അധ്യാപകനും സാമൂഹ്യ രാഷ്ട്രീയ മേഖലയില്‍ പ്രവര്‍ത്തിക്കുകയും ചെയ്തിരുന്ന പരിയന്തടത്തില്‍ മുഹമ്മദലി മാസ്റ്റര്‍ അന്തരിച്ചു.ഖബറടക്കം ഇന്ന് 12 മണിക്ക് മഹല്‍ ഖബര്‍സ്ഥാനിലായിരുന്നു.പരേതന് മങ്കട ഓണ്‍ലൈനിന്റെ ആദരാഞ്ജലികള്‍

Tuesday, 12 May 2015

PLUS ONE


HIGHER SECONDARY - ADMISSION നടപടികള്‍ ആരംഭിച്ചു

സംസ്ഥാനത്തെ ഹയര്‍ സെക്കണ്ടറി സ്കൂളുകളിലേക്കുള്ള അഡ്‌മിഷന്‍ നടപടികള്‍ ആരംഭിച്ചു. ഏകജാലകസംവിധാനം വഴിയാണ് പ്രവേശനം പൂര്‍ത്തിയാകുന്നത്. അപേക്ഷകര്‍ കേരളത്തിലെ SSLC, THSLC, CBSE, ICSE എന്നീ പരീക്ഷകളോ SSLCക്ക് തത്തുല്യമായി മറ്റ് സംസ്ഥാനങ്ങളിലെയോ രാജ്യങ്ങളിലെയോ പരീക്ഷ പാസായവര്‍ക്ക് അപേക്ഷിക്കാം. 2015 ജൂണ്‍ ഒന്നിന് 15 വയസിനും  20 വയസിനും ഇടയിലുള്ളവരായിരിക്കണം അപേക്ഷകര്‍. വയസിളവിനും മറ്റ് വിശദാംശങ്ങള്‍ക്കും പ്രോസ്‌പെക്ടസ് പരിശോധിക്കുക. കേരളത്തിലെ SSLC പാസായവര്‍ക്ക് കുറഞ്ഞ പ്രായപരിധി ബാധകമല്ല.  CBSE-യുടെ ബോര്‍ഡ് തല പരീക്ഷ ജയിച്ചവര്‍ക്ക് മാത്രമേ ആദ്യഘട്ടത്തില്‍ അപേക്ഷിക്കാന്‍ സാധിക്കൂ
പ്രവേശനപ്രക്രിയയുടെ സമയക്രമം ചുവടെ:-
  • Online അപേക്ഷാ സമര്‍പ്പണം ആരംഭിക്കുന്നത് :- മെയ് 15
  • അപേക്ഷകള്‍ ഓണ്‍ലൈനായി സമര്‍പ്പിക്കേണ്ട അവസാനദിനം:- മെയ് 25
  • ട്രയല്‍ അലോട്ട്‌മെന്റ് :- ജൂണ്‍ 3
  • ആദ്യ അലോട്ട്‌മെന്റ്  :-ജൂണ്‍ 10
  • മുഖ്യ അലോട്ട്മെന്റ് അവസാനിക്കുന്ന തീയതി :-ജൂണ്‍ 25
  • ക്ലാസുകള്‍ ആരംഭിക്കുന്ന തീയതി :- ജൂണ്‍ 1

Wednesday, 6 May 2015

പ്ലസ് വണ്‍

പ്ലസ് വണ്‍ അഡ്മിഷന്‍  ശ്രദ്ധിക്കുക



sslc


 sslc വിദ്യാര്‍ത്ഥികളുടെ ശ്രദ്ധയ്ക്ക്

 

SSLC 2015- REVALUATION/PHOTO COPY/SCRUTINY അപേക്ഷ ക്ഷണിച്ചു

ഇക്കഴിഞ്ഞ മാര്‍ച്ചില്‍ നടന്ന എസ് എസ് എല്‍ സി പരീക്ഷ എഴുതിയ വിദ്യാര്‍ഥികള്‍ക്ക് റീവാല്യുവേഷന്‍, ഫോട്ടോകോപ്പി , സ്ക്രൂട്ടിണി എന്നിവക്ക് അപേക്ഷ ക്ഷണിച്ചു. വിദ്യാര്‍ഥികള്‍ ഓണ്‍ലൈനായി ഏപ്രില്‍ 30 മുതല്‍ മെയ് 8-ന് ഉച്ചക്ക് ഒരുമണി വരെ അപേക്ഷിക്കാവുന്നതാണ്. അപേക്ഷാ ഫോമിന്റെ പ്രിന്റൗട്ട് ഫീസ് എന്നിവ സഹിതം എട്ടിന് ഉച്ചക്ക് രണ്ട് മണിക്കകം പരീക്ഷ എഴുതിയ കേന്ദ്രത്തിലെ പ്രധാനാധ്യാപകന് സമര്‍പ്പിക്കണം. റീവാല്യുവേഷന് പേപ്പര്‍ ഒന്നിന് 400 രൂപ ഫോട്ടോകോപ്പിക്ക് 200 രൂപ സ്ക്രൂട്ടിണിക്ക് 50 രൂപ എന്ന നിരക്കിലാണ് ഫീസ് നല്‍കേണ്ടത്. ഐ ടി പരീക്ഷക്ക് റീവാല്യുവേഷന്‍, ഫോട്ടോകോപ്പി , സ്ക്രൂട്ടിണി എന്നിവ ഉണ്ടായിരിക്കുന്നതല്ല. വിദ്യാര്‍ഥികളില്‍ നിന്നും ലഭിച്ച അപേക്ഷകള്‍ പ്രധാനാധ്യാകര്‍ ഓണ്‍ലൈനായി വേരിഫൈ ചെയ്യണം. ഫീസ് അടച്ചതിന് രസീത് നല്‍കുകയും വേണം. വേരിഫൈ ചെയ്തതിന് ശേഷം ലഭിക്കുന്ന മൂന്ന് പ്രിന്റൗട്ടുകള്‍ അന്ന് തന്നെ പ്രധാനാധ്യാപകര്‍ കൗണ്ടര്‍സൈന്‍ ചെയ്ത് ജില്ലാ വിദ്യാഭ്യാസ ഓഫീസര്‍ക്ക് സമര്‍പ്പിക്കണം.
 സ്കൂള്‍ തലത്തില്‍ ചെയ്യേണ്ട പ്രവര്‍ത്തനങ്ങള്‍
  1. വിദ്യാര്‍ഥികള്‍ ഓണ്‍ലൈനായി സമര്‍പ്പിക്കുന്ന അപേക്ഷകളുടെ പ്രിന്റൗട്ട് , ഫീസ് എന്നിവ മെയ് എട്ടിന് രണ്ട് മണി വരെ സ്വീകരിക്കാവുന്നതാണ്. ഫീസ് സ്വീകരിച്ചതിന് രസീത് നല്‍കണം
  2. ലഭിച്ച പ്രിന്റൗട്ടുകള്‍ ഓണ്‍ലൈനായി വേരിഫൈ ചെയ്യണം.
  3. ഓണ്‍ലൈന്‍ രജിസ്ട്രേഷന്‍ പൂര്‍ത്തിയാകുന്ന അന്നു തന്നെ(മെയ് എട്ട്) വേരിഫിക്കേഷനും പൂര്‍ത്തീകരിച്ച് ലഭിക്കുന്ന മൂന്ന് പ്രിന്റൗട്ടുകള്‍ കൗണ്ടര്‍സൈന്‍ ചെയ്ത് വെകുന്നേരം അഞ്ച് മണിക്കകം DEO-യില്‍ സമര്‍പ്പിക്കണം.പ്രിന്റൗട്ടുകള്‍ സ്കൂളുകളില്‍ സൂക്ഷിച്ചാല്‍ മതി
  4. ഗ്രേഡുകളില്‍ മാറ്റം വന്നാല്‍ തുക തിരികെ നല്‍കേണ്ടതാണ്. ലഭിച്ച ഫീസിന്റെയും തിരികെ നല്‍കിയതിന്റെയും വിശദാംശങ്ങള്‍ രജിസ്റ്ററിലാക്കി സൂക്ഷിക്കണം
  5. തിരികെ നല്‍കിയതിന് ശേഷമുള്ള തുക പ്രധാനാധ്യാപകര്‍ 0202-01-102-99 other receipts എന്ന Head of Account-ല്‍ ജൂണ്‍ 30-നകം  ചെല്ലാന്‍ സഹിതം ട്രഷറിയില്‍അടക്കണം. ചെല്ലാന്റെ ഫോട്ടോകോപ്പിയും സര്‍ക്കുലറില്‍ തന്നിരിക്കുന്ന സ്റ്റേറ്റ്മെന്റും സഹിതം രജിസ്റ്റേര്‍ഡ് പോസ്റ്റായി ' സൂപ്രണ്ട്, എ സെക്ഷന്‍, പരീക്ഷാഭവന്‍, പൂജപ്പുര, തിരുവനന്തപുരം 12' എന്ന വിലാസത്തില്‍ അയച്ച് നല്‍കണം
  6. സ്കൂള്‍ ആയി പരീക്ഷാഭവന്‍ സൈറ്റില്‍ User Name , Password ഇവ നല്‍കി ലോഗിന്‍ ചെയ്യുമ്പോള്‍ ലഭിക്കുന്ന ജാലകത്തില്‍ ഇടത് വശത്തുള്ള Revaluation എന്നതിന് നേരെയുള്ള + ബട്ടണ്‍ അമര്‍ത്തുമ്പോള്‍ Revaluation Verification എന്ന ലിങ്ക് ലഭിക്കും ഈ ലിങ്ക് ഉപയോഗിച്ചാണ് പ്രധാനാധ്യാപകര്‍ Verification പൂര്‍ത്തീകരിക്കേണ്ടത്

Sunday, 26 April 2015

മങ്കട അനാഥശാല വാര്‍ഷികം


മങ്കട അനാഥശാല വാര്‍ഷികം
 കവിയരങ്ങ്
 മങ്കട അനാഥശാലയുടെ മുപ്പത്തിയേഴാം വാര്‍ഷികാഘോഷത്തിന്റെ ഭാഗമായി നടന്ന കവിയരങ്ങ് നവ്യാനുഭൂതിയായി.പതിനാല് കവിതകള്‍ അവതരിപ്പിച്ചു.മങ്കടയില്‍ സാഹിത്യാഭിരുചിയുള്ള ഒരു യുവനിരയുണ്ടെന്നത് വലിയ സന്തോഷം നല്കുന്നു.മങ്കട അനാഥാലയം ഇതിനൊരു വേദിയായത് മങ്കടയുടെ മറ്റൊരു സവിശേഷത.അനാഥാലയങ്ങളും അനാഥകളും പാര്‍ശ്വവല്‍ക്കരിക്കപ്പെടാതെ തികച്ചും സമൂഹത്തിന്റെ ഭാഗമാണെന്നും ഓരോ സാമൂഹ്യ ഇടപെടലിനും ഇത്തരം സ്ഥാപനങ്ങള്‍ക്ക് അവസരമുണ്ടെന്നും തെളിയിച്ച പരിപാടിയായിരുന്നു നടന്നത്. കവിയരങ്ങ് എന്നാല്‍ എന്തോ മതവിരുദ്ധമാണെന്ന് തെറ്റിദ്ധരിച്ച യാഥാസ്ഥിതിക കഴ്ചപ്പാടിനെ കണ്ണു തുറപ്പിക്കാന്‍ ഇത്തരം പരിപാടികള്‍ക്കാവും എന്നു ഞാന്‍ കരുതുന്നു.ഒരു കവിയരങ്ങിനെ കുറിച്ച് ഇത്രയും എന്റെ പോസ്റ്റിലിടാന്‍ കാരണം, ഇന്നലെ വളരെ നന്നായി കവിയരങ്ങ് അവസാനിപ്പിച്ച് രാത്രിയില്‍ മങ്കട ഓര്‍ഫനേജിന്റെ ഫെയ്സ്ബുക്ക് പോസ്റ്റ് എടുത്ത് നോക്കിയപ്പോള്‍ ഒരു പ്രാദേശിക പത്രലേഖകന്‍ രേഖപ്പെടുത്തിയ ചില അബദ്ധവാചകങ്ങള്‍ വായിക്കാന്‍ ഇടയായി.
ടിയാന്റെ വാചകങ്ങള്‍ മാന്യവായനക്കാരുടെ ശ്രദ്ധയിലേക്കായി ഇവിടെ പകര്‍ത്തട്ടെ.

"യതീംകുട്ടികളുടെ പേരില് പടുത്തുയര്ത്തിയ ഈ സ്ഥാപനത്തില് നടക്കുന്ന ചിലപരിപാടികള് കണ്ടാല് ഈ സമുദായം ലജ്ജിച്ച് തലതാഴ്ത്തും. കവിയരങ്ങാണത്രെ.... കവിയരങ്ങ്. ഇവരൊക്കെ എവിടുത്തെ സമുദായനേതാക്കളാണ്..ആര്ക്ക് വേണ്ടിയാണ് കവിയരങ്ങ് പോലുള്ള പരിപാടികള് സംഘടിപ്പിക്കുന്നത്. എത്ര ആലോചിച്ചിട്ടും മനസ്സിലാവുന്നില്ല.”

ഇതിനു മറുപടിയായി ഞാന്‍ കുറിച്ചിട്ടത്

"താങ്കളുടെ കാഴ്ചപ്പാട് എന്താണ് എന്നറിയില്ല.പക്ഷേ ഒരു കാര്യം മനസ്സിലായി താങ്കളെപോലെയുള്ളവര്‍ക്ക് യത്തീംഖാനകള്‍ എന്നും യത്തീംഖാനകള്‍ മാത്രമായും അനാഥകുട്ടികള്‍ എന്നും അനാഥകളായും പാര്‍ശ്വവല്‍ക്കരിച്ചുകാണാന്‍ ആഗ്രഹിക്കുന്നവരുടെ പ്രതിനിധിയായി സംസാരിക്കുന്നതുപോലെ തോന്നും.അനാഥശാല വാര്‍ഷികത്തോടനുബന്ധിച്ചു നടത്തിയ ഒരുപാട് പരിപാടികളുണ്ടായിരുന്നു.മഹലിലെ കാരണവന്‍മാരെ ആദരിക്കല്‍,ഡെന്റല്‍ ക്യാമ്പ്,വനിതാ സംഗമം,പൂര്‍വ്വ വിദ്യാര്‍ത്ഥിസംഗമം,കവിയരങ്ങ്......ഇതില്‍ കവിയരങ്ങിനോട് മാത്രമായി എന്താ ഒരു അയിത്തം .എണ്‍പതുവയസ്സായ അവറാന്‍കുട്ടിക്കാക്കയും കൂട്ടില്‍ബാപ്പുവും കൊച്ചുണ്ണിമാഷും മങ്കടയിലെ വളരെയധികം കഴിവുകളുള്ള യുവ എഴുത്തുക്കാരും ഒത്തുച്ചേര്‍ന്ന് തികച്ചും മാന്യമായി മലയാളഭാഷയില്‍ ആശയങ്ങള്‍ അവതരിപ്പിച്ചാല്‍ അനിസ്ലാമികമാണെന്ന് താങ്കളെപോലുള്ളവര്‍ പറഞ്ഞാല്‍ ഉള്‍കൊള്ളാന്‍ എത്രപേരുണ്ടാകും എന്ന് എനിക്കറിയില്ല.ഒരു പ്രാദേശികപത്രപ്രവര്‍ത്തകന്‍ എന്ന മേല്‍വിലാസം പേറുന്ന താങ്കളുടെ ഈ അഭിപ്രായം പത്രസമ്മേളനം നടത്തിയപ്പോള്‍ കണ്ടിലല്ലോ?അതോ സോഷ്യല്‍ മീഡിയയില്‍ ഒരു അഭിപ്രായം രേഖപ്പെടുത്തിയാല്‍ തനിക്കില്ലാത്തത് മറ്റുള്ളവര്‍ അവതരിപ്പിക്കുമ്പോള്‍ ഉണ്ടാകുന്ന ഒരു അസ്വസ്ഥതയായി ഞങ്ങളെപ്പോലുള്ളവര്‍ കണക്കാക്കും.എന്തായാലും സമുദായം ലജ്ജിച്ചുതലതാഴ്ത്താന്‍ എല്ലാവരും താങ്കളല്ലാ എന്നുകൂടി വിനീതമായി അറീയിക്കട്ടെ..... സ്വന്തം നിലവാരം പ്രകടിപ്പിച്ചതിനു നന്ദി.”


ഇത്രയെങ്കിലും രേഖപ്പെടുത്തിയില്ലെങ്കില്‍ ഈ അല്പജ്ഞാനി ഇതിനപ്പുറം തുടര്‍ന്നും മധ്യമങ്ങളില്‍ വാര്‍ത്താമാലിന്യം നിറയ്ക്കുമെന്ന് എനിക്ക് തോന്നുന്നു.ടിയാന്‍ പറഞ്ഞ സമുദായ നേതാക്കളുടെ കൂട്ടത്തില്‍പ്പെടിലെങ്കിലും കവിയരങ്ങിലെ ഒരു പ്രതിനിധി എന്ന നിലയില്‍ ഒരു കാര്യം ഉറപ്പിച്ചുപറയാം യത്തീംഖാനയിലെ ഓരോ ഭാരവാഹിയും നിശ്ചിതമായ ഒരുതുക സ്വന്തം ഇഷ്ടപ്രകാരം നല്കിതന്നെയാണ് ഇത്തരം പരിപാടികള്‍ സംഘടിപ്പിച്ചത് എന്നുകൂടി ടിയാനെപോലുള്ള അധരവ്യായാമ പത്രപ്രവര്‍ത്തനം നടത്തുന്നവരെങ്കിലും അറിയേണ്ടതുണ്ട്.അതേ സമയം ഈ വാര്‍ത്ത മികച്ച രീതിയില്‍ പ്രസിദ്ധീകരിച്ച മാധ്യമം പത്രവും മുനീര്‍ മങ്കടയെപോലുള്ള നല്ല പ്രാദേശിക റിപ്പോര്‍ട്ടര്‍മാരും ചെയ്യുന്ന പ്രവര്‍ത്തനങ്ങളെ പ്രകീര്‍ത്തികാതിരിക്കാനുമാവില്ല.


 വാല്‍കഷ്ണം:കൂടുതല്‍ അന്വേഷിച്ചപ്പോള്‍ ലഭ്യാമായത് കവിയരങ്ങല്ല ചില വ്യക്തി താല്പര്യങ്ങളാണ് പ്രതികരണത്തിനു പിന്നിലെന്നതായിരുന്നു.




Friday, 17 April 2015

koottil bappu


തനിമയാര്‍ന്ന മാപ്പിള ഗാനങ്ങള്‍ക്ക്‌ ഈണം നല്‍കിയ
 മാപ്പിളപ്പാട്ടിന്റെ ഉറ്റതോഴന്‍ കൂട്ടില്‍ബാപ്പു
 
(
മാപ്പിളപ്പാട്ട്‌ ആലാപനം,രചന.സംഗീതം.എന്നീ മേഖലയിലെ നിറസാന്നിദ്ധ്യം)



"വിധിവന്നാല്‍ ഇവിടംവിട്ട്‌പോകേണ്ടോരല്ലേ.. "ഒരുകാലഘട്ടത്തില്‍ മാപ്പിളമനസ്സിനെ പിടിച്ച്‌കുലുക്കിയമാപ്പിളപ്പാട്ടിന്റെ രചനയും സംഗീതവും നല്‍കിയ ബാപ്പുകൂട്ടിലിന്‌ ജന്മമാടിന്റെ ആദരം.മാപ്പിളപ്പാട്ട്‌ ജീവിതമാര്‍ഗവും ജീവനുമാക്കി രണ്ടരപതിറ്റാണ്ട്‌കാലമായി മാപ്പിള പരിശീലനരംഗത്ത്‌ സജീവസാനന്നിദ്ധ്യമാണ്‌ കൂട്ടില്‍ബാപ്പു.
ചെറിയകുട്ടിയായിരിക്കുമ്പോള്‍ അയല്‍വീടുകളിലെയും കല്ല്യാണവീടുകളിലെയും ഗ്രാമഫോണ്‍മാപ്പിളപ്പാട്ടുകളിലും ഉമ്മപാടിനല്‍കിയ സബീനപ്പാട്ടുകളും പ്രചോദനമായി മാപ്പിളപ്പാട്ട്‌ രംഗത്തെത്തിയ ബാപ്പു സ്‌കൂള്‍തലത്തിലത്തില്‍ മൂന്ന്‌തവണ മാപ്പിളപ്പാട്ടില്‍ ഒന്നാംസ്ഥാനം നേടി.തുടര്‍ന്ന്‌ പെരിന്തല്‍മണ്ണ പി.ടി.എം കോളേജ്‌ പെരിന്തല്‍മണ്ണ.മണ്ണാര്‍ക്കാട്‌ കല്ലടികോളേജ്‌ എന്നിവിടങ്ങളിലെ പഠനകാലത്തും ഏറെ ശ്രദ്ധിക്കപ്പെട്ടു.മങ്കട ഗവ ഹൈസ്‌കൂളില്‍ എട്ടാംക്ലാസില്‍ പഠിക്കുമ്പോള്‍ ഒഴിവുള്ള പിരീഡുകളില്‍ ക്ലാസിലെത്തുന്ന സംസ്‌കൃതടീച്ചര്‍ ഇന്ദിരടീച്ചറാണ്‌ ബാപ്പുവിന്റെ അഭിരുചികള്‍ മനസ്സിലാക്കിയത്‌.സബ്‌ജില്ലാ ജില്ലാ കലോല്‍സവങ്ങളില്‍ വേണ്ടത്രപിന്തുണയോമല്‍സരാര്‍ത്ഥികളോ ഇല്ലാത്തതിനാല്‍ ബാപ്പുവിന്‌ മല്‍സരിക്കാന്‍ കഴിഞ്ഞില്ല..പി.പി പ്രൊജക്ടിന്‌ വേണ്ടി പലവേദികളില്‍ ഗാനം ആലപ്പിച്ച ബാപ്പു 1990 മുതല്‍ ആകാശവാണികോഴിക്കോട്‌ നിലയത്തില്‍ ഗാനങ്ങള്‍ആലപിച്ച്‌ വരികയാണ്‌.മാപ്പിള കവിമാരായ മോയിന്‍കുട്ടിവൈദ്യര്‍. പുലിക്കോട്ടില്‍ഹൈദ്രു .മുണ്ടമ്പ്രഉണ്ണിമമ്മദ്‌. പൊന്നാനി മാളിക്കേലകത്ത്‌ കുഞ്ഞിഅഹമ്മദ്‌സാഹിബ്‌ എന്നിവരുടെ ഗാനങ്ങള്‍ക്ക്‌ തനിമയാര്‍ന്ന ഇശല്‍ഈണങ്ങള്‍നല്‍കി വേദികള്‍ ധന്യമാക്കിയ ഇദ്ദേഹം ഒ.എം കരുവാരക്കുണ്ടിന്റെ തംഹീദ്‌.സ്‌നേഹമായ്‌.അജബേറുംകിളി .ജനശക്തി.മവാഹിബുല്‍ജലിയ.നീയാണെന്‍മുംതാസ്‌. എന്നീ ആല്‍ബങ്ങളില്‍ ഒ.എം കരുവാരക്കുണ്ടുമായി ചേര്‍ന്ന്‌ പ്രവര്‍ത്തിച്ചബാപ്പുവിനെ തേടി വാണിമേല്‍ മാപ്പിളകലാസാഹിത്യവേദിയുടെയും,മോറിക്കര മാപ്പിളകലാകോച്ചിംഗ്‌സെന്റെറിന്റെയും കോഴിക്കോട്‌ മാപ്പിളസോങ്ങ്‌ലവേഴ്‌സിന്റെയും തൃശൂര്‍ ഇന്‍സ്‌റ്റിറ്റിയൂട്ട്‌ ഓഫ്‌ മാപ്പിള സ്റ്റഡീസ്‌.എന്നിവരുടെ അവാര്‍ഡുകളും മോയിന്‍ക്കുട്ടി വൈദ്യര്‍സ്‌മാരക മാപ്പിള ക്വിസ്‌ മല്‍സരത്തിനും സമ്മാനവും ലഭിച്ചു.ആലാപനമല്‍സരത്തിലും എട്ടോളം അവാര്‍ഡ്‌ലഭിച്ച ഇദ്ദേഹം മലപ്പുറം ഗസല്‍ മാപ്പിള കലാപഠനകേന്ദ്രത്തിലെ അധ്യാപകനാണ്‌.കഴിഞ്ഞ 20 വര്‍ഷത്തോളമായി സംസ്ഥാന സ്‌കൂള്‍കലോല്‍സവങ്ങളില്‍ ഒന്നാംസ്ഥാനക്കാരായവരില്‍ ഭൂരിപക്ഷംപേരും ബാപ്പുവിന്റെ ശിഷ്യരാണ്‌.പട്ടുറുമാല്‍.പതിനാലാംരാവ്‌.മൈലാഞ്ചിരാവ്‌ .കുപ്പിവള.തുടങ്ങിയ റിയാലിറ്റിഷോകളിലെ ജേതാക്കളായ അഷിതാഅഷ്‌റഫ്‌. സൈറാസലിം .കെ.കെ സജ്‌ന. ഷഹാനകണ്ണൂര്‍. ഫസ്‌ന. ഹന്നായാസിര്‍ . ആഘര്‍ഷവിശ്വനാഥ്‌. ഹനീനറഹ്മാന്‍. റഷാഅന്‍സല. നാജിയ. ഫാത്തിമശഹബാന്‍.എന്‍ ആര്‍ റിഷാം. അഖിലാകൃഷ്‌ണന്‍. മുഹമ്മദ്‌സിയാദ്‌. മുഹ്‌സിന്‍.ഷാരോണ്‍.ഗൗതം.മാഷാല്‍.ആസാദ്‌.ഫയാസ്‌ ഉമര്‍എന്നിവരും ശിഷ്യഗണത്തില്‍പെടുന്നു.കാലക്കറ്റ്‌ യൂനിവേഴ്‌സിറ്റി ഇന്റര്‍സോണ്‍ കലോല്‍സവങ്ങളില്‍ കഴിഞ്ഞ 13 വര്‍ഷമായിഒന്നും രണ്ടും സ്ഥാനംനേടുന്നവര്‍ ബാപ്പുവിന്റെ ശിഷ്യരാണ്‌ ഇരിങ്ങാലക്കുട ക്രൈസ്റ്റ്‌കോളേജ്‌.അന്‍സാര്‍ കോളേജ്‌ പെരുമ്പിലാവ്‌.കേരളവര്‍മ്മ തൃശൂര്‍,സെന്റ്‌തോമസ്‌ തൃശൂര്‍.അസ്‌മാബികോളേജ്‌ തൃശൂര്‍.എസ്‌ എന്‍ കോളേജ്‌ നാട്ടിക.ഫാറൂഖ്‌കോളേജ്‌ കോഴിക്കോട്‌. എസ്‌.എന്‍.ഡി.പി കോളേജ്‌ കൊയിലാണ്ടി തുടങ്ങിയ സ്ഥാപനങ്ങളിലും ട്രൈനിങ്ങ്‌ നല്‍കിവരികയാണ്‌ ബാപ്പുകൂട്ടില്‍.പ്രതികൂല ജീവിതസാഹചര്യങ്ങളാല്‍ പലനല്ല അവസരങ്ങളും പൊതുവേദികളും ബാപ്പുവിന്‌ നഷ്ട്‌ടമായിട്ടുണ്ട്‌.എങ്കിലും 2009 ല്‍ മാപ്പിളപ്പാട്ടുരംഗത്തെ പ്രവര്‍ത്തനത്തിന്‌ കൂട്ടില്‍വെച്ച്‌ പൗരസമിതി ആദരിച്ചു കൂടാതെ സൊളിഡാരിറ്റി തൃശൂരില്‍വെച്ചും ആദരിച്ചിട്ടുണ്ട്‌.. കൂട്ടില്‍ എ.എം.യു.പി സ്‌കൂളിന്റെ നവതിയാഘോഷവുമായി ബന്ധപ്പെട്ട വാര്‍ഷികത്തില്‍ ജന്മനാട്‌ ബാപ്പുവിനെ ആദരിച്ചു.പരേതനായ തുറക്കല്‍ കുഞ്ഞിഅഹമ്മദാണ്‌ പിതാവ്‌ മാതാവ്‌.പാത്തുമ്മുണ്ണി.ഭാര്യ റസിയയും,മുനവ്വര്‍.മുവസ്സിറമുസ്‌ബിറ എന്നിവര്‍ മക്കളുമാണ്‌.
വിദ്യാഭ്യാസം
എ എം യു പി സ്‌കൂള്‍ കൂട്ടില്‍
മങ്കട ഗവ ഹൈസ്‌കൂള്‍
പിടിഎം കോളേജ്‌ പെരിന്തല്‍മണ്ണ , കല്ലടികോളേജ്‌ മണ്ണാര്‍ക്കാട്‌
തൃശൂര്‍ വാടാനപള്ളി ഓര്‍ഫനേജിലെ അധ്യാപകന്‍
  ലഭിച്ച അംഗീകാരങ്ങള്‍ സമ്മാനങ്ങള്‍  
 
മാപ്പിളപ്പാട്ട്‌ രചനാമല്‍സരം (ആള്‍കേരള)മാപ്പിളകലാ കോച്ചിംഗ്‌ സെന്റെര്‍ മോറിക്കര (1995)മാപ്പിള സോംഗ്‌ ലവേഴ്‌സ്‌ അസോസിയേഷന്‍ കോഴിക്കോട്‌ (2002)ഇന്‍സ്റ്റിറ്റ്യൂട്ട് ഓഫ്‌ മാപ്പിള സ്റ്റഡീസ്‌ തൃശൂര്‍ (2002)മാപ്പിള ക്വിസ്‌ മല്‍സരം (മോയിന്‍കുട്ടി വൈദ്യര്‍ സ്‌മാരകം കൊണ്ടോട്ടി)ആലാപന മല്‍സരം
മാപ്പിള കലാ കോച്ചിംഗ്‌ സെന്റര്‍ മോറിക്കര (1995)സുന്നി മലപ്പുറം റേഞ്ച്‌സ്‌ പാണായി
ചെമ്മാപ്പിള്ളി ഇര്‍ശാദിയ തൃശൂര്‍(1997)പ്രതിഭാ ഫെസ്റ്റ്‌ 98 റാഫി രാമനാട്ടുകര അനുസ്‌മരണ മാപ്പിളപ്പാട്ടു മല്‍സരം
മാപ്പിള സോംഗ്‌ ലവേഴ്‌സ്‌ അസോസിയേഷന്‍ കോഴിക്കോട്‌ (ഗാനമേള) രണ്ടാം സ്ഥാനം
ഉബൈദ്‌ സ്‌മാരക മാപ്പിളപ്പാട്ട്‌ മല്‍സരം കോഴിക്കോട്‌
2004
മെയ്‌ 30 ന്‌ മര്‍ഹൂം ടി.പി.ആലിക്കുട്ടി ഗുരുക്കള്‍ സ്‌മാരക അഖില കേരളമാപ്പിളപ്പാട്ടുമല്‍സരം