flash news

മങ്കടയുടെ ചരിത്രവും വര്‍ത്തമാനവുമായി ബന്ധപ്പെട്ട വിവരങ്ങള്‍ ചിത്രങ്ങള്‍ mankadablog@gmail.com ലേക്ക് അയക്കുകമങ്കടയെ സംബന്ധിച്ചുള്ള ചരിത്രം,വ്യക്തികള്‍,സംഭവങ്ങള്‍ എന്നിവ പൂര്‍ണ്ണമല്ല...അയച്ചുതരികDAILY UPDATE....DAILY VISIT...COMMENT ..

TODAYS SPECIAL

പുതിയ വാര്‍ത്തകള്‍ വളരെ വേഗത്തില്‍ നിങ്ങളുടെ മുന്നില്‍....

Sunday, 10 November 2013

മങ്കട പൊതുജന വായനശാല പുതിയ കെട്ടിടത്തിന്റെ ഉദ്ഘാടനം


മങ്കട പൊതുജന വായനശാല പുതിയ കെട്ടിടത്തിന്റെ ഉദ്ഘാടനം


മങ്കട പൊതുജന വായനശാലയുടെ പുതിയ കെട്ടിടത്തിന്റെ ഉദ്ഘാടനം മങ്കട എം.എല്‍.എ ശ്രീ.ടി.എ.അഹമ്മദ് കബീര്‍ നിര്‍വ്വഹിച്ചു.വായനശാല പ്രസിഡന്റ് സി.അരവിന്ദന്‍ അധ്യക്ഷതവഹിച്ചു.
അഹമ്മദലി മാസ്റ്റര്‍ അനുസ്മരണം ശ്രീ.വി.എം.കൊച്ചുണ്ണി മാസ്റ്റര്‍ നിര്‍വ്വഹിച്ചു.ലൈബ്രേറിയന്‍ വി.എം ശ്രീധരപണിക്കരെ ശ്രീ.രാമചന്ദ്രന്‍ മാസ്റ്റര്‍ ആദരിച്ചു.പ്രശസ്ത നാടക-സിനിമാ നടി നിലമ്പൂര്‍ ആയിഷ മുഖ്യാതിഥിയായിരുന്നു.ഡോ.എന്‍.രാജന്‍ മുഖ്യപ്രഭാഷണം നടത്തി.പഞ്ചായത്ത് പ്രസിഡന്റ് ടി.എ കരീം ,ടി.ഗീത,സമദ് മങ്കട ,ഡോ.സിജിന്‍,ബഷീര്‍ ചുങ്കത്തറ (പു.ക.സ ജില്ലാ സെക്രട്ടറി)ഡോ.സാദിഖലി എന്നിവര്‍ സംസാരിച്ചു.ടി.ടി കുഞ്ഞിക്കോയ സ്വാഗതവും അഡ്വ.സുകൃതരജീഷ് നന്ദിയും പറഞ്ഞു.മങ്കട തംബുരു സംഗീത വിദ്യാലയം കരോക്കെ ഗാനമേളയുംകനല്‍ തിരുവാലി നാടന്‍പാട്ടുകള്‍ അവതരിപ്പിച്ചു.രാവിലെ നടത്തിയ ചിത്രരചനാമത്സരത്തിലും ക്വിസ്സ് മത്സരത്തിലും വിജയിച്ചവര്‍ക്ക് സമ്മാനങ്ങള്‍ വിതരണം ചെയ്തു.

Wednesday, 6 November 2013

മങ്കട വായനശാല വായനക്കാരുടെ  പ്രതികരണങ്ങള്‍


 ബിവിന്‍.ടി

പുരോഗമനേച്ഛുക്കളായ ഒരു കൂട്ടം സാമൂഹ്യപ്രവർത്തകരുടെ സ്വപ്ന സാഫല്യമാണ് മങ്കട പൊതുജന വായനശ്ശാല. ആളും അർഥവും ഇല്ലാതെ ക്ഷയോന്മുഖമായിരുന്ന വായനശ്ശാലയ്ക്ക് ഒരു പുതിയ മുഖം നൽകാനുള്ള ശ്രമത്തെ അംഗീകരിക്കുന്നു. പുതിയ പശ്ചാത്തല സൗകര്യങ്ങളൊരുക്കുവാൻ ഭാരവാഹികൾ നടത്തിയ ഭഗീരഥ പ്രയത്നം സാമൂഹ്യപ്രവർത്തകർക്ക് മാതൃക തന്നെയാണ്. എന്നാൽ, ഒരു ഗ്രാമത്തിന്റെ സാംസ്കാരിക കേന്ദ്രമാവേണ്ട വായനശ്ശാലയുടെ ഉദ്ദേശലക്ഷ്യങ്ങൾ പരിപൂർണ്ണമായി സാധൂകരിക്കുന്നതിനുതകുന്ന വിധത്തിൽ വായനശ്ശാലയുടെ പ്രവർത്തനത്തെ പുന:ക്രമീകരിക്കേണ്ടതാണെന്നാണ് എന്റെ അഭിപ്രായം. കേവലം പത്രവായനക്കൊരിടം എന്നത്തിനപ്പുറം ഒരു വിജ്ഞാന ഉറവിടമായി ഈ സ്ഥാപനം മാറേണ്ടതുണ്ട്. ആധുനികവത്കരണം ഒഴിച്ചു കൂടാനാവാത്തതാണ്. കമ്പ്യൂട്ടറിന്റെ സഹായത്തോടെ പുസ്തകങ്ങളുടെ ക്രോഡീകരണവും തിരയലും എളുപ്പമാക്കെണ്ടതുണ്ട്. ഒരു പരിശീലനം കിട്ടിയ ലൈബ്രേറിയന്റെ സേവനം നിശ്ചയമായും ഉണ്ടാവണം. പ്രതിവാര/പ്രതിമാസ ചർച്ചകളും പി.എസ്.സി. പരീക്ഷാ പരിശീലനവും ആരോഗ്യ ബോധവത്കരണവും ഒക്കെക്കൊണ്ട്‌ സമ്പന്നമാവണം വായനശ്ശാലയുടെ അകത്തളം.
ഇതൊക്കെ സാധ്യമാവണമെങ്കിൽ ജന പങ്കാളിത്തം വേണം. സാധാരണക്കാരന് ഈ സ്ഥാപനം തന്റെയെന്നു ബോധ്യം വരണമെങ്കിൽ മത-രാഷ്ട്രീയ അതിർ വരമ്പുകൾക്കതീതമായി വായനശ്ശാലയുടെ വികസന പ്രവർത്തനങ്ങളിൽ പങ്കാളിയാവാൻ കഴിയണം. അതിനായി എല്ലാവരെയും ഉൾക്കൊള്ളുന്ന മട്ടിൽ വായനശ്ശാലയുടെ അംഗത്വവും ഭരണസമിതിയുടെ അംഗത്വവും ജനാധിപത്യവത്കരിക്കണം.
ഒരു വായനശ്ശാലാ അംഗം എന്ന നിലയിലുള്ള എന്റെ വീഴ്ചകൾ ഇതോടൊപ്പം ഏറ്റു പറയുന്നു. മുമ്പോട്ടുള്ള പ്രയാണത്തിൽ എന്നാലാവുന്ന സഹായം, കോടൻ ഭരണിയിൽ ഉപ്പുമാങ്ങയിടുമ്പോൾ പച്ചവെള്ളം സംഭാവന ചെയ്യുന്നത് പോലെ, ഉണ്ടാവുമെന്ന് ഉറപ്പു തരുന്നു.

Tuesday, 5 November 2013

മങ്കട പൊതുജനവായനശാല

മങ്കട പൊതുജനവായനശാലയിലെ പ്രവര്‍ത്തനങ്ങള്‍ കൂടുതല്‍ ജനകീയമാക്കുന്നതിനായി മങ്കട ഓണ്‍ലൈനിന്റെ നേതൃത്വത്തില്‍ വായനശാല ഭരണസമിതിക്കു നല്കിയ നിവേദനം.നിങ്ങളുടെ അഭിപ്രായങ്ങള്‍  അറീക്കുക.അവ പ്രസിദ്ധീകരിക്കുന്നതായിരിക്കും



പ്രസിഡന്റ്/സെക്രട്ടറി
പബ്ലിക്ക് ലൈബ്രറി മങ്കട.

മങ്കട പൊതുജനവായനശാല പുതിയകെട്ടിടത്തിലേക്ക്മാറുന്നതുമായി ബന്ധപ്പെട്ട ഉദ്ഘാടന ചടങ്ങിന്റെ നോട്ടീസ് കണ്ടു.അക്ഷരങ്ങളെ സ്നേഹിക്കുന്നവര്‍ക്കെല്ലാം സന്തോഷം തോന്നുന്നതാണിത്.ഭാരവാഹികള്‍ക്ക് അഭിനന്ദനങ്ങള്‍.

മങ്കട പൊതുജനവായനശാലയുടെ ചരിത്രവും ഇതിന്റെ സാരഥികളുംപ്രവര്‍ത്തനങ്ങള്‍ക്ക് വഴികാണിച്ചുകൊടുത്തവരുമായ ബഹുമാന്യരായ അഹമ്മദ്കുട്ടിമാസ്റ്റര്‍,രാധാകൃഷ്ണമേനോന്‍,അഹമ്മദലി മാസ്റ്റര്‍ തുടങ്ങിയവരെകുറിച്ചും നിലവില്‍ പ്രവര്‍ത്തിക്കുന്ന കൊച്ചുണ്ണി മാസ്റ്റര്‍,രാമചന്ദ്രന്‍ മാസ്റ്റര്‍,കമാല്‍ അഹമ്മദ്,ലൈബ്രേറിയനായ ശ്രീധരപണിക്കര്‍ എന്നിവരെ കുറിച്ചും മങ്കട ഓണ്‍ലൈനില്‍ (www.mankadaonline.blogspot)പ്രസിദ്ധീകരിച്ചിരുന്നത് കണ്ടിരിക്കുമല്ലോ?

മങ്കടയുടെ സാംസ്കാരികചരിത്രത്തില്‍ പ്രധാനനാഴിക കല്ലായിരുന്ന മങ്കട പൊതുജനവായനശാലയുടെ പ്രവര്‍ത്തനങ്ങള്‍ നിലച്ചുപോയ കാലഘട്ടത്തില്‍ മങ്കട പൗരസമിതി എന്ന സംഘടന(സംഘടന ഇപ്പോള്‍ നിലവിലില്ല,എന്നാല്‍ സംഘടനയിലെ അംഗങ്ങളായിരുന്ന വ്യക്തികള്‍ വായനശാല പ്രവര്‍ത്തക സമിതിയിലുണ്ട്.)മുന്‍കൈ എടുത്ത് അന്നത്തെ ഗ്രന്ഥശാല സംഘം ജില്ലാനേതൃത്വത്തിലുണ്ടായിരുന്ന ശ്രീ.അഹമ്മദലി മാസ്റ്റര്‍ക്ക് ഒരു നിവേദനം നല്‍കുകയും ആയതിന്റെ ഭാഗമായി ലൈബ്രറിയുടെ തുടര്‍പ്രവര്‍ത്തനങ്ങള്‍ക്കായി യുവതലമുറയെകൂടി ഉള്‍പ്പെടുത്തി കമ്മിറ്റി രൂപീകരിക്കാം എന്ന തീരുമാനത്തിലെത്തുകയും ചെയ്തു.അപ്രതീക്ഷിതമായിരുന്നു അഹമ്മദലി മാസ്റ്ററുടെ മരണം.ഗ്രന്ഥശാലസംഘത്തിനു പൊതുവെയും മങ്കട പൊതുജനവായനശാലക്ക് പ്രത്യകിച്ചും വലിയ നഷ്ടമായിരുന്നു അത്.

പിന്നീട് താല്കാലികമായി പ്രവര്‍ത്തനങ്ങള്‍ക്ക് നേതൃത്വംകൊടുത്തിരുന്ന ശ്രീ.രാമചന്ദ്രന്‍ മാസ്റ്റര്‍,ശ്രീ.കമാല്‍ അഹമ്മദ് എന്നിവരെ കാണുമ്പോഴൊക്കെ നമ്മുക്ക് വായനശാലയുടെ ഒരു കമ്മിറ്റി ഉടന്‍ വിളിച്ചുച്ചേര്‍ക്കണം എന്ന് പറയുമായിരുന്നു.നിയമാനുസരണം ഒരു ജനറല്‍ബോഡി(കടലാസ് ജനറല്‍ബോഡിയല്ല) വിളിച്ചുകൂട്ടുകയോ അംഗങ്ങളെ രേഖാമൂലം അറീക്കുകയോ ചെയ്യാതെ തല്‍പരകക്ഷികളെ മാത്രം ഉള്‍പ്പെടുത്തി ഒരു കമ്മിറ്റിരൂപം കൊണ്ടത് അത്ഭുതകരമായിരുന്നു.

മങ്കടയുടെ സാംസ്കാരികാഭിവൃദ്ധിയില്‍ മങ്കട പൊതുജനവായനശാലക്കുണ്ടായിരുന്ന സ്ഥാനം വളരെ ഉയര്‍ന്നതായിരുന്നു.ഈ സ്ഥാപനത്തിന്റെ രൂപീകരണ ചരിത്രം പരിശോധിച്ചാല്‍ ഇതിനായി പ്രയക്നിച്ചവരെല്ലാം ജാതി,മത,രാഷ്ട്രീയ താല്പര്യങ്ങള്‍ക്കപ്പുറം നിന്നവരായിരുന്നു എന്നു കാണാം.എന്നാല്‍ വായനശാലയുടെ അകത്തളങ്ങളില്‍പ്പോലും ഒരുതവണ കയറിവന്നിട്ടില്ലാവര്‍ ഇന്ന് നിലവിലുള്ള കമ്മിറ്റിയില്‍ എത്തിപ്പെട്ടത് എപ്രകാരമായിരുന്നു എന്നത് വിചിത്രമാണ്.

അക്ഷരത്തെസ്നേഹിക്കുന്നവര്‍,താലോലിക്കുന്നവര്‍,ആശയപ്രകടനത്തിനായി ഉപയോഗിക്കുന്നവര്‍,നിത്യേന വായനശാലയെ ഉപയോഗപ്പെടുത്തുന്നവര്‍,അധ്യാപകര്‍,വിദ്യാര്‍ത്ഥികള്‍ തുടങ്ങി നിരവധിയാളുകള്‍ ഈ മഹദ്സ്ഥാപനത്തിന്റെ നന്മക്കായി പുറത്തുനില്‍ക്കുമ്പോള്‍,അവരെകൂടി ഉള്‍പ്പെടുത്തി ജനകീയമായി ,ജനാധിപത്യമാര്‍ഗ്ഗങ്ങളിലൂടെ ഒരു കൂട്ടായ്മ ഉണ്ടാക്കുന്നതല്ലേ അഭികാമ്യം.മങ്കടയുടെ ഒരു സാംസ്കാരിക നിലയത്തിന് പുതിയകെട്ടിടം പണിതുടങ്ങുന്നത് അതിലെ ബഹുഭൂരിപക്ഷം അംഗങ്ങളും അറിഞ്ഞില്ല എന്നത് തികച്ചും ഖേദകരം തന്നെ.

നിലവിലുള്ള നേതൃത്വം തന്നെ തുടരട്ടെ.പക്ഷേ ഒരു ജനറല്‍ബോഡി വിളിച്ചുചേര്‍ത്ത് ലൈബ്രറിയുടെ വികസനപ്രവര്‍ത്തനങ്ങള്‍ ചര്‍ച്ച ചെയ്യാനും വളര്‍ച്ചക്കാവശ്യമായ അഭിപ്രായങ്ങള്‍ സ്വരൂപിക്കാനും കൂടുതല്‍ അംഗങ്ങളെ ഉള്‍ക്കൊള്ളാനും അതിലൂടെ ഒരുനാടിന്റെ സാംസ്കാരിക പ്രവര്‍ത്തനങ്ങള്‍ക്ക് ചുക്കാന്‍ പിടിക്കാനും വായനശാലയുടെ പഴയ പ്രൗഡി വീണ്ടെടുക്കാനും നിലവിലെ ഭരണസമിതി തയ്യാറാകണമെന്നും മങ്കട പൊതുജനവായനശാല രൂപംകൊണ്ട് എത്രയോ വര്‍ഷങ്ങള്‍ കഴിഞ്ഞ് രൂപം കൊണ്ട കടന്നമണ്ണ ഐ.എഫ്.എസ് വായനശാലയുടെ വളര്‍ച്ച മാതൃയാക്കി ,വിഭാഗിയമായി ചിന്തിക്കാതെ ഒരു നാടിന്റെ കൂട്ടായ്മക്ക് വേദിയാക്കാന്‍ മങ്കട പൊതുജനവായനശാലയെ പ്രാപ്തമാക്കണമെന്നും മങ്കടയുടെ ചരിത്രവും വര്‍ത്തമാനും ചര്‍ച്ചചെയ്യുന്ന മങ്കട ഓണ്‍ലൈന്‍ അഭ്യര്‍ത്ഥിക്കുന്നു.

മങ്കട ഓണ്‍ലൈനിനുവേണ്ടി

മുഹമ്മദ് ഇഖ്ബാല്‍.പി                                                   
(ബ്ലോഗര്‍)
പറച്ചിക്കോട്ടില്‍ ഹൗസ്
മങ്കട പി.ഒ
ഫോണ്‍:9447354397
06/11/2013
മങ്കട
പകര്‍പ്പ്:മങ്കട ഓണ്‍ലൈന്‍ പ്രസിദ്ധീകരണത്തിന്
ഫെയ്സ്ബുക്ക് പ്രസിദ്ധീകരണത്തിന്
എക്സിക്യൂട്ടീവ് അംഗങ്ങള്‍ക്ക്

Monday, 4 November 2013

മങ്കട പൊതുജനവായനശാല പുതിയ കെട്ടിടത്തിലേക്ക്

മങ്കട പൊതുജനവായനശാല പുതിയ കെട്ടിടത്തിലേക്ക്

ഉദ്ഘാടനം :നവംബര്‍ 9 ശനിയാഴ്ച 4pm
മങ്കട ഗവ:ഹൈസ്ക്കൂള്‍ ഓഡിറ്റോറിയം


മങ്കട വായനശാലയുമായി ബന്ധപ്പെട്ട് ബ്ലോഗ് പ്രസിദ്ധീകരിച്ച പോസ്റ്റുകള്‍



മങ്കടയുടെ വിദ്യാഭ്യാസ-സാമൂഹ്യ- സാംസ്കാരിക രംഗത്ത് നിറഞ്ഞുനില്‍ക്കുന്ന ഒരു സ്ഥാപനമാണ് മങ്കട പൊതുജന വായനശാല.1930കളിലാരംഭിച്ച കൃഷ്ണവര്‍മ്മരാജ ഷഷ്ട്യബ്ദപൂര്‍ത്തി വായനശാലയും പിന്നീട്1940കളുടെ അവസാനത്തില്‍ പത്തോളം
വരുന്ന സുമനസ്സുകളുടെ ശ്രമഫലമായി രൂപം കൊണ്ട ഈ സ്ഥാപനം ഇന്ന് ജില്ലയിലെ തന്നെ ഏറ്റവും വലിയ ലൈബ്രറികളിലൊന്നാണ്.മങ്കട ഹൈസ്ക്കൂള്‍,ആശുപത്രി എന്നിവയ്ക് തന്റെ അമ്മയായ കിഴക്കേപ്പാട്ടു ശ്രീദേവിഅമ്മയുടെ പേരില്‍ സ്ഥലം തന്ന ശ്രീ.കെ.രാധാകൃഷ്ണമേനോന്‍ സാമൂഹ്യസേവനരംഗത്ത് നല്കിയ സംഭാവനകള്‍ വിലമതിക്കാനാവത്തതാണ്.എം.സി രാമനാഥവര്‍മ്മ രാജ,കെ.വേലായുധന്‍ നായര്‍.പി അഹമ്മദുകുട്ടി മാസ്റ്റര്‍,എം.എസ് നാരായണയ്യര്‍,എം.ശങ്കരന്‍ നമ്പൂതിരി തുടങ്ങി പിന്നീട് വായനശാലയെ നെഞ്ചിലേറ്റിയ അഹമ്മദലി മാസ്റ്റര്‍,ഗ്രന്ഥശാലസംഘം ജില്ലാസെക്രട്ടറിയായി വായനശാലക്ക് വളരെ ഗുണകരമായി പ്രവര്‍ത്തിച്ചതും സ്മരിക്കേണ്ടതാണ്.വല്ല്യേട്ടന്‍ എന്നു വിളിക്കുന്ന ശ്രീധരപണിക്കര്‍ നീണ്ടകാലം ലൈബ്രേറിയനായി സേവനമനുഷ്ടിക്കുന്നു.1982ലെ സംഗീത നാടക അക്കാദമി ജില്ലാ നാടകോത്സവത്തില്‍ നാടകരചനക്ക് ഒന്നാം സ്ഥാനം നേടിയ ശ്രീ.വി.എം.കൊച്ചുണ്ണി ഈ സാംസ്കാരിക സ്ഥാപനത്തിന്റെ സന്തതിയാണ്. വായനശാലയുടെ പഴയകെട്ടിടം പുതുക്കിപണിയുന്നതിനാല്‍ ഇപ്പോള്‍ താത്കാലിക കെട്ടിടത്തിലാണ് പ്രവര്‍ത്തിക്കുന്നത്.


അഹമ്മദലി മാസ്റ്റര്‍:



വളരെ മുമ്പുതന്നെ വിദ്യാഭ്യാസപരമായും സാംസ്കാരികപരമായും മുന്നോട്ടുപോയ ഒരു പ്രദേശമാണ് മങ്കട.മങ്കടയിലെ രാഷ്ട്രീയ സാംസ്കാരിക പ്രവര്‍ത്തനങ്ങള്‍ക്ക് നേതൃത്വം കൊടുത്ത കൃഷ്ണവര്‍മ്മരാജതൊട്ട് ശ്രീവല്ലഭരാജ,ഉണ്ണീന്‍മുസ്ല്യാര്‍,കോയാധികാരി,മരക്കാരുകുട്ടിഹാജി വരെയുള്ള മഹാന്‍മാരുടെ സേവനങ്ങള്‍ ജനങ്ങള്‍ മറന്നുപോയിരിക്കുന്നു.അടുത്തതലമുറയില്‍പെട്ട ഞങ്ങളെപോലെയുള്ളവര്‍
കുറെകാര്യങ്ങള്‍ നാടിനുവേണ്ടി ചെയ്തിട്ടുണ്ട്.ഇപ്പോഴത്തെ തലമുറക്കിത് പഴങ്കഥയായി തോന്നാം.
വായനശാല
മങ്കടയില്‍ വളരെ മുമ്പുതന്നെ കുറേ വായനശാലകള്‍ ഉണ്ടായി നശിച്ചിട്ടുണ്ട്.അതില്‍ സ്വന്തമായി കെട്ടിടമുണ്ടായിരുന്ന പഴയവായനശാല (ഇപ്പോഴത്തെ ആയൂര്‍വേദ ആശുപത്രി)പെടുന്നു.അത് എങ്ങിനെ പ്രവര്‍ത്തനരഹിതമായി എന്നറിയില്ല.ഞങ്ങള്‍ ഹയര്‍ എലിമെന്ററി സ്കൂളില്‍ പഠിക്കുന്ന സമയത്ത് അത് നല്ല നിലയില്‍ നടന്നിരുന്നു.കുറെ അലമാര,മേശ,ബഞ്ചുകള്‍ ഒക്കെ ഉണ്ടായിരുന്നു.കുറച്ചുകാലത്തിനു ശേഷം അത് പ്രവര്‍ത്തനരഹിതമായി.
പിന്നീടാണ് ആ കെട്ടിടം ആയൂര്‍വേദ ആശുപത്രിയായത്.
ധാരാളം സ്ഥാപനങ്ങള്‍ നശിച്ചുപോയതുകൊണ്ട് ഇത് നശിക്കരുതെന്ന് വാശിയുണ്ടായിരുന്നു.അതുകൊണ്ടു എന്തുത്യാഗം സഹിച്ചും സ്ഥാപനം നിലനിര്‍ത്താന്‍ ‍ഞങ്ങള്‍ ശപഥമെടുത്തു.മാസവരി ഒരുറുപികയായിരുന്നു.ഏതാണ്ട് ഒരുദിവസത്തെ വേതനം.1955മേയില്‍ തുടങ്ങിയെങ്കിലും ജൂലൈമാസത്തിലാണ് മുറിവാടകക്കെടുത്തതും പുസ്തകങ്ങള്‍ ശേഖരിച്ചതും പത്രം വരുത്താന്‍ തുടങ്ങിയതും.ആറ് മാസത്തോളം ആരെയും അംഗമാകാന്‍ കിട്ടിയില്ല.വരിസംഖ്യകൂടിയതും ഒരു കാരണമായിരുന്നു.അഹമ്മദുകുട്ടിമാസ്റ്ററുടെയും മറ്റും ഉപദേശപ്രകാരം പേര് പബ്ലിക്ക് റീഡിംഗ് റൂം ലൈബ്രറി എന്നാക്കി.വരിസംഖ്യ എട്ടണയാക്കി(അന്‍പതു പൈസ).കുറച്ചുപേരൊക്കെ ചേര്‍ന്നു.പിന്നീട് വരിസംഖ്യ നാലണയാക്കി.ഏതായാലും 1956ജനുവരിയില്‍ വാര്‍ഷികാഘോഷം നടത്തി.രാമപുരത്തുകാരന്‍ ശ്രി.
പി.കുഞ്ഞിരാമന്‍(നീലഗിരിയില്‍ ജോലി ചെയ്തിരുന്ന ശ്രി.പി.ആര്‍.എഴുത്തച്ഛന്‍)കുറേ പുസ്തകങ്ങള്‍ സംഭാവനചെയ്തു.പ്രവര്‍ത്തകരുടെ പുസ്തകങ്ങളൊക്കെ വായനശാലയിലെത്തി.ശ്രീ.ബി.കെ നായരുടെ (പി.ബാലകൃഷ്ണന്‍)വലിയ പുസ്തകശേഖരം വായനശാലക്കുതന്നു.സര്‍വ്വശ്രീ കാശിവിശ്വനാഥ വര്‍മ്മരാജ,രാമനാഥ വര്‍മ്മരാജയും സഹോദരന്‍മാരും,അഹമ്മദലി,രാധാകൃഷ്ണമേനോനും കുടുംബവും,ഇ.കൃഷ്ണന്‍,ടി.അബ്ദുല്‍ അസീസ്,കപൂര്‍ മുഹമ്മദ്,ഇ.കേശവന്‍,രാമചന്ദ്രന്‍,കൊച്ചുണ്ണി,കെ.പി.വര്‍ഗ്ഗീസ് തുടങ്ങിയവരൊക്കെ കൂടുതല്‍ പുസ്തകങ്ങള്‍ തന്നവരില്‍പെടുന്നു.

ശ്രീധരപണിക്കര്‍:


മങ്കട പൊതുജനവായനശാലയില്‍ ഒരിക്കല്ലെങ്കിലും പോയിട്ടുള്ളവര്‍ക്ക് പണിക്കരേട്ടനെ മറക്കാനാവില്ല.പലപ്പോഴും മൂര്‍ച്ചയേറിയ വാക്കുകള്‍ കൊണ്ടാവാം നിങ്ങളെ സ്വീകരിച്ചിട്ടുണ്ടാവുക ഈ പുസ്തകങ്ങളുടെ കാവല്‍ക്കാരന്‍.അദ്ദേഹത്തെ അടുത്തറിയുന്നവര്‍ക്ക് വല്ല്യേട്ടനാണ്.ഒരിക്കല്‍ അന്വേക്ഷിച്ചു ചെന്നപ്പോള്‍ അസുഖമായി കിടപ്പിലായിരുന്നു.അതുകൊണ്ടുതന്നെ കാത്തിരിക്കേണ്ടിവന്നു.അവസാനം ഇന്ന് ആളിനെ കണ്ടെത്തി.എന്നെ കണ്ടമാത്രയില്‍ ഞാന്‍ വായനശാലയില്‍ നിന്നെടുത്ത രണ്ടു പുസ്തകങ്ങള്‍ എവിടെയാണെന്ന ചോദ്യമാണ് നേരിടേണ്ടിവന്നത്.തൃപ്തികരമായ ഉത്തരം നല്കിയപ്പോള്‍ മാത്രമാണ് അദ്ദേഹത്തിന് സമാധാനമായത്.
ഇതാണ് ശ്രീധരപണിക്കരെന്ന വല്ല്യേട്ടന്‍.സംസാരിക്കാനുള്ള മൂഡിലാണെന്നു തോന്നിയപ്പോള്‍ കുടുംബം,ബാല്യം എന്നിവയെകുറിച്ച് പറഞ്ഞുതന്നു.


1931 ഒക്ടോബര്‍ 8ന് ശ്രി.ഗോവിന്ദനുണ്ണി നായരുടെയും ശ്രീമതി മാധവിക്കുട്ടിയമ്മയുടെയും മകനായി മങ്കടയില്‍ ജനിച്ചു.ഇപ്പോള്‍ 82 വയസ്സ്.നാലുമക്കളായിരുന്നു അദ്ദേഹത്തിന്റെ അമ്മയ്ക്കുണ്ടായിരുന്നത്.ബാല്യം ദുരിതപൂര്‍ണ്ണമായിരുന്നു.
അഞ്ച് വയസ്സുവരെ കിടപ്പിലായിരുന്നു.ആറാം വയസ്സിലാണ്പരസഹായത്തോടെ സ്കൂളില്‍ പോകാനാരംഭിച്ചത്.ആറാം ക്ലാസ് കഴിഞ്ഞതോടെയാണ് ഒറ്റക്ക് സ്കൂളില്‍ പോകാനായത്.1949 ല്‍ എലിമെന്ററി സ്കൂള്‍ സര്‍ട്ടിഫിക്കറ്റ് പാസ്സായി.മങ്കടകോവിലകത്ത് രണ്ട് കൊല്ലം ക്ലാര്‍ക്കായി ജോലി ചെയ്തു.പിന്നീട് മങ്കട കൈകുത്തറി കേന്ദ്രത്തില്‍ ജോലിചെയ്തു.സഹോദരന്‍ വി.എം കൊച്ചുണ്ണിമാഷ് മങ്കട വായനശാലയുടെ പ്രവര്‍ത്തകനായിരുന്നപ്പോള്‍ ലൈബ്രേറിയനായി.1968 ലായിരുന്നു വായനശാലയിലേക്ക് വരുന്നത്.അന്നുമുതല്‍ ഇന്നുവരെ പുസ്തകങ്ങളുടെ കാവല്‍കാരനായി വല്ല്യേട്ടനുണ്ട്.45 കൊല്ലം പുസ്തകങ്ങള്‍ക്ക് കാവലായ ഈ മനുഷ്യന് വാര്‍ദ്ധക്യത്തിലും ഏകാന്ത ജീവിതമാണ്.അവിവാഹിതനായതിനാല്‍ ഇപ്പോള്‍ സഹോദരിയോടൊപ്പമാണ് താമസിക്കുന്നത്.വായനശാലയില്‍ നിന്നുംകിട്ടുന്ന തുച്ചമായ വരുമാനമാണ് ആകെയുള്ള ജീവിതമാര്‍ഗ്ഗം.എങ്കിലും പുസ്തകങ്ങളെ പിരിയാനാവാത്തതിനാല്‍ ഇപ്പോഴും പുസ്തകങ്ങളുടെ കാവലാളായി വല്ല്യേട്ടന്‍ ഇവിടെയുണ്ട്.
 
വി.എം.കൊച്ചുണ്ണിമാസ്റ്റര്‍

കവി,കഥാകൃത്ത്,നാടകരചയിതാവ്,സംവിധായകന്‍,ഗായകന്‍ എന്നീനിലകളിലും നീണ്ടകാലം അധ്യാപന ജീവിതത്തിലും തിളക്കമാര്‍ന്ന വ്യക്തിത്വത്തിനുടമയായ വി.എം.കൊച്ചുണ്ണിമാഷിനെ കാണാനായി അദ്ദേഹം ഇപ്പോള്‍ താമസ്സിക്കുന്ന മഞ്ചേരി ചെരണിയിലുള്ള വീട്ടിലേക്ക് പോകണമെന്ന് കരുതിയിരുന്ന സമയത്താണ് മങ്കടയിലുള്ള തറവാട്ടുവീട്ടിലെത്തിയത്.ഇതേ സമയം സഹോദരനും സംഗീത സംവിധായകനുമായ ദാമോദരന്‍ മാഷെ കാണാനായി ഞാന്‍ അവിടെയെത്തിയ സന്ദര്‍ഭമായിരുന്നു അത് . തേടിയവള്ളി കാലില്‍ ചുറ്റിയ സന്തോഷത്തേടെയാണ് മാഷോട് കാര്യങ്ങള്‍ സംസാരിച്ചത്.എന്റെ സന്തോഷം നിങ്ങളുമായി പങ്കു വെയ്ക്കട്ടെ.1934ജനുവരി 16നാണ് മാഷിന്റെ ജനനം.അച്ഛന്‍ ശ്രീ.ഗോവിന്ദനുണ്ണി നായര്‍ ,അമ്മ ശ്രീമതി മാധവിക്കുട്ടിയമ്മ.മാഷിനിപ്പോള്‍ എണ്‍പത് വയസ്സായി.1953ല്‍ അണ്‍ട്രെയിന്‍ഡ് അധ്യാപകനായും പിന്നീട് sslc എഴുതിയെടുത്ത് യോഗ്യതയോടെയും അധ്യാപകസേവനത്തിലേക്ക് കടന്നുവന്നു.പുളിക്കല്‍പറമ്പ എ.എം.എല്‍.പി സ്കൂളിലായിരുന്നു സേവനം.36കൊല്ലം അധ്യാപകനായ കൊച്ചുണ്ണി മാസ്റ്റര്‍ 33കൊല്ലവും ഒന്നാംക്ലാസ്സിലെ അധ്യാപകനായിരുന്നു എന്നത് ഏറെ സവിശേഷതയുള്ള ഒന്നായിരുന്നു.65 വയസ്സുള്ള ശിഷ്യന്‍മാര്‍ തനിക്കുണ്ടെന്ന് മാഷു പറയുമ്പോള്‍ അദ്ദേഹത്തിന്റെ ശിഷ്യസമ്പത്ത് എത്രയായിരിക്കുമെന്ന് ഊഹിക്കാവുന്നതെയുള്ളൂ.1989ല്‍ അധ്യാപകസേവനത്തില്‍ നിന്നും വിരമിച്ചു.”കണിക്കൊന്ന”എന്നപ്പേരില്‍ കുട്ടികളുടെ കവിതാസമാഹാരവും "മരീചിക” എന്ന നാടകവും പ്രസിദ്ധീകരിച്ചിട്ടുണ്ട്.1982ല്‍ മരീചികക്ക് കേരളാസംഗീതനാടക അക്കാദമിയുടെ മികച്ച നാടക സംവിധാനത്തിനുള്ള അവാര്‍ഡ് ലഭിച്ചു.
എട്ട് പ്രധാനനാടകങ്ങള്‍ സംവിധാനം ചെയ്തിട്ടുണ്ട്.ബാലസാഹിത്യത്തില്‍ ഏറെ ശ്രദ്ധകൊടുക്കുന്ന മാഷ് ശാസ്ത്രസാഹിത്യ പരിഷത്തിന്റെ ജില്ലയിലെ പ്രധാന പ്രവര്‍ത്തകരില്‍ ഒരാളാണ്.1970 മുതല്‍ മെമ്പറായ മാഷ് രണ്ട് വര്‍ഷം പരിഷത്തിന്റെ ജില്ലാസെക്രട്ടറിയായിരുന്നു.ഈ എണ്‍പതാം വയസ്സിലും വിശ്രമമില്ലാതെ സാമൂഹ്യപ്രവര്‍ത്തനങ്ങള്‍ക്കായി ഓടിനടക്കുന്ന മാഷിന്റെ നേതൃത്വത്തിലാണ് പരിഷത്ത് മുണ്ടേരി ജലസംരക്ഷണജാഥ നയിച്ചത്.വിദ്യാരംഗം സ്കൂള്‍ കലാസാഹിത്യവേദിയിലും സജീവമായ ഇദ്ദേഹം ഇപ്പോഴും സ്കൂളുകളില്‍ കുട്ടികളുമായി സംവദിക്കുന്നു.നാടന്‍പാട്ടുകള്‍ ചൊല്ലുന്നതിലും മാഷ് മുന്നില്‍തന്നെയുണ്ട്.
മങ്കടയുടെ ചരിത്രവുമായി ബന്ധപ്പെട്ട ഒട്ടേറെ കാര്യങ്ങള്‍ പറയാനറിയുന്ന മാഷിന് കോയ അധികാരിയേയും ഉണ്ണീന്‍ മുസ്ല്യാരെയും കുറിച്ച് പറയാനേറെ.വളരെയേറെ വ്യക്തിബന്ധം സൂക്ഷിച്ചിരുന്ന ഒരാളായിരുന്നു കോയഅധികാരിയെന്നും നോമ്പിന് പത്തിരിയും തരികഞ്ഞിയും കൃത്ത്യമായി ഒരുതവണ തറവാട്ടു വീട്ടില്‍ എത്തിക്കാറുണ്ടായിരുന്നെന്നും അതുപോലെ ഉത്രാടത്തിനു പായസമുള്‍പ്പെടെയുള്ള വിഭവങ്ങള്‍ അമ്മ കോയഅധികാരിക്കു നല്‍കാറുണ്ടായിരുന്നതും മാഷ് ഓര്‍മ്മിച്ചെടുത്തു.ഉണ്ണീന്‍ മുസ്ല്യാര്‍ വളരെ സൗമ്യനും പതുക്കെ എല്ലാകാര്യങ്ങളും ചോദിച്ചു മനസ്സിലാക്കിയിരുന്നതായും മാഷ് പറഞ്ഞു.മങ്കടയിലുണ്ടായിരുന്ന ചന്തകുളം മാഷിന്റെ മുത്തശ്ശനായിരുന്ന വയങ്കരമുണ്ടേക്കോട് കടുങ്ങുണ്ണിപണിക്കരാണ് നിര്‍മ്മിച്ചത്.ഇത്തരത്തിലുള്ള ഏഴ് കുളങ്ങള്‍ മങ്കടയുടെ സമീപഗ്രാമങ്ങളിലും അദ്ദേഹം സ്ഥാപിച്ചതായി പറയുന്നു.
മങ്കട കോവിലകത്തിലെ താവഴികളെ കുറിച്ച് നല്ല ധാരണകളുള്ള മാഷില്‍നിന്നും വളരെയേറെ വിവരങ്ങള്‍ ശേഖരിക്കാനായി.മങ്കട വായനശാലയുടെ അമരക്കാരിലൊരാളായ കൊച്ചുണ്ണിമാഷ് ഇപ്പോള്‍ താമസ്സിക്കുന്നത് മഞ്ചേരിയിലെ ചെരണിയിലാണ്.രണ്ട് ആണ്‍കുട്ടികള്‍.അനിലും സുനിലും.വിശ്രമജീവിതം വിശ്രമരഹിതമാക്കിയ വി.എം.കൊച്ചുണ്ണിമാഷിനോട് യാത്ര പറഞ്ഞിറങ്ങുമ്പോള്‍ എന്റെ പുറത്തുതട്ടി ആശിര്‍വദിച്ചപ്പോള്‍ മനസ്സിലുണ്ടായ സന്തോഷം പറഞ്ഞറിയിക്കാനാവില്ല.പഴയ തലമുറയിലെ ഒരു അധ്യാപകന്റെ അംഗീകാരമായിരുന്നു അത്.



Sunday, 20 October 2013

മങ്കടയിലെ സ്റ്റുഡന്റ് പോലീസ് കേഡറ്റിന്റെ പ്രവര്‍ത്തനങ്ങളുമായി ബന്ധപ്പെട്ട ഏതാനും ചിത്രങ്ങള്‍

മങ്കടയിലെ സ്റ്റുഡന്റ് പോലീസ് കേഡറ്റിന്റെ പ്രവര്‍ത്തനങ്ങളുമായി ബന്ധപ്പെട്ട ഏതാനും ചിത്രങ്ങള്‍





Saturday, 19 October 2013

മങ്കടയില്‍ നിന്നൊരു ചരിത്രാധ്യാപകന്‍


മങ്കടയില്‍ നിന്നൊരു ചരിത്രാധ്യാപകന്‍
ഡോ.ശിവദാസന്‍
കോഴിക്കോട് സര്‍വ്വകലാശാലയുടെ ചരിത്രവിഭാഗത്തിന്റെ പ്രവര്‍ത്തനങ്ങളില്‍ സജീവമായ ഒരധ്യാപകന്‍ മങ്കടക്കാരനാണെന്നതില്‍ അഭിമാനിക്കാം.മങ്കട തെങ്ങിന്‍തൊടിയില്‍ ഗോപിനാഥന്റെയുംരുഗ്മിണിയുടെയും മുന്ന് മക്കളില്‍ രണ്ടാമനായ ശിവദാസന്റെ കഴിവുകള്‍ മങ്കടക്കാര്‍ ആദ്യമറിഞ്ഞത് കാലിക്കറ്റ് യൂണിവേഴ് സിറ്റിയില്‍ നിന്നും ചരിത്രത്തില്‍ റാങ്ക് നേടിപ്പോഴാണ്.
1971 മെയ് 30ന് മങ്കടയില്‍ ജനനം.1986ല്‍ മങ്കട ജി.എച്ച്.എസില്‍ നിന്നും പത്താംക്ലാസ് പാസ്സായി.എന്‍.എസ്.എസ് മഞ്ചേരിയില്‍ നിന്ന് ഡിഗ്രിയും പി.ജിയും.ബി.എഡ് ഫാറൂഖ് ട്രെയിനിംഗ് കോളേജ്.
എസ്.എന്‍ കോളേജ് ചെമ്പഴഞ്ഞിയില്‍ നിന്നാണ് അധ്യാപക ജോലിയുടെ ആരംഭം.1995മുതല്‍ 2009വരെ വിവിധ എസ്.എന്‍ കോളേജുകളില്‍ സേവനമനുഷ്ഠിച്ചു.നിലവില്‍ കോഴിക്കോട് സര്‍വ്വകലാശാലയില്‍ ചരിത്ര വിഭാഗത്തില്‍ പ്രവര്‍ത്തിക്കുന്നു.
Late Nineteenth and Early Twentieth Century Social and Religious History, History of Modern Kerala എന്നമേഖലയില്‍ പ്രത്യേക പഠനം നടത്തുന്നു.ദക്ഷിണേന്ത്യന്‍ ചരിത്രകോണ്‍ഗ്രസ്സിന്റെ എക്സിക്യൂട്ടിവ് മെമ്പര്‍,കേരള സര്‍വ്വകലാശാല പി.ജി.ബോര്‍ഡ് ഓഫ് സ്റ്റഡീസ് അംഗം,KCHRലെ ലൈഫ് മെമ്പര്‍,ഇന്ത്യന്‍ ചരിത്രകോണ്‍ഗ്രസ്സിലെ അംഗം എന്നീ നിലകളില്‍ പ്രവര്‍ത്തിക്കുന്നു.

കോഴിക്കോട് സര്‍വ്വകലാശാലയുടെ പി.എച്ച്.ഡി,എംഫില്‍ വിഭാഗത്തില്‍ റിസര്‍ച്ച് ഗൈഡായി പ്രവര്‍ത്തിക്കുന്ന ശ്രീ.ശിവദാസിന്റെ വളരെയധികം ചരിത്രപുസ്തകങ്ങള്‍ പ്രസിദ്ധീകരിക്കുകയും ആനുകാലികങ്ങളില്‍ സജീവസാനിദ്ധ്യവുമാണ്.

(With Dr. B. Sobhanan and Prof. S. Raimon as co-editors,) Kerala Kranti, in Malayalam published by Rajiv Gandhi National Institute for Youth and Development (RGNIYD), Sriperumbadur, Chennai, 2008 (English and Hindi versions are forthcoming soon).

Kerala Charithram Sambhavangaliloode, in Malayalam, Chintha Publishers, Thiruvananthapuram, 2007.

Loka Charithram Sambhavangaliloode, (Onnam Bhagam) in Malayalam, Chintha Publishers, Thiruvananthapuram, 2008.

Prepared a hand book on the freedom movement in South India for Rajiv Gandhi National Institute for Youth and Development (RGNIYD), Sriperumbadur titled Dakshin Kranti,.

(With Dr. V. Rajendran Nair) Loka Charithram Sambhavangaliloode,(Randam Bhagam) in Malayalam, Chintha Publishers, Thiruvananthapuram, October 2009 .

Articles

The Hindu Sabha of Cochin and Nationalism in Kerala’ in Journal of Kerala Studies, (pp. 125-134), Vol. XXX, Mar-Sept 2003.
‘Col. H.S. Olcott and Kerala’ in Journal of Kerala Studies, (pp. 169-180), Vol. XXX I, Mar-Dec 2004.

‘Indianisation of an Empire Force: The Scout Movement and the Freedom Struggle in India’ in Indian Historical Studies, (pp. 81-87), Vol. II, No. I, Oct 2005.

‘Our Aryan Fore Fathers’ Society and the Work of Col. H.S. Olcott in
Tirunelveli’ in the South Indian History Congress Silver Jubilee 25th Annual Session, Madurai, Proceedings, (pp. 225-229), (20-22 January 2005).

‘Nationalism and Hindu Revivalism: A Study of the Work of Col. H.S. Olcott in Kerala’ KCHR, Paper Submitted, 2006.
‘A Pledge for Social Change: The Stalwarts and the Freedom Movement in South India’, Indian Historical Studies, Vol. III, No. 1, October 2006, (pp. 94-102).

‘Political Consciousness and the Teachers in Kerala: A Study of the Travancore Teachers’ Association’ in the South Indian History Congress Proceedings, 26th Session, Bangalore (3-5 March 2006).
‘The Dawn of Marxism and the Politicisation of the Masses in Kerala, 1912-1920: An Enquiry’ in Journal of Kerala Studies, Vol. XXXI, Mar-Dec 2006, (pp. 142-151).

‘The Swadeshi Movement and Nationalism in Kerala, 1905-1910: An Enquiry’, Historia, (pp. 86-90), Vol.I, Number: I,(November 2007).

‘The Collapse of Koot Hoomi and the Origin of the Indian National Congress’, South Indian Congress Proceedings, XXVIIth Session, held at Raju’s College Rajapalayam, Tamilnadu, 2007.

‘H.S.Olcott and Kerala: An Enquiry’, Anantha Souvenir-2008, Quasqui Centennial 1883-2008, pp. 63-67, July, 2008.

‘The Swadeshi Movement and Mass Nationalism in Kerala, 1905-1910: An Enquiry’ South Indian Congress Proceedings, XXVIIIth Session, held at Sri Krishnadevaraya University, Anatapur, Andhrapradesh (19-21 January 2008).

‘The Theosophical Society and the First World war, 1914-1918’ in South Indian History Congress Proceedings, XXIX Session, held at the Manonmaniam Sundaranar University, Tirunelveli(January 29th to 1st February 2009).
‘Manjeri Sammelanathinu Thonnooru Vayassu’ in Deshabhimani daily news paper on 28th April 2010.


Research Projects

UGC minor research project in humanities to study ‘combating communalism and casteism: misrabhojanam (inter-dining) and the secular public space in modern keralam, 1900-1947’

UGC post doctoral research award (2009)to study ‘Indian nationalism and the theosophical lodges: a study of the Kerala experience, 1879-1947’

Awards / Honours

Associate in the Indian Institute of Advanced Studies (IIAS), Shimla for 2009-2011.

UGC Research Award for Post Doctoral Research 2009-2011.

Tuesday, 8 October 2013

ഞാറക്കാട് കോളനിയില്‍ വികസനം


ഞാറക്കാട് കോളനിയില്‍ ഒരുകോടി രൂപയുടെ വികസന പദ്ധതിയുടെ  പ്രവര്‍ത്തനോദ്ഘാടനം

Sunday, 6 October 2013

മങ്കട ചരിത്രത്തിലൂടെ


മങ്കട ചരിത്രത്തിലൂടെ

പ്രൊഫസര്‍ മങ്കട അബ്ദുല്‍ അസീസ് മൗലവി
(Digitalised:iqbal mankada)

മങ്കടയുടെ രേഖപ്പെടുത്തിട്ടുള്ള പ്രാചീന ചരിത്രം അന്വേഷിച്ചുള്ള യാത്രയില്‍ ഞാന്‍ എത്തിയ വ്യക്തികളില്‍ രണ്ടുപേരാണ് പ്രൊഫസര്‍ മങ്കട അബ്ദുല്‍ അസീസ് മൗലവിയും ഹാജി മുഹമ്മദ് കപ്പൂരും.മങ്കടയുടെ ചരിത്രം മറ്റൊരു വ്യക്തിയും ഇത്രയുംസമഗ്രമായി രേഖപ്പെടുത്തീട്ടില്ല. ഇതൊരു അമൂല്യനിധിയാണ്.രണ്ടുപേരും ഇന്ന് ജീവിച്ചിരിപ്പില്ല.അടുത്ത തലമുറക്കായി അവര്‍ നീക്കിവെച്ച ഈ നിധിയുടെ മൂല്യം വിലമതിക്കാനാവാത്തതാണ്.ഒരു തലമുറക്കുവേണ്ടി മങ്കട ഓണ്‍ലൈന്‍ ഇവര്‍ക്കുള്ള പ്രണാമം അര്‍പ്പിക്കുന്നു.

മങ്കട-അതിന് ചരിത്രമുണ്ടോ?പ്രാചീനതയില്‍ അധിഷ്ഠിതമായ ചരിത്രം.
അസീസ് മൗലവിയുടെ ലേഖനം ആരംഭിക്കുന്നതിങ്ങനെയാണ്.ചരിത്രം എന്നത് നിലനില്പിന്റെ തെളിവായതിനാല്‍ മങ്കടയ്കും ഒരു ചരിത്രമുണ്ടാവും എന്നത് സത്യമാണ്.ആ ചരിത്രം ലഭ്യമാക്കാനുള്ള ശ്രമത്തിലാണ് മങ്കട ഓണ്‍ലൈന്‍. തുടര്‍ന്ന് വായിക്കുക. ചരിത്രത്തിലേക്കുള്ള വാതായനം നമ്മുക്ക് കൂട്ടായി തുറക്കാം.
കേരളത്തിന്റെ ചരിത്രഗതിയില്‍ മാറ്റംവരുത്തിയ പലസംഭവങ്ങളും നടന്നിട്ടുണ്ട്.അവയിലെല്ലാം വള്ളുവകോനാതിരിയുടെ പങ്ക് പ്രമുഖമായതായിരുന്നു.ഈ സ്വരൂപം പലപേരുകളിലും അറിയപ്പെടുന്നു. വള്ളാട്ടിരി,അറങ്ങോട്ടിരി എന്നിവ അവയില്‍പ്പെടുന്നു.



കൊങ്ങന്‍പ്പടയുടെ ആക്രമണം

തമിഴ് നാട്ടില്‍ നിന്ന് പലക്കാലങ്ങളിലായി പാലക്കാട് തുറസ്സിലൂടെ ചോളന്‍മാരുടെയും പാണ്ഢ്യന്‍മാരുടെയും സൈന്യങ്ങള്‍ കേരളത്തിലേക്ക് അധിക്രമിച്ച് കടന്നിട്ടുണ്ട്.ഈ കൊങ്ങന്‍ ആക്രമണം തുരത്താന്‍ സാമൂതിരിയും വള്ളുവക്കോനാതിരിയും കേരളത്തിലെ മറ്റ് നാടുവാഴികളും സംയുക്തമായി പ്രവര്‍ത്തിച്ചിട്ടുണ്ട്.

പരദേശിസേനയെ തുരത്തുന്നതില്‍ പലപ്പോഴും അവര്‍ വിജയിച്ചു.പക്ഷേ അതിന്റെ അനന്തരഫലം വള്ളുവക്കോനാതിരിയെ പ്രതികൂലമായി ബാധിച്ചു.വള്ളുവക്കോനാതിരിക്ക് പല പ്രധാന സ്ഥലങ്ങളും നഷ്ടപ്പെട്ടു.സാമൂതിരി അവകയ്യടക്കുകയാണ് ഉണ്ടായത്.രണ്ട് സ്വരൂപങ്ങളും തമ്മിലുള്ള മത്സരം ഇതോടെ രൂക്ഷമായി.അതിന്റെ പ്രത്യക്ഷഫലമാണ് തിരുനാവായയില്‍ നടന്നിരുന്ന മാമാങ്കത്തില്‍ പ്രകടമായത്.

വള്ളുവക്കോനാതിരിയില്‍ നിന്ന് മാമാങ്കത്തിന്റെ അദ്ധ്യക്ഷസ്ഥാനം സാമൂതിരി പിടിച്ചെടുത്തു. ഈ കാര്യത്തില്‍ മുസ്ലീംങ്ങളുടെ സഹായം സാമൂതിരിക്ക് ലഭിച്ചിരുന്നു.പിന്നീട് വള്ളുവക്കോനാതിരിയുടെ ശക്തി ക്രമേണകുറയുന്നതായിട്ടാണ് നാം കാണുന്നത്.
തുടര്‍ന്ന് വായിക്കാന്‍ മുകളിലുള്ള  ചരിത്രം എന്ന ലിങ്കില്‍ ക്ലിക്ക് ചെയ്യുക